انا المذنبه وانت البريء

الـذنب الـ ٢٤

#انا المذنبه وانت البريء .

- قراءه ممتعه لخدودكم الحلوه .
- كاتبتكم فاطمه جميل .

_________________

مسند ..

وبيوم وصلتها وانتضرتها تكمل لن كالت اخذ بس محاضره وحده كعدت بالكفتريا منتضرها ..

فتره واجت هي وبنيه سلمت البنيه وراحت طلبت كوفي وكعدت بالطبله المقابلنه ونهله كعدت تباوعلي بنضرات استغراب ..

نهله : سند شبيك؟

حجيت واني عيني ع البنيه الي لازمه تلفونها وعينها بي ساعه تصور ساعه تصفن بي ساعه تتلفت ع نهله وابد ماشافتني ولا لمحتني للحضه حسيت نفسي مختفي ومحد يشوفني ..

مسند : منو هي ؟

باوعتلها وابتسمت وكالت

نهله : صديقتي

مسند : يا مرحله وياج؟

نهله : لا مرحله اولى

مسند : ممم

مادري شعور غريب اول ماشفتها!!
حاسها قريبه عليه رغم اول شوفه اشوفها للحضه حسيت نبضات گلبي تتسارع
ولاول مره ..

جذبتني رغم ما لمحتني اخذتني بعيد
رغم ما شافتني ، يوم بعد يوم واني
منتضر اشوفها لحضه لحضه !!

وصلت بيه لدرجه اكول لنهله تجيبها
للكفتريا ويوميه نتشاوف بس البنيه
الله شاهد ولا حطت عينها بعيني !

ويمكن هذا الشي العجبني بيها ؟
لابسه اسود وعلعلت گلبي بجمالها
الاسود بارز بياضها فوك ما هي بيضه !!

بكل مره المحها من بعيد نبضات
كلبي تتسارع حاس الي قريب عليه او بعيد
يسمعهن !!!

شعور ولا غلطه لاول مره احس بيه مره
اجي للبيت فرحان واتخيلها مره اجي
للبيت ضايج وانساها مره اجي للبيت
اغني!!

عيشتني بغابه ماعرف صديقي من عدوي
منهد لحضه اللقاء الي بينه واني تايه
بعالم ثاني حاس نفسي بعالم يختلف
عن عالمنه حرفياً !!

مرات اتجاهل الشعور وياكلني
ومرات اتخيلها بالغرفه يمي
واتلمس بوجهها تجننت بسببها!

________________

مكان ابيض بس اني بي اسود واجتي بنيه جمالها جمال الملائكه حاس عيوني يطلعن من مكانهن بكل مره اباوع بيها عليها معرف منيه ما لمحتها ربطتني بسلاسل بديه ..

لا منه لأكوم ولا منه اشرد منها ضليت خاضع الها ربطتني ومشيت وياها واني عيني ع كل خطوه تمشيها تتلفت وتباوعلي وتبتسم وترجع تكمل طريقها دخلتني بقفص وجان حيل جبير ..

احس شي يربطني من كل اعضائي ماكدرت اصرخ او انادي احد يساعدني بقت تباوع عليه واني اباوع بيها جان شكلها مألوف بالنسبه الي صحت بصوت عالي وهي يمي ..