العنود

part_7_

                            بارت _7_

••••••••••••••••••••••••••••••••••••••

لست ملاذاً لأحد، أنا الغُرق ذاته!
كأنما لاشيء بي، وبي ألفُ شعورٍ يُقال.
كُن دائماً المُلفت الذي لا يلتفت!
قاوم بثقة كأن الحياة في صفك..

دقايق حسيتها ساعات من الخوف والرهبه، واني اشوف الباب راح يتكسر علينه وكلام رهف الي مثل الصعقه شصاار معرف هي دقايق بس كلشي تغير.

رهف:- عنودد هذا هذا اخويه مؤمل.

عنود:- شنووو رهف متاكدة؟

رهف:- والله هوو صوته صوته هذا اعرفه مؤمل هذا.

عافتني راحت يم الباب وتصيح
-مؤمل مؤمل اني رهف.

-رهفف شتسووين هنااا.

-عفيه طلعنه منا بسررعه خطفوناا.

-اطلعي من ورا الباب بسررعه رهف بسررعه.

اجت رهف يمي واني الرجفه بجسمي وهي فرحانه والضحكه شاكه حلكها، ثواني وانكسر قفل الباب ركضت رهف تطلع رحت وراها،

فجاءة صوت طلق صاار كلش قرريب عافتني رهف وطلعت بسررعه وسمعت صوت صياحها هز البيت هزز،  حيلي باد ورجلي مايشيلوني بعد مكدر اطلع واشوف شنو الصار،

طلعت وشهكت من المنظر الكدامي شاب طويل وضخم واكع بالكاع وغارك بدمه ورهف حاضنه راسه لصدرها وتبجي وتصيح

رهف:- مؤمل لااااا تعوفني حباب مؤمل اكعددد.

نزلت دموعي من رد عليها ويحجي بالكوه

مؤمل:- رهف حبيبتي اسف مكدرت احميج.

رهف:-  اشش مؤمل لاتحجي مايصيرلك شي والله ماتعوفني.

اصعب موقف مستحيل انسى واني اشوف اخ يموت بحضن اخته، بقت رهف تصيح وتبجي بهستريه

-عنوود عنوود كوومي ناخذه للمستشفى يلا.

بقيت جامده معرف شسوي شنو احجي اخوها مات وهي ماتريد تصدك، كعدت بالكاع سندت ظهري للحايط ولامه رجليه لصدري دموعي تنزل واني اشوف حالة رهف،

اباوع محد مااكو بالفرع محد مهتم شنو من بشرر هذوله، فجاءة حسيت لنفسي لازم نطلع منه قبل لايرجعون، كمت بسرعه لرهف الرايحه روحها حاضنه اخوها وتبجي

عنود:- رهف كومي نروح قبل لايرجعون.
ماترد بس تبجي عطت بيها

-كوووومي لا يكتلونه احنا هم.

-خلي يكتلوني منو بقالي بهل الدنيا بعد اهلي كلهم ماتوا اني ليش ابقى.

اباوع عليها بحيرة كمت افكر شسوي بس احس عقلي صفر مااكو اي شي ،

فتحت عيوني واني اشوف لايت السيارة تطلع من الفرع،  اكيد اجوو

-رهفف كووومي اجوو كومي نروح بسررعه.