قيود عشك الشيخ

قيد الرابع

خايف أجَيك بلا وعِي
ومَا بيك تستقبلني
أنه أعرفك تحَب تبتعد
بس ما عرفت تحَبني .

﹌﹌﹌﹌﹌﹌﹌﹌﹌﹌﹌﹌﹌﹌﹌

انطيت لـ عمي الاگل ورحت ركض للغرفة دفرت الباب على ابتهال ودخلت انهت من الركض::- ولللججج كووووومييي يمعزززايية

انفزعت بـ خوف ورهبة وجاوبتني ::- شكو شبيج فهد صارلة شي

::- لا ما صارلة تفي من لسانج وجبح لهل لسان راح يجيبو ما بي شي تعالي لبيت اهلج نحظر اله غرفة

ابتسمت ودموعها نزلو وانا سحلتها سحل لاكانا اثير بـ باب الصالة عقد حواجبة واردف::- ها وين تسحلين بالبت

كشولت وجهي بقرف::- دوخر وخر رايحين لبيتهم نحظر غرفة لفهودي

مشة كدامنا بدون صوت هذا طبع ولدنا لو للباب ما يخلونا نطلع وحدنا رغم بيت خالتي فاطمة يمنا حايط على حايط

مشينا وراه دخلت ابتهال تنظف بهمة وعلى شفايفها ابتسامة فرح ابتسمت على شكلها واثير عيونة تلاحقها وين ما تروح

درت وجهي منة وبديت انظف وياها نص ساعة واجو دخلو فهد انمرد كلبي من شفتة يون من الالم وبدون ملابس من فوك بطرك البجامة

شمرت روحها ابتهال علية تبوسة وتبجي تشم بي ومفرفحة روحها والولد اخترع من شافها هل شكل كام يصرخ عاد اخذتها طلعتها لبرة اصبر بيها واحاول اهديها

طلعت خالتي فاطمة روحها خاوية تقربت الها شمرت روحي بحظنها اشم بيها احس اشوف امي بيها حجت مستغربة::- مالج

رفعت عيوني عليها مدمعة::- ما بية شي بس خفت على فهيدان

ابتسمت بتعب واردفت::- ماكو شي يبعد خالتج ادعيلة وكون مضايكة من شي تعاي لية هنا يم اخيتج

ابتسمت على حنيتها::- دايمتلي بعد رويحتي اريدنج سالمة

حظنتني وهي تكول::- احنينة على اميمتج

غصة صارت بنص بلعومي من يذكروها ابتسمت وطلعت للصالة شفت ايسر كاعد هو وعمة جميلة رحت باوعتلة ابتسمت شو هذا خزرني?!!!!

صفنت بوجه دار وجه مني يهز برجلة وصاير اعصاب تنهدت هو الدنيا بقت بس ايسر الي وهسة مدري شبي وياي

رحت امشي بتعب نمت على رجل عمة جميلة وهي خلت ايدها على راسي واردفت::- مالج يم الفواين شعاملة واجيتي تتلبدين بحظني

::- عمة تعبانة روحي خوت

شهكت بخوف واردف::- مالج حبيبة شو عاينيلي

رفعت عيوني مدمعة اجت عيني بعين ايسر خزرني دنكت راسي ضايعة لكن سرعان ما اجاني صوتة يتغلف بالحنية::- شبيج??!!!