انا المذنبه وانت البريء

الـذنب الـ ٢٩

#انا المذنبه وانت البريء .

- قراءه ممتعه لخدودكم الحلوه .
- كاتبتكم فاطمه جميل .

_________________

منال..

فتحت عيوني بثگل حسيت اديه يوجعني افتح عين واسد عين وما مستوعبه الصار بعد معاناة الا كدرت اشوف زين شفت عتاب يمي ومغمئ عليها وكاعدين بغرفه ..

سكراب بيها كراسي وبراميل كبار لمحت بيها كلوب اصفر وباب خشبي اباوع لنفسي مربطه بحبال ولا تنفتح احاول افتح واضرب بأيدي ع الگاع ماكو باوعت نفس ملابسي نفس حجابي نفسي ..

حمدت ربي ورجعت باوعت العتاب المتمدده كدامي وهم مربطه بحبال بأيديها ورجليها

منال : عتاب عتاب سمعيني عتبببب

انهاريت احاجيها ما تحجي وياي ولا فزت كلت ماتت البت ع صراخي دخل واحد ملثم لابس كله اسود بأسود بوكتها خفت خوف ما اكدر اوصفه ولا راح اوصفه كلت موتي ع ايده اليوم ..

بقيت اتراجف لا إرادي وهو يسحل بروحه سحل لمحت عيونه ملونات وابيض حجيت بجبورت
عكس البداخلي

منال : والله اذا تلمسني حضك اطيحه

ضحك بصوت عال وتقرب عليه وكعد منتكي ع رجلينه،جنت كاعده ع حيلي واديه بحضني فتح اديه واني مستغربه منه ، اول مافتح اديه حكيتهم بوجع انتبهت علي يباوعلي بقيت اضرب بي واضرب ولا يهتز ابدد ..

اضرب ومنهاره ابجي وابجي وهو ثابت
نفس كعدته

منال : عوفوني عوفونييي الله يخليكمممم ، اذا عرف بابا والعباس يموتكم ياكلكم اكل مجرمين سفله ثورررر ثور هايججج

كلتها وضربته بقوه وهديت شوي وهو نفس كعدته بس شويه مبتعد عني ،، ساعه اتوسل ساعه اهدد باوعتله بهدوء

منال : منو انت ؟

- شسوين هنا ؟

نبره صوته بيها بحه قويه

منال : ماسوي شي مرينا منا اني وصديقتي وشفناكم

- ممم

منال : عوفونه شتردون من عدنه ؟

- مانريد شي

باوع لعتاب وكال

- يمكن ماتت هي

كال هيج واني تخبلت

منال : الله يلا ينطوكم بجاه محمد نعله زر** بيكم مجرمينننننننن

- اشش بلا لغوه زايده

كالها وراح عليها وهي متمدده شوي
عني تلمس خدها

منال : عوفها لا توصخها القذررررر عوفهااا

باوعلي وسكت طلع من جيبه كلنسه وشيشيه مادري شنو بيها بس خلاها ع خشمها كعدت تكح فوك الخمس دقايق هي بس دكح وشوي شوي بدت تصحه وهو يمنه من كعدت وشافته يمها ابتعدت وباوعتلي ..