بارت _12_
يكول:-
من شفتك وحكك
تيهت دربي....
ماكلك متت
بس انخمش
كلبي......
عمري لاتنسون التصويت والتعليق.
••••••••••••••••••••••••••••••••••••••••••••
احس بكلشي بس مااسيطر على تصرفاتي وحركاتي عقلي فصل، ضغطت الزناد
صوت الطلقه وتكسر الجام وفجاءة وكفت السيارة حسيت على نفسي بقيت صافنه شسويت اني
اباوع ادهم مصدوم من تصرفي بسرعه اندار عليه يخزر كال
ادهم:-شتسوين انتِ تخبلتي.
راد ياخذ السلاح بس سحبت نفسي بسرعه وفتحت باب السيارة وركضت باتجاه الشارع
جان اسرع مني بالركض
لزمني ورجعني ادفع بي واضرب مايفيد
بقيت اقاومه ماحسيت غير براشدي فر وجهي حسيت وجهي خدر
لزمني من فكي ودفعني ع السياره وهو يعصر بفكي، حجه وهو كاز على اسنانه
ادهم:- ساكتلج لحد هسه لاتخليني افلش راسج.
ضربته بقوة على بطنه مااهتز ايدي أتاذت وهو ماصارله شي، لزمني من شعري وكال
ادهم:- منو ذازج علينه ليش تراقبينه.
عنود:- لك حيوان عوفني شنو منو ذازني عليكم.
ضرب راسي بقوة على جام السيارة غمضت عيني متألمه رجع كال
ادهم:- احجي عدل وياي اني ساكتلج لخاطر اشهم.
عنود:- شتررريد مني هااا شتررريد.
ادهم:- لصالح منو تشتغلين؟
عنود:- هلكد مخوفتك ومدري.
::-ههه تالي عمري اخاف من زعاطيط.
::- مادام ماتخاف هدني شبيك مقيدني هيج.
::- منو انطاج السلاح؟
::- اشهم.
من كلت اشهم عافني وطلع موبايله يخابر على اشهم كاله تعال اخذ مرتك، يعني اشهم مابي شي هو جذب عليه
عنود:- رجع سلاحي.
ادهم:- اشش صوتج مااسمعه.
::- انطيني السلاح كلت.
::- عنود اسم غريب يعني من عرفت اسمج كلت وين اكو هيج اسم بس من شفتج عرفت اسمج يلوكلج.
::- شنو تمسلت انت.
::- الجو حلوو.
صفنت هذا شبي تصرفاته تخوف، تقدمت ومديت ايدي كدامه باوع لايدي بعدين رفع عينه لعيني
YOU ARE READING
العنود
General Fictionالحياة.... على قمة اليأس تنبض الامل. وخلف ستار الظلام تشرق الشمس. وبعد حكم الجبارين يأتي عدالة الله. خيانة... وفاء... عذاب... رفاهيه... وحده... صديق... إجرام... موت.. هكذا هي الحياة.
