بارت _8_
كنت أرغب في الحديث طويلا
دون توقف ولكنني في نهايه
المطاف أدركت بأن لاشيء
يستحق أن أتحدث عنه
أخترت أن أصمت
واستمع إلى الموسيقى...
•••••••••••••••••••••••••
جنت دائماً احس انه حياتي فد يوم راح تصير حلوة وتخلص مشاكلي وهمومي وراح اعيش أيام حلوة بس كلما اكبر تزيد همومي ومشاكلي
شنو الغلط الي سويته ليش اني اتعاقب بهلطريقه وين الغلط، تعبت من التفكير وأخذت قرار مدام الحياة ضدي والناس ضدي اني راح احاربهم
واصير قويه بحيث محد يكدر يكسرني او يظلمني ، كملت التحضير وصبيت جاي انداريت لـ ادم
عنود:- كوم اخذها.
ادم:- انتِ تحجين صدك يعني تقبلين؟
عنود:- شبيك ادم چم مرة حجينه بهذا الموضوع.
ادم:- حجيه هوواي صح بس مكدر اصدك.
عنود:- اهوو ادم دكوم راح تبرد الجاي.
اجه اخذ الصينيه وفات رجعت للغرفه وكفت كدام المرايه اباوع لوجهي المشوه من الضرب فتحت درج المكياج وخفيت كلشي بوجهي
اخذت فستان اسود وحزام كحلي لبسته وعدلت شعري وكفت أتامل نفسي كلشي حلوو ومثالي
اندك الباب خفيف فاتت سلمى وباوعتلي وحجت
سلمى:- اذا جاهزة يلا تعاي ينتظروج.
عنود:- اجيت.
اخذت نفس عميق ومشيت دخلت الاستقبال سلمت وكعدت يم سلمى رفعت راسي شفته يباوعلي ومرسومه ابتسامه على ثغره درت وجهي على مصدر الصوت
- ابو ادم احنا اجيناك من الباب واتمنى ماتردنه.
احسان:- إن شاءلله مانقصر كول حجي.
- تعرف الشباب حبو بعض واحنا واجبنا نجمعهم بالحلال والحب مو عيب ولا حرام وانتو ناس طيبه واهل غيرة.
احسان:- صح لسانك حجي.
- احنا طالبين ايد بنتكم لابنه واي شي تطلبوا احنا حاضرين.
احسان:- اني كتلك الجواب بالاخير يرجع لـ عنود اذا جانت موافقه نتوكل على الله.
- خير ماتسوي رائي البنت مهم، شتكولين عنود موافقه؟
بقيت ساكته والكل ينتظرون جواب باوعت عليه شون منتظر الجواب رغم يعرف جوابي بس متوتر
YOU ARE READING
العنود
General Fictionالحياة.... على قمة اليأس تنبض الامل. وخلف ستار الظلام تشرق الشمس. وبعد حكم الجبارين يأتي عدالة الله. خيانة... وفاء... عذاب... رفاهيه... وحده... صديق... إجرام... موت.. هكذا هي الحياة.
