بارت _16_
#العنود
واكول انساك
بس شنساك؟
شنساهن
اكلب بالصور
واتكلب وياهن!.
•••••••-•••••••••••••••••••••••••••••••••••
عنود
مرات الانسان تحييَّ كلمه ومرات تحس انسان عوض عن كلشي عشته قبل
وتعيش وياه شعور حلو.
اشهم:- هاي امك.
بقيت متصنمه ليش هيج كال ليش يخلي
الولد يعيش بجذبه ماجنت اعرف اكو غايه
وراه هذا الكلام والايام هي الي راح
تشوفني هي وهو استرسل بكلامه
::- امك يعني كلشي بحياتك لازم تحبها
اكثر من روحك وتخليها بين عيونك لان ماكو احد راح يحبك مثلها، وترى مو كلمن
جابت يعني تصير ام لا الام مو بس كلمه
هي الي تربيك وتخاف عليك وتنطيك روحها
اذا لزم ومن تخنكك الدنيا تلجئ لحضنها
وهي تحتويك اعرف ماتفتهم كلامي هسه بس لاتنساه يجي يوم وتعرف معناه.
حسيت هذا الكلام فتح شكو جرح بكلبي
خله جروحي تنزف من وين اجيب امي
دموعي ضلت تنزل ومتيم صافن بكلام ابوه
اندار اشهم عليه ومسح دموعي وهو عيونه تلمع بيها الدموع همس
اشهم:- ماقبلتي بيه كزوج الج اتمنى تقبلين
ابني كاابن وتضمي بروحج.
باوعت لـ متيم الي يباوعلنه ساكت فتحتله
ايدي اجه لحضني حضنته لكلبي ودموعي
ماوكفت اباوع لـ اشهم مااتحمل نزلت دمعه
من عينه مسحها بسرعه وسحبنه لحضنه
اشهم:- روحي من الدنيا انتو كون يومي
قبل يومكم مااتحمل فراك بعد.
اندك الباب كام اشهم راح ومتيم يبتعد
شويه ويرجع يحضني ويضحك سمعت صوت
زلم بالصاله كمت لبست تراك عريض وطلعت شفت نفس الضابط باوعلي
واندار على اشهم
::- مرتك ماتلبس حجاب؟
اشهم:- لا سيدي.
::- من وين انتِ؟
عنود:- من الديوانيه بس سكنه
بـ صلاح الدين .
فك عينه بصدمه وصفن بوجهي من انتبه لنفسه دار عينه وفرك وجه باوعت لـ اشهم
وأشرت شكو هز راسه ماكو شي
::- انا مااجيت يمكم كا منتسب لا ضيف.
اشهم:- كل الهلا بيك.
::- اسمي دحام صهيب من الانبار دليم.
بقيت ساكته اسمعلهم كلامه ذكرني بلهجة
امي طلع متيم من الغرفه واجه يمي يباوع
لـ دحام معكد حواجبه،
متيم:- ماما نونو منو هذا؟
من الصدمه بس اباوع بوجهه باوعت لـ اشهم هم مصدوم ودحام يباوع لـ متيم
مستغرب
YOU ARE READING
العنود
General Fictionالحياة.... على قمة اليأس تنبض الامل. وخلف ستار الظلام تشرق الشمس. وبعد حكم الجبارين يأتي عدالة الله. خيانة... وفاء... عذاب... رفاهيه... وحده... صديق... إجرام... موت.. هكذا هي الحياة.
