بارت _9_
ورجوتُ عيني أنّ تكُفَّ دُموعها
يوم الوداعِ نشدتُها لاَ تدمعي
أغمضتُها كَي لا تفيض فأمطرت
أيقنتُ أني لستُ أملكُ مدمعي
ورأيتُ حُلماً أنني ودعتُهم
فبكيتُ مِن ألم الحنين وهُم معي
مُرُّ علي أن أودع زأئراً
كيف ألذين حملتهُم في أضلعي.
.......................
وكفت بصدمه معقوله هذا الشي صحيح واردفت
عنود:- رهف!!!
هي رفعت راسها من شافتني انصدمت مثلي ركضت حضنتني بقوة وصارت تبجي
بجيت واني اتذكر الي صار وياها ، هواي اسئله ببالي ليش رهف تزوجت شاهين شنو صاار
اباوع اشهم أشر لـ شاهين وطلعوا بره، بعدت رهف مني وهي منهاره كعدتها وسئلتها
عنود:- رهف شصاار؟
رهف:- عنود اخويه ماات.
كالتها وبجت رجعت حضنتها، معرف شكول شون أواسيها صعب كلش صعب الموقف الي صار وياها بقت دقايق حاضنتني وتبجي
ابتعدت مني ومسحت دموعها وكالت
رهف:- عنود شاهين كال اشهم ومرته يعني انتِ مرت اشهم؟
هزيت راسي واباوعلها مصدومه ومتعرف شتكول كالت بااستغراب
رهف:- ليش؟
عنود:- بعدين احجيلج قصة طويله، هسه انتِ احجيلي شصار وانتِ ليش اتزوجتي شاهين.
رهف:- من رحتي انتِ بذاك اليوم اجه اشهم وشاهين شافوا الي صاير......
.....
شاهين:- رهففف كووميي.
اني حيل مابيه مااريد اسمع شي اخويه ميت بحضني احاول استوعب صااح اشهم
اشهم:-شاااهينن لاتوكف شيل رهفف، عنود وينها؟
اجه شاهين سحبني يريد يبعدني من جثه اخويه واني مجلبه بي واصرخ وابجي، شالني بقوه واني حيلي باد جاب فراش غطى جسم مؤمل
اباوعله وروحي مسلوبه طلع اشهم من البيت وصااح
اشهم:- عنوووود ويننن؟
شاهين:- اشهم معقوله جماعه السيد ورا السالفه.
اشهم:- اكيددد هماا ولد *****.
شاهين:- رهف رهف عنود وين؟
يحجي ويهز بيه بس اني فاصله مااحس فجاءة صاااح بيه فزيت كال
شاهين:- عنووود وين؟
رهف:- راحت راحت.
اشهم:- ويينن راحت؟
رهف:- معرف معرف عوفوني.
بقيت اصيح وابجي هما انخبصو يخابرون معرف شنو يسوون واني مو يمهم، تقربت يم جثه اخويه كشفت وجهه وحجيت
DU LÄSER
العنود
Allmän skönlitteraturالحياة.... على قمة اليأس تنبض الامل. وخلف ستار الظلام تشرق الشمس. وبعد حكم الجبارين يأتي عدالة الله. خيانة... وفاء... عذاب... رفاهيه... وحده... صديق... إجرام... موت.. هكذا هي الحياة.
