انا المذنبه وانت البريء

الـذنب الـ ٤١

#انا المذنبه وانت البريء .

- قراءه ممتعه لخدودكم الحلوه .
-علقوا بين الفقرات عيوناتيي .
- كاتبتكم فاطمه جميل .

________________

غزال ..

گاعدين جمعيه كل عاده ساعه تقريباً ٩ الصبح ونسولف كل واحد يفتح حديث واحنه نطرق بي منا لمن كال عمي موجه الكلام الي

فردوس : عمي بالچ ع ابنه تره هل سند عزيز عندي وانتِ مدلوبته

ضحك الكُل ومسند يمي گرصته لحتى ينطق ويدافع عني

مسند : لا بويه هي قرة عيوني شون دولبني هي الي سندتني بوقت الضعف هي الي وكفت وياي بوقت مجان الكل واكف وياي

عقيل : اخخخ اخوي رومنسيييي

حره : چا مثل حضي اگله حياتي يكلي وين شبيها حياتج

عقيل : هو غزل هذا بشرفج دكولي حبيبي زر***

ما حسينا الا شهگت عمي وطاح من على القنفات كلنه ركضنا علي نگلبن عيونه وبقى يصارع نفسه تخبلنا نص يصيح نص معرف شيسوي

مسند : غزززززال شوفي ابوي شبييييي!

لزمت ايده وشفت النبض وكف شعر راسي نملن عيوني دموع ردت ابچي بس صارعت نفسي والعيون منتضرتني واني ساكته وخايفه ركضت نهله وصار عمي بحضنها ..

بقى يطلع من حلگه زعبال ابيض

عقيل : سسسسسسنددد سيارتككك خل ناخذه للمستشفى

ركضوا كلهم حتى عمتي الا اني وحره عرفت شحيصير بي بس ردت اتأكد دائماً هيج حاله تمر عدنه تصير ذبحه صدريه بالانسان وتجي فجأ اله غفله ..

اعوذ بالله منها

حره : اخ يا عمي ربي يرجعنه النه بسلامه ياربب

غزال : آمين آمين

بقيت الوب دزيت مسج لمنال تجي وماكو لمن اتصلت عليها واني اشهگ وابچي جان تصرفي غلط هيج اگلها بس شسوي طلعت من حلگي هل كلمه ، بقينا منتضرين عمي يجينه لكن خاب ضنه من رجع بس رجع بتابوت وصوت الصريخ مله البيت ..

رجليه نملن من سمعت صوت صريخ نسوان وزلم دخلوا الجنازه وشايلينها مسند وعقيل خلوها بنص الصاله والصريخ اخترق مسامعي بعمري ماشفت زلم تبچي هيج وكف عقيل فوك راس عمي وشك ثوبه من الطول لطول

عقيل : بويه عفتتني بوووووووبه يهونلك اشيل المسؤليه عنك يهونلك تخلي ندم يهونلك اتبهذل تالي عمي بويهههههه

عمتي طلع براس عمي من التابوت وتبوس بيه وتبچي وصيح وصرخ صريخ يگعد اهل الگبور

رشا : فردوس لا تعععوفني مو كلت نكمل العمر سويه ليش عفتني بنص الطريق ليشششششش فردوس شوف ويلادك بعدهم صغار