انا المذنبه وانت البريء

الـذنب الـ ٢١

#انا المذنبه وانت البريء

- قراءه ممتعه لخدودكم الحلوه .
- كاتبتكم فاطمه جميل .

_________________

غزوه ..

طلعت تلفوني من الجنطه الذابها ع قنفه وهو صافن بالفراغ مو وياي فتحت باب الصاله وردت اطلع جرني بكل قوته من ايدي تركني داخل الصاله واجيت اهجم عليّ وبأيدي التلفون ..

غزوه : وخخخخرررر عنييي خل اروحح وخررر

مسند : دخلي لا اسوي بيج جريمه!!

غزوه : سوييي چا ما سوي منو لازمممممك ؟

لزمني من ايدي بقوه بحيث حسيت اصابعه نبتت بأيدي تركته ورحت اركض ع الباب الرأيسي والدنيا صارت مغرب والاذان يأذن ..

واحنه نتعارك بقيت افتح بالباب واديه ترجف ماعرف وين راح هوّ واديه غدرن بيه بقيت ماعرف شون افتح الباب فتحته ..

وشفت الشارع كلت الحمدالله تخلصت حروح جرني من الدشداشه مالتي وذبني وبيده مفاتيح قفل الباب وراح واني اصيح وراه ..

غزوه : حقققققير الله لا ينطيك العافيه نعال كون بيك خير ما راددت ابوك جلب كل خير مابيك ادبسزز سا** واحد هتلي نعاللللللللللللللللللل

حسيت الحنجره مالتي راحت اصيح وماكو وهو دخل والباب مالت الصاله سداه بقيت ادعي واصيح ساعه اصيح بلكي يجي احد ..

ويفتحلي الباب وساعه اسكت شويه ارتاح بعدها إيست كلش ، حضنت ركبي لصدري وخليت راسي عليهم وحطيت التلفون يمي وماحسيت بشي بعدها ..

فتره واحس انشال من الگاع فتحت عيوني بنعاس لگيته شايلني غمضت عيني مستسلمه للنوم حطاني ع چربايه وماعرف وين طلع رجعت غمضت ونمت ..

مادري شكد مر وقت كعدت احس شي برگبتي من وره وادين حاضنتني التفتت مسند حاضني ومخلي راسه برگبتي من وره ..

دفعته بقوه تجاهلت هو نايم ، اباوع لساعه الي بالغرفه بـ ١١ بليل ، فز وگمت طلعت من الغرفه رحت ع صاله ادور ع جنطه ماكو ..

رحت للمطبخ يخبل بي كاونتر مال زناگيل وطباخ وطبله گزاز وكراسي بيت فخم يجننن يسوه بيت عيالي ..

دخلت للغرفه عباره عن ع ايدي اليسره كنتور ومقابيل الكنتور جربايه ام النفرين جبيره حيل والكنتور ..

مملي مرايات ، ومقابيل الچربايه ميز ابو مرايه وبس والغرفه حيل چبيره ، لگيته نايم فتحت الكنتور الملابس مرتبه بقيت اطلع الملابس مالتي ، دشداشه طويله  تراك نوم ، والباقي عباره عن دشاديش اطلع واذب بالگاع اخر شي ..

طلعت تراك لونه وردي يجي قصير اخذته ورحت للحمام قفلت الباب وگعدت اسبح ، كملت طلعت ادور ع مشط ماكو فتحت المجرات والگه علاجات كومه ومن ضمنهم العلاج مالت الصرع الي لگيته بالكنتور مالته هناك ..