فارس بأستغراب:شفيك!
سلمان:عهود فيه غيرها؟.
فارس:أوف مو تقول قبل اسبوع كتبت لها كلام؟.
سلمان:كتبت بس على حظي ابوها مات وماعندها احد تشتكي له على قرادتي تعرفت على وحده منبوذه
فارس:صدق هي ماعندها كرامة كل ماتركتها جاتك بس لاتقسى عليها
سلمان:اقولكم ماني قادر ابلعها شلون تبوني اواسيها.
فهد:تستاهل ليه تعلقها فيك؟.
سلمان:فهيد تكفى لاتجلس تتكلم كأنك سعود ماني فاضي لك.
وراح،فهد بذهول:وذا شفيه!
فارس:خله ماعليك منه.
فهد:عشانك بس ولا كنت بقوم وأصفقه.
فارس:صدق والله؟يالله قوم صفقه عشان يسدحك بالمستشفى متكسر.
فهد ضحك ثم قال:زين امش نلعب كوره دام اول حصه بدنيه.
فارس:تستهبل تلعب وجرحك!.
فهد:أمش ماعليك.
دخلو فهد وفارس لملعب،كانت شيم جالسه على مقاعد وبيدها صورة ابوها وامها.
لمح فهد أنها لحالها وبيدها صوره وكان وراه فارس وماحب يحرجها وتنحنح بصوت عالي.
دخلت شيم الصور بشنطتها بسرعه،فهد تقدم وهو يبي يستفزها:انت وش من المسجد لين هنا؟.
شيم بحده وهي تناظره:نضحك يعني؟.
فهد:اقول قوم تعال العب معنا.
ماردت عليه،فارس تقدم وبيده الكوره بدا يضربها على الارض ونرجع له بدو يلعبون كورة السلة وثم فهد ناظر بشيم وتقدم لها:ياخوي تعال العب معنا وخلنا نكسر راسك قبل ماتبدا الحصة
تأفأفت وقام ابتسم فهد ورجع يمسك الكوره وبدا يضربها على الارض عدة مرات وثم رماها على شيم وهي بدت تضربها بالارض وتقدمو لها فارس وفهد يحاولون ياخذون الكوره منها لكن سريع مابعدت عنهم وهي تركض وترفع نفسها وترميها على شبك كرة السلة والتفت عليهم بضحكتها انها فازت عليهم،فارس مسك الكوره وهو يضربها بالارض:اقول فهيد الخوي طلع مب سهل يعرف يلعب،أهخ لو رعد يعرف كان انا وياه بفريق وانت وياه بفريق
فهد اخذ منه الكوره وبدا يضربها:تبي اعلقك بدال الشبك؟اشوف مسرع بعتني واخترت لك فريق معاه
تقدمت شيم وهي تحاول تاخذ الكوره منه ضحك بسُخريه ويلعب عليها بخدعته حتى ماجعلها تلتفت وتظنه رمى الكوره
شيم:سخيف تراك!.
دخلو الطلاب،فهد توقف عن ضرب بالكوره ومد يده يضرب كف فارس وثم ناظر شيم ورفع يده ليضرب كفها.لكن ماعطته وجه ورجعت مكانها ضحك فارس، فهد بذهول:ماكأنه زودها ابن اللذينه؟.
فارس:هات الكوره بعلمك على طريقه مايسويها غير الطوال مثلي فهد حذف عليه الكوره،فارس وهو من غير ما يناظر اللي وراه،من طريق الخطا ضرب الكورة على ريوف!
اللي تألمت وهي تمسك رأسها،الكوره كانت كالحجر سعود كان وراها ناظر بفهد وفارس اللي ضحكو تقدم لملعب بغضب وهو يمسك الكوره:ماتبطلون حركاتكم؟.
فهد ناظره من تحت لفوق وهز راسه:نعم شتبي؟.
بلعت ريقها ريوف وتقدمت خلف سعود،فارس:شفيك معصب انا ضربت الكوره فيه شيء!
سعود ببرود:اعتذر له
فارس:نعم؟.
سعود ببرود:قلت اعتذر له.
فارس:تخسي انت والخكري اللي وراك!.
سعود صرخ:فارس!
فارس تقدم له وفهد مسكه وهو يهديه:فروس تمام ماعليك منه
ريوف بهمس:سعود!
رمش بعينه،وناظر بفارس بغضب والتفت على ريوف بمعنى أن امشي ومشى وراها وفهد مسك الكوره وضربها على ريوف بقوة التفت سعود بغضب وهو يوسع عيونه مسكته ريوف من ثوبه:سعود!.
كانو البنات مندهشين من تصرف ريوف!هيام ناظرت فارس اللي معصب وناظرت ريوف وشيم ناظرت ابتسامة فهد الاستفزازيه لسعود وتنهدت بغضب.
سعود مسك يد ريوف وطلعو من الملعب وجلسو على الكراسي وبعيد عن الكل
ريوف بهمس:كان ماعصبت عليهم!.
سعود ببرود:ماتشوف حركاتهم معك،اخوياي واعرفهم زين، ناظرها:عوروك؟.
ريوف هزت رأسها بالنفي،نظرات البنات لريوف!
شيم:هذي ريوف ولايتهيأ لي؟
هيام ببرود:ريوف
شيم:ماخافت منه ومسك يدها!شصاير
ناظرتها:وانتِ شفيك زعلانه!خلينا نقول ليال زعلانه ومكتئبه عشان مكياجها وانتِ وش مزعلك؟.
هيام:ولاشيء.
جلست بجانب ليال بتملل،ريوف ناظرت بخشم سعود:د دم!
سعود طلع مناديل من جيبه ومسح خشمه وببرود وقف وطلع من الحصه رغم أستاذ البدنيه يناديه.
