انا المذنبه وانت البريء

الـذنب الـ ٢٧

#انا المذنبه وانت البريء .

- قراءه ممتعه لخدودكم الحلوه .
-علقوا بين الفقرات عيوناتيي .
- كاتبتكم فاطمه جميل .

_________________

غزوه ..

ابتعد من حس بدم يطلع من شفتي فتحت عيوني احاول استوعب شصار وانو اني بحقيقه مو حلم باوعلي ومسح ع شفته وبعدها مسح ع شفتي كال بصوت ذايب

مسند : هسه الا ارتويت بيچ قرة عيون مسند

ضجت حيل ماحبه يناديني بلقبها .. نزل عليه وشالي حاوطت رگبته واستنشق عطره الصاير ادماني فتحت عيوني باوعلي وابتسم ..

نزلني للچربايه وحاوطني من خصري ضمني علي كلش صار راسي جوه حنكه برگبته وبقى يمسح ع ضهري واني مغمضه عيوني ..

مسند : شسويتلچ حتى هيج خدرتي ؟ شحال لو داخل بالغميچ

هتز صدره يضحك وابتسمت ، بعدين ابتعدت من حضنه وكعدت ع حيلي ضل يباوعلي واني ميته بدمي ماحطيت عيني بعينه ..

غزوه : اريد اگلك شي ؟

عدل كعدته وصار مقابيلي وخر شعري لوره اذني

مسند : اسمعچ ؟

بديت احجيله كلشي صار بالشهر ماكو شي ضميته عنه ماعدى بعض الاشياء الي ماتنحجي ما حجيتها ، بقى صافن يباوعلي وي كل كلمه يصير عصبي اكثر ويسد ع معصم ايده بقوه ، بعدين لزمت ايده وهو مسح وجهه وباوعلي

مسند : گلولچ شي ؟

غزوه : مثل شنو ؟

مسند : يعني ءءء شون اكلج يعني احب وهيج ؟

غزوه : تحب منو ؟

مسند : ماكو شي ماكو شي

رجع راسي لصدره وكال

مسند : والله لخليهم يتندمون ع كل شي سووه الچ واساساً مالهم دخل عسما اغتصبچ هسه

ابتعدت من حضنه گلبي ينبض قوي ، باوعتله وبلعت ريگ ضحك

مسند : اشاقه اشاقه المهم ارتويت بحلگ منچ ، ايبا شون حلگ اخخ يرد الروح ونوب خدرتي بيدي كمت ماعرف شسوي ردت استغل الموضوع واخلي فردوس يصير جد بس مانطاني گلبي

ضربته راشدي باوعلي وضحك واني متبلعمه

مسند : ايدك ثگيله طرزان

غزوه : هسه شنو حترجع ؟

دار وجهه عني وكال

مسند : لا

غزوه : شنو لا المن جاي چا؟

رجع نفسه لوره انتكه ع ضهر الچربايه طلع جكاره ورثها وهو يباوعلي

مسند : العقيد دزالي احد من الجنود وگال خل مسند يرجع لشغله واحنه الممنونين

غزوه : اي يعني حترجع لشغلك؟