بارت _11_
عمري لاتنسون التعليق والتصويت
ترى ماتسوون واهس اكمل القصه..
شكد حنين اليوم بيه
ومانمت
اليوم نومت المدينة
وسكتتهم حتى أنسى
ومانسيت
اتذكرتها أيامي يمك
وأنتهيت
مر على فراكك شهر
هسه بچيت.
••••••••••••••••••••••••••••••••••••
رغم اليأس والعذاب النفسي والجسدي الي جنت اعيشه جنت احس راح يجي يوم وكلشي يتغير
بس الحياة جانت الها رائي ثاني والقدر لعب لعبته مرة ثانيه بطريقه بشعه، 12سنه انتظرت يتغير شي بحياتي
وكان الشي الشي الوحيد الي يتغير هي شخصيتي واسلوبي ومشاعري اتجاه البشر
وكأن كل الدنيا متحدة حتى تخنكني......
رجفه سرت بكل جسمي من كال بهمس
::- اششش ولا صووت.
سحبني طلعني خارج المصنع دفعني بقوة للحايط غمضت عيني بألم انداريت شفته رافع السلاح بوجهي
رفعت عيني من السلاح لوجهه شفت شخص بملامح غاضبه ومخيفه ملامحه وجهه حادة، حجه ببحه غاضبه
::- منو انتِ وشعندج هنااا؟
عنود:- انت منو؟
تقرب وهو رافع السلاح بوجهي وملامحه وجهه مااتغيرت، كال
::- راح اعيد سؤالي اخر مرة منو انتِ وشعندج هنا؟
عنود:-اول شي مايخصك منو انه وثانيا هم مايخصك شعندي هنا.
ردت امشي حتى ارجع للسيارة بسرعه حط فواهة السلاح بكصتي ورجعني للحايط
::-لااتتحركين والا طلقه وحده براسج انهي حياتج.
عنود:-عليك الله كلش خفت.
::- تستهزين حضرتج.
عنود:- شنو تشوف انت، مخلي سلاح بنص خشمي ويهدد انت باوعت لروحك بالمرايه.
::- شنو تخبصين أنتِ بدون لغوة احجي منو انتِ؟
عنود:- شتريد مني وخررر اروح.
رفع حاجب وابتسم تك خد نزل السلاح وحطه بخصره مد ايده بجيبه مدري شنو طلع مدها الي وكال
::- هااج اخذي.
باوعت بيده حبوب بشكل اقراص بيضه لونها، رجف جسمي احس قطرة دم مابقى بجسمي سحبت نفسي ليورا
شفته يباوعلي بتركيز حسيت دايقره ملامح وجهي، اخذ حبتين وحطهن بحلكه ورجع الباقي بجيبه تصرفاته هادئه وغريبه
بقيت جامدة لا احجي ولا اتحرك دك موبايله
رد كال دقايق واوصل ورجعها لجيبه تقرب خطوة وكال
أنت تقرأ
العنود
General Fictionالحياة.... على قمة اليأس تنبض الامل. وخلف ستار الظلام تشرق الشمس. وبعد حكم الجبارين يأتي عدالة الله. خيانة... وفاء... عذاب... رفاهيه... وحده... صديق... إجرام... موت.. هكذا هي الحياة.
