ناظرته وهي مستنكرة غلطها ولا تعترف فيه ببرود:كل تبن ليه ترفع صوتك؟
فهد رفع حاجبه وغضب سحبها من فكها ووقفها قدامه وضغط على فكها:انت ماتستحي على وجهك؟.جالس اجاوب على أسئلتك التافهه وتقول لي كل تبن؟.
بعدت يده ومسكت معصمه بقوه ضحك بخفوت وسخريه لانه من شدة نحلها (ضعفها) ماهو حاس بشيء،شيم:أول شيء ماتمسكني بهالطريقه تفهم؟.
بعدين انا اسأل اللي ابغاه واقول الكلام اللي ابغاه
لكمها على عينها من القهر،طاحت على الارض
فهد:ماترتاح الا لما اكسر كل مفاصيلك
شيم تألمت ونزلت دمعتها كان فهد وراها بالظبط تتمنى معُجزه تصير ويروح ماتبي دموعها تنساب قدامه!.
ضحك فهد بضحكه هيستيريه شيم أنقهرت ورفعت أنظارها لكرسي الموجود وقفت بسرعه وهي تمسك الكرسي اللي قدام التسريحه رغم يدها لازالت تؤلمها والتفتت على فهد اللي تلاشت ضحكته ماعطته فرصه يعطي ردة فعل ضربت الكرسي على رأسه تألم فهد ومسك راسه وهي ركضت تشد شعره بقوة من قهرها ماعطته فرصه يتألم من ضربة الكرسي شدت شعره بقوه!
فهد مسك شعرها وشده،صرخت هي:شعري أترك!
فهد بغضب:اترك بالاول ولا ورب الكعبة لا أكسر يدك الثانيه.
شيم رفسته على منطقته طاح على سرير وهي رجعت للخلف والتفتت وهي تناظر المرايا اللكمه اللي لكمها على عينها وطلع أثارها باللون البنفسجي.
وقف فهد وهي ركضت للحمام لكن دخل رجله:أفتح والله ماخليك!
حاولت بكل قوتها تسكر الباب مسكت الموس اللي بالسله ومدتها ليد فهد وجرحته،بعد فهد من الباب وهو يحس بألم بيده(يده تنزف)وهي قفلت الباب وهي تلقط انفاسها
فهد بقهر وهو يرعبها يضربه الباب:خلك محبوس بالحمام بس والله ماخليك مايكون اسمي فهد بن عبدالله أن ماخليتك تعض الارض
شيم بسخريه وهي تحس وهي تحس بألم بكل جسمها بصوت عالي:تهديداتك ماتمشي علي.
فهد رفع حاجبه بسخريه:اجل ليه ماتطلع لي منخش بالحمام؟.
مسك رأسه اللي نفس الشيء طلع له أثر من الضربه بالكرسي وناظر الباب وبهمس:كلب.
دخل غرفة التبديل وغير ملابسه ولبس ثوب وطلع
ونزل وهو يركب سيارته شاف فارس وضغط الهرن بمعنى أن يجي
أنتبه فارس له وتقدم وفتح الباب وركب جنبه وأنتبه لجبهته
فارس بذهول بفهاوة وهو يركز بجبهة فهد:مضروب؟.
فهد ضرب رأس فارس
وناظر قدامه وينفث دخان،فارس بفهاوة وهو يحك مكان الضربه فهد طلع زقاره وحطها مابين شفايفه:تضاربت مع شهاب في احد غيره.
فارس:افا شنب وطول وهيبه ويجي هالنتفه يضربك؟.
فهد:يمين بالله يافارس لو ماتسكت تدري وش بسوي فيك؟.
فارس بعناد:وش بتسوي؟.
فارس صد بأبتسامه خفيفه:مقدر اسوي شي لاني احبك
ناظره:جوعان نروح مطعم ونتغدا؟
فارس وهو يلعب بشعره:لا مابي كليت قبل شوي مع لافي
فهد:نخلص من رعد يجينا لافي كل شوي تسحب لك واحد من شلتهم وتصير صديقه
فارس غمز له:تغار؟.
فهد ببرود وهو يخزه:وش متغدي مع هالتبن؟
فارس:باستا بخاطره باستا ماخليتها بخاطره وطلبت له وكليت معاه
فهد بأستغراب:باستا؟من متى تأكل باستا؟انت أصلاً لو نحط نوع من انواع المعكرونه قدامك تلوع كبدك شلون كليت الباستا؟.
فارس:ذاك معكرونه واللي كليته باستا
فهد ضرب راس فارس:والباستا ماهي معكرونه؟
فارس:مين قال؟.
فهد أنجلط من فهاوته:تستهبل معي تبي ادرسك انواع الاكل هنا
فارس:ياخي شفيك الباستا غير والمعكرونة غير،الباستا اللي زي الاندومي وذاك تقل.
فهد عرف ان بيسب النعمه:اسكت بس اكرم النعمه
فارس:زين أسمع بنزل لاني مواصل مانمت
فهد ضرب راسه بحده:انقلع.
فارس ناظره وثم اقترب منه وهو يضرب ظهر فهد بقوه ورجع مكانه:خلاص عاد جاني ارتجاج بالمخ كل واحد منكم شافني ضرب رأسي وتقولون ليه فاهي؟منكم!
نزل،فهد وهو ضحك:تعال
فارس خزه وهو يرفع كوعه معنى بيضربه:تعال والله ببوسك
ركب فارس وجلس والباب مفتوح وفهد باس راس فارس وباس خده
ابتسم فارس ومد يده:يدي شرايك تبوسها؟.
فهد رافع حاجبه:يالله انزل بس،ماتنعطى وجه
فارس خزه فهد وضرب رأسه:يالله انزل لا اسدحك بالشارع وامشي بالسياره فوقك رايح جاي
فارس:هين هين
نزل من السياره وسكر الباب بقوة،فهد بحده:ورع.
ضحك وهو يراقبه وهو يدخل:ياحبي له ياخي
دردشته مع فارس كفيله يجمل يومه وينسى اللي صار مع شيم حتى ان
نسى غضبه وقهره باللحظه فرفشته مع فارس مثل ماقلت فارس كفيل
ينسي فهد وأصحابه،حزنهم ،غضبهم،زعلهم،قهرهم،حتى بمللهم
••••••••••،•••••••••••
عند شيم طلعت من الحمام بعد ماتأكدت خروجه وطلعت وهي تلبس جاكيتها وتحط كاب الجاكيت على رأسها رايحه تطمن على صحباتها والتفت بهيام اول ماشافتها ذبلت دموعها على خدها شيم بخوف:هيام!
التفتت يمين ويسار وسحبتها من معصمها وهي تنزل فيها لشارع هيام كانت بتتكلم وشيم همست لها:أششش
سحبتها حتى ماراحو الحديقه جلست بالكرسي وجمبها هيام اللي انهارت بالبكاء
شيم:سلمان سوى لك شي والله الحين اروح وأكسر خشمه لك.
هيام ببكاء وهي منزله رأسها:سلمان ماسوى شيء حتى مابينا كلام كل واحد لحاله هو مو مهتم لي ولا انا مهتمه له!.
اللي مبكيني "تشاهق" فارس فارس متجاهلني ولا يكلمني يقط علي كلام يقول ماعندي شخصيه وأني ماعندي شخصيه وأني ماعندي لسان الحين هو وليال يقولون لي نفس الكلام والحين كلهم بغرفه وحده
ناظرت شيم:أمس كانو متجاهليني ويسولفون كلهم ولايكلموني
شيم بستنقاص زعلها:من جدك تبكين على هالشيء؟حريقه تحرقهم هم الاثنين مين فارس عشان يبكيك كذا؟ومن متى ليال تتحسسينن من كلامها هي دايم كذا.
هيام بأنفعال:اتحسس بس مابين تعبت من كلامها الجارح لي وانا اذا قلت لها كلمها اخاف اجرحها اخاف ازعلها هي ليه ماتسوي زي مااسوي انا؟
مو صديقتها مو متربين مع بعض؟تدري اني صديقة فارس تستفزني وتمسك يده قدامي وتسولف معاه ولامهتمه لوجودي
شيم عقدت حاجبها من كلامها اللي مو مفهموم:لحظه لحظه وش هالفوضى اللي تقولينها؟.
هيام ببكاء:مدري ليه زعلت من تجاهل فارس!
شيم:فارس مايستاهل ذرة دموعك
هيام انقهرت من برودها:اف شيم ماراح تفهميني وبتشوفين زعلي تافه
شيم:أي تافه تخيلي اصيح عشان الشيخ فارس ماكلمني عنه ماكلمك من جدك تبكين عليه؟.
هيام مسحت دموعها وشيم شدت علي يدها وبأستها:ومحد مستاهل زعلك
هيام برهبه وهي تشوف عين شيم اللي كانت تحاول تخبيه بغرتها وبالكاب:شيممممم عينك!.
شيم:عادي لاتخافين مافي شيء
هيام بخوف:ميننن سوى فيك كذا!!!!
شيم:هيام خلاص هدي امشي نروح عند ريوف
هيام وهي ترفع حاجبها:فهد؟فهد صح؟
شيم:أي
هيام:الله لايوفقه اف يحر تدرين قبل شوي طردني ومنعني اني اشوفك!لازم نسوي شي عشان مانقعدك عنده
شيم:أن جيتي مره ثانيه صرخي ولا أضربيه أي أضربيه
هيام:كيف أضربه وهو بيد وحده حذفني بالارض وسكر الباب
شيم:يبي لي ادربك انتي وريوف على الملاكمه.
•••••••••••،•••••••
الساعة٧الليل ريوف فتحت عيونها وهي تشوف شخص كبير ممكن عمره
٤٠-٤٥سنه او اكثر حضنت بطانيتها بخوف ضِحك الرجل اللي كأن من أول يناظر ملامحها وهي نايمه طلع سعود من غرفه التبديل وبيده قارورة ماء
(غرفة التبديل فيها ثلاجه صغيره) وناظر للرجال:هاك
الرجل بسُخريه:الناس يقهوون عصير قهوه شاي وانت جايب لي ماي
سعود ببرود:هذا الموجود
جلس على سريرة:وش قلت بتخليني معاكم أشتغل؟.البضاعة متى بتوصل عشان نبدا نشتغل؟.
رجل شرق وهو يشرب ماي وناظر بريوف وثم ناظر بسعود وهو يأشر له:صاحي انت تتكلم هنا وقدامه!
سعود بيرود لف وناظر بريوف اللي غطت وجها بالبطانيه وثم ناظر خويه محمد:معليك ماراح يتكلم.
محمد:يتعاطى؟
سعود:لا.
محمد:زين أخوياك فارس سلمان وهذاك ليه ماتكلمهم يشتغلون معنا وتزيد المبيعات ويمشي سوقنا
سعود بحده:لا،ان شفتك مقرب منهم
وقف قدام محمد وهو يخنق رقبته بيد وحده ببرود:ذبحتك فاهم؟.
محمد بعد يده:شفيك انت!ماني مقرب منهم.بعدين ليه قررت تشتغل فجاة وتبي تبيع،عبدالرحمن ماعاد صار يعطيك حبوب؟.
سعود ببرود:عبدالرحمن صار يطلب فلوس وانا ماعندي مفلس امس ماهي راضيه تعطيني وابوي مستحي اطلب منه،فاكلمتك وقلت ليه احنا مانبيع زي عبدالرحمن منها تكون الحبوب بيدنا ومنها نستفيد وناخذ المقسوم
بعد ريوف بطانيتها وهي تناظر سعود بخوف بعيد انها من الجنس الذكري الان قدامها متعاطي وقريب يكون تاجر مخدرات!
وقفت من على السرير ومرت وسعود كان معطيها ظهره لكن محمد
يناظرها بضحكة ومتجاهل سعود الواقف قدامه تقدم لريوف وهو يقول:ياحلوك.
صرخت ريوف وتقدم سعود قدام محمد وريوف خلفه سعود بحده وهو يمسك
محمد عن ريوف:محمد توكل
محمد بأستغراب:تونا داخلين الغرفه!
سعود:قلنا لك روح وانا بجيك
محمد وهو يناظر ريوف:هالحلو مايتفوت جيبه معك نتسلى عليه انا والشباب
سعود:محمد!
رفع يده بأستسلام وهو يضحك وطلع والتقى بسلمان و..
(هاي يحلوين شلونكم طبعاً لاتنسون تدعموني بنجمه وكومنت حلو زيكم،
انا بصراحه ما الوم ريوف يوم ذبحت هذاك الحيوان وغير كذا محمد يقهررر وفيه بارت مره بيقهركم نفس ماقهرني بس لاتخافون المنقذ سعود موجود وبيلعنه 😭وبس والله باايييي 💖)
