العنود

part _1

                            بارت _1
بسم الله الرحمن الرحيم

الكاتبة:-ميم آل حمدان

((العنود))
ـــــــــــــــــــــــــــــــــــــــــــــــــــــــــــــــ

- عمري 7 سنوات
كاعده العب بزاويه بهدوء وماما تحظر الاكل وبابا كاعد يقلب بالموبايل، عفت اللعب رحت لماما
:- ماما ماما
:-هاا حبيبتي.
:-جوعانه راح اموت.
:-ضحكت، اسم الله عليج بنيتي هسه خمس دقايق وتصير الاكل جاهز.
:-اذا تأخرر
:-لا ماما ماتتأخر روحي انتي لعبي.
:-اي.  رحت يم بابا ماانتبه الي من اجيت كعدت يمه
اباوع ويه شيسوي شفت دايحجي مراسله واكو صورة بنيه،
صح جنت طفله بس جنت اعرف انو ماايصير بابا او اي شخص يحجي ويه غير بنت.
:-سئلت بابا ببرائه منو هااي بابا؟
:-صديقي.
:-وليش صورته مال بنات؟
:-هههه، كومي بابا لعبي كومي.
:-ردت اكوم بس شفت وصله صورة بنت شبه مصلخه، انصدمت كمت بسرعه لماما

:-ماما ماما.

:-ياأمي مو كلت خمس دقايق بعد ماصاير دقيقه.

:-ماما بابا يحجي ويه بنت وذزتله صورة مالابسه ملابس مو عيب؟
:-تغيرت ملامح وجهه وكعدت مقابيلي بصعوبه لان حامل وحجت بحزن

:- عنود ماما انتي ذكيه اعرف ومكدر اجذب عليج بس لهذا اريدج تنسين هااي السالفه ولاتحجين بيها لاحد.

:-سكتت،
رجعت كالت: خووش ماما اتفقنه؟!
:-اي ماما مااكول لاحد.

_مشت الايام ونسيت السالفه، فد يوم بالليل ابوي كال لامي جهزي عنود اخذها للمتنزه تتونس شويه.
كامت امي جهزتني وانه فرحانه وطلعنه...

عنود:- بابا تشتريلي؟

احسان:-اي بابا بس مو هسه.

عنود:-سكتت، وصلنه يم شقه ووكف السيارة
-وين الالعاب بابا؟

احسان:- جوه بالبيت تعااي نفوت.

عنود:-دك الجرس طلعت مره حلوة باوعتلنه وكالت فوتوا.
طبينه للشقه صغيرة كلش وهي حضنت بابا انه ضجت كتلتها:
- وخري من بابا عيب ماايصير، وشويه وابجي.

احسان:- تعاي بابا كعدي هنا.
-_ كعدني كدام التلفزيون وشغلها والمره جابتلي حلويات، كالولي ابقي هنا احنه نحجي شويه ونرجع تمام.

عنود:-مفهمت شي بس كلت، مو على اساس تأخذني للالعاب.
احسان:- بره حارة هنا احسن.
عنود:-سكتت. وهما راحو للغرفه التهيت اكل واباوع للتلفزيون.
ورا نص ساعه تقريبا طلع بابا وشعره مبلل.