انا المذنبه وانت البريء

الـذنب الـ ٣٠

#انا المذنبه وانت البريء .

- قراءه ممتعه لخدودكم الحلوه .
- كاتبتكم فاطمه جميل .

_________________

منال ..

فتحت عيوني ع وسعهن من الصدمه ماعرفت شسوي لا انطق ولا ارمش بقت عتاب تباوعله بصدمه حالها من حالي ..

رافع : باع عيونها شنو هل جمال ؟

باوعتله لگيته يباوعلي خزره
معاذ وكمل كلامه

معاذ : مثل ما سمعتن عتاب اطلقت سراحج منا لمن نشوف وين توصل بينا المواصيل اطلع صديقتج وراج

عتاب : مستحيلللل ماعوف منال مستحيلللل

اجت عليه بعجل وحضنتني بقوه بادلتها ونزلت دموعي هادئه باوعتله بحرگه وغصه اريد
اصرخ واطلع حرگتي ماكو شي مربطني !!!

منال : لا تعوفيني عتاب لا تعوفيني فدوه

عتاب : والعباس ماعوفج والله

وخرت عني ولزمت وجهي بأثنين ايديها

عتاب : ماعوفج ماعوفججج

منال : معاذ لو طلعنه سوه لو ما نطلع !

رافع : شنو هل حبيات اوي بنات تره اشتعلوا اهلي

خزره معاذ وكال موجه الكلام الي

معاذ : طلعت عتاب من صالحج

منال : وشون من صالحي؟

معاذ : هسه احنه محاوطين بالشرطه والامن اذا اطلعج خطر عليه وعليج حياخذوج يستجوبونج وذا ما تحجين دخلين بالف داهيه واني الاروح بيها

عطت بصوت عالي ما تحملت

منال : يطبككك الف مرضضض عسى لو ما تموت كدام عيونييي مالييي دخل بيك

معاذ : لا الچ دخل

قوس عيونه وباوعلي كامت عتاب تعدل بملابسها

عتاب : يلا يلا طلعني

باوعتلها بصدمه ودموعي تنزلعشره عشره ابتسم واخذها لبعيد ورافع يمي يباوعلي بنضرات مقززه ضلوا يتهامسون واني ابچي هادئه اخذت ملابسها حضنتني قوييي وما بادلتها الحضنه بقيت بس ابجي ..

باوعتلي وكالت

عتاب : لا تخافين اطلعج والله

عافتني وراحت ومحد بقى يمي بقيت الوب ساعه انزع شالي واملش شعري وساعه ادخل للحمام اسبح واطلع منا لمن غفيت من بحدي ..

فزيت ع صوت قويييي بأذني كعدت لازمه أذاني بأديه واصيح بصوت

منال : عوفونيييي عوفونيييي

اصرخ وي كل صوت طلق، صار عالي عبالك يمي ، ما هدى الوضع ابدد واني ميته رجيف ولا سامعه هل صوت بس من جنت صغيره ، بقيت ابچي ..