"بعد أنتهاء الحصة"
فارس طلع وهو معصب ومقهور وفهد لحقه ومسكه:فروس شفيك؟.
فارس بغضب:شايف حركات سعود وهو يدري ان ماعندي مشكلة معاهم يجي يصرخ علي قدام الكل ويبي يمد يده ويقول لي اعتذر له.
فهد:مستحيل سعود يتجرا ويمد يده عليك انت اخوه!
فارس:واضح اني اخوه دام دافع عن هذاك،ياخي انا ماقول لايصادقهم يصادق اللي يبيه بس لايتدخل ويدافع عنهم ضدي!
هذا انت تحارش رعد رغم ان صديقي بس قد جيت وتهاوشت معاك لا! لانكم كلكم اخوياي.
فهد:يارجال اهداء ماصار شي لاتعصب نفسك!
فارس:خلاص فهيد خلني لحالي.
فهد:مو متضايق؟
فارس:يخسي اتضايق على سعود ولا على الخكري اللي معاه.
فهد ابتسم وطبطب على خده:تمام اجل بروح احارش سلوم،وأضحك لااشوفك منفس.
فهد التقى بياسر وتبادلو الابتسامتهم:
ياسر:الحبيب!
فهد بادله بضحكة ساخرة ثم انقلبت ملامحه لغضب مسكة من ثوبه وثبته على الجدار:ياسر لاتلعب مع الشخص الخطأ،لانك بتخسر!.
ثم امسكوه اثنين من الطلاب ورفع رجوله يحاول يرفس ياسر:هذي مرجلتك اجل؟
مسكوه بالقوه،ياسر:وين القشطة اللي معك؟مايجي يدافع عنك!
فهد بغضب:قرب منه،ان كان شنبك اللي توه خاط على رجال المسه!
ياسر:صدقني لو ابي اضره كان ضريته لانه مو زي ماتقول عن جنس الناعم بسهوله نضره.
فهد:تصدق عاد شهاب ماتوصل مراجله كنت قبلك اقول عنه ناعم بسهووله اطيحه واكسره
ياسر أهاب بشعور غريب بداخله:أشوف علاقتك فيه تقوت؟.
فهد:تبي اجاوبك؟.
ياسر رمش بعينه بمعنى نعم،فهد رفس اللي على يمينه بقوه وطاح والتفت على يساره ولكمه!
تقدم لياسر وسريع مايطيحه بالارض ويدعس على رقبته:قايل لك لاتلعب معي، لاني ادعسك وادعس اهلك فوقك يا***!.
تبي اربيك كل شوي وأعلمك بأصلك واعلمك عن عمك فهد ماعندي مشكلة لو تجيب كلاب الدنيا كلها يمسكوني وأطيحهم وأطيحك واعلمك بمستواك يارخمه.
وراح،ياسر وناظر بطلاب بغضب:فارقو عن وجهي.
•••••••••••••••،••••••••••••
"بالفصل" كان الفصل فاضي وشيم كانت قاعده على الطاوله وبيدها شوكلت وهيام على الكرسي قدامها وكانو قاعدين على اماكن عشوائيه مو مكانهم الاساسي دخل فهد وتقدم لهم وناظر هيام بهدوء:ممكن تخلينا لحالنا؟.
هيام رفعت رأسها:نعم؟.
فهد وهو يعيد صيغة كلامه بنبره هدوء:ممكن تنقلع برا؟.
هيام ناظرت شيم وثم ناظرته بذهول، فهد بهدوء:ممكن تطس برا؟
ثم صرخ وهيام ارتعبت:حمار انت!
شيم ضربته على صدره:لاتص..وكانت بتكمل حط يده بفمها وثبت رأسها على صدره ويحاول بأمساكها بالقوة بسبب تحركاتها السريعه وضربها له
وناظر هيام:ممكن تنقلع برا بكلم شهاب بموضوع!
هيام وقفت وطلعت،فهد:مابقى!
ثم بعد عن شيم وجلس مكان هيام وثبت شيم على الطاولة وكانت بتقوم:ورع بكلمك
شيم:ليه تكلمه بهالطريقه!
فهد ببرود:انتبه من ياسر قبل شوي تهاوشت معاه.
شيم بصراخ:ليه تصرخ على رعد!
فهد ببرود:عاد ترا ذا مايتفاهم الا بسكاكين خلك هالفتره قدام عيوني
شيم بغضب بلا مبالاة على موضوعه:ليه تطرد رعد!
فهد ببرود بلا مبالاة على غضبها:الزبده ان هالمره ياسر مو لحاله معاه شله انتبه لايورطونك معاشر هالمدرسه لي١٥سنه القتل والمخدرات عندهم زي السلام عليكم لاحسيب ولارقيب ولا احد كفو يدري عن عياله.
شيم مسكت ثوبه بصراخ:أكلمك انا ليه تصرخ على رعد وتطرده!.
فهد ناظر بطرف شفايفها اللي نست تمسح بقايا التشوكلت اللي تطلخ على شفايفها وأبتسم أبتسامه جانبيه وطلع مناديل من جيبه كانت قريبه جدا منه مسك وجها من ناحية الفك مسح على شفايفها:مايسوي هالحركة الا الاطفال والله.
أنحرجت وضحك وهو يناظرها بعدت وجها وهي مبوزه بغضب وأنقهرت من ضحكة:أضن مافي شي يضحك نسيت امسح!
فهد:أضحك على تعابير وجهك حرام اضحك؟.
شيم:اي اي حرام لاتضحك لانه ضحكتك تستفز
ضحك استفزازاً لها ويناظرها،شيم بعدت الطاوله عنه ورفست صدره وهي