DIL KI BAATEIN DIL HI JAANE (SEASON 2)

CHAPTER 21

Shreya ki wajah se maine Purvi ke bhai ko dhundh liya.. Par maine unse yeh sach chupaya ki unke parents zinda hai kyunki mai nahi chahti thi ki ek bhai apne behen ko itne bure haal mei dekhe aur apne parents se zindagi bhar nafrat karta rahe..

Phir mai Daya sir ke saath unki choti behen ban ke unke ghar mei rehne lagi.. Par pata nahi kyun mujhe aisa laga jaise Daya sir ko kisi baat ka shikayat thi apni behen se.. Jab maine unki aankhon mei dekha tho mai samajh gayi ki Daya sir ko kis baat ka shikayat thi..

Daya sir ko lagta tha ki unki behen ko unki parents ka pyaar mila par unhe nahi.. Isliye vo mujhse bhale pyaar jatate the par kabhi apni dil ki baate batate nahi the.. Aur maine bhi jaan ne ki koshish nahi ki kyunki mai unki asli behen thodi na hu..

Par ek din mujhe pata chala ki Daya sir bhi Shreya ko pasand karne lage aur phir maine un dono ko milane ke liye bahane banati thi ki mujhe kahi bahar jaana tha ya mujhe kaam tha taaki Daya sir aur Shreya kareeb aa sake aur phir un dono ki shaadi ho jaaye aur phir Shreya meri bhabhi ban jaaye..

Shreya meri itni close friend hui jisse mai apni dil ki baat batana chahti thi.. Maine socha Daya sir aur Shreya ke shaadi ke baad  mai Shreya ko batau ki mai kaun hu aur Daya sir ko insaaf du par gadbad tab hua jab Shreya ne Daya sir ka letter padne ke bawajood bhi shaadi karne se inkaar kar diya..

Maine Siddharth ko sach batake usse shaadi karna chahti thi taaki Daya sir aur Shreya ki shaadi ho par Shreya ke parents ne paison ke lalach mei aakar unhone mujhe Siddharth ka mistress banaya.. Mai mar sakti hu par Shreya ki zindagi ko kabhi sapne mei bhi barbaad nahi kar sakti hu..

Isliye Shreya ke shaadi ko maine accept kar liya.. Siddharth mujhe message karta gaya Shreya banke par maine koi reply nahi diya.. Phir ek din mujhe laga kya I LOVE YOU bolna itna mushkil hai..? Tho maine try kiya aur jab maine aankhein khola tho maine saamne KAVIN ko dekha and I was shocked...

Mere dil ki dhadkanein itni tez hui ki pucho mat.. Jis crush ke saamne maine aaj tak HI bhi nahi bola.. Uske saamne maine pehli baat bhi kaha tho kya kaha yeh soch kar mai andar hi andar ghabra rahi thi..

Meri ghabarat kam tha jo Kavin ke expressions dekh ke mujhe aur dar lagne laga.. Isliye mai vaha se bhaag gayi.. Jab vaapis bureau mei unhe dekha tho mujhse raha nahi gaya.. Mai bas khushi mei uchalna chahti thi..

Ek din Kavin ne bataya ki unki behen Kajal Daya bhai se pyaar karti hai.. Tab mujhe yakeen nahi hua par jab mai cafe mei unse mili tho mai samajh gayi ki Kavin Kajal aur Daya bhai ko milana chahte the..

Ek aor mai khush thi yeh soch ke ki mujhe Kavin ke saath milke personally kaam karne ke liye ek mission mil raha hai.. Par dusri aor jab mere dimaag mei Shreya ka khyaal aaya tab mai kuch samajh hi nahi paayi ki aakhir mujhe DOSTI CHUN NA CHAHIYE YA PYAAR..

Jaanti hu ki Shreya ki shaadi ho chuka hai.. Par mujhe dar tha ki kahi Daya bhai Shreya ko nahi bhule aur unki shaadi Kajal se ho gaya tho vo Kajal ko jaane anjaane mei takleef na de..

Shreya ko apne dil mei basake Kajal ko hurt kiya tho Kajal ko hurt dekh kar Kavin hurt hoga aur unhe hurt dekhkar mujhe bilkul achchha nahi lagega.. Isliye mai koi faisla nahi kar payi aur maine Kavin ko help karne se mana kiya..

Ek mission ke dauran Kavin ne shaadi ki mujhse aur Daya sir aur Kajal ka shaadi karaya.. Phir mujhe pata chala ki vo sab tho Daya sir aur Kajal ki shaadi karane ke liye tha..

Mujhe laga ki mera first kiss yaadgaar hoga par jab Kavin ne mujhe kiss kiya tho mujhe laga ki vo Kajal ko dikhane ke liye mujhe I LOVE YOU BOLKAR KISS KAR RAHE THE.. Mujhse raha nahi gaya aur maine unhe thappad maara..

Par mujhe tho baad mei pata chala ki sach kya tha.. Par jab tak pata chala tab tak bahut der ho chuka hai.. Mujhse yeh baat bardaasth hi nahi hua ki Kavin aur Aanya ka bachcha is duniya mei aane wala hai..

Mujhe laga Kavin aur baaki sab kam se kam mujhe dhundhenge par kisi ne mujhe dhundha hi nahi.. Kavin ne mere liye 10 din dhundha tha pehle jab mai gayab hui.. Lekin aaj.. Aaj Kavin ke liye mujhse zyada Aanya important hai isliye vo Aanya ke saath hai..

Mai bilkul akeli bina kise manzil ke ek raaste pe chalti rahi aur jaise bina manzil ke kisi bhi raaste pe jao koi farak nahi padta.. Aise hi mai chalte chalte ek nadi mei khood gayi..

Jab mere aankhein band hue tho mujhe sab kuch yaad aaya.. Meri kahani ko bayan karna itna mushkil bhi nahi tha..

Ek ladki jaise rajkumari ki kapde pehen ke bahar apne rajkumar ka intezaar karti thi.. Bahar aaye hue logon ko lagta tha ki 'arey yeh tho rajkumari hai, iske paas kya kami hai..? Iske paas tho sab kuch hai..'

Rajmahal ka darwaza khula tha, rajkumar bhi saamne tha.. Rajkumari mahal ke andar gayi par rajkumar apne kaam mei itna vyast tha ki usne kabhi bhi us rajkumari ki aor dekha hi nahi.. Rajkumari jaise mahal ke andar bahar aati jaati rahi..

Rajkumari jab apne bhai se mili tho uske bhai ne kaha ki tum tho rajmahal mei saare cheezon pe apna hak jatake baiti ho, tumhe kis baat ki kami hai..? Hum tho roti, kapde, makan ke liye pareshaan hote hai.. Us rajkumari ne use kuch kaha nahi sirf rajmahal ke andar chali gayi aur uske chehre pe ek dard bhara muskaan tha..

Usne rajmahal ko dekha aur uske aankhon se ansoo aaye.. Kyunki bahar se dekhne mei tho vo rajmahal bada sundar tha par andar se dekha tho pata chala ki vo rajmahal se zyada shadiyatron ka mahal tha jaha kab kaunsa chaal chale kisiko bhi pata nahi tha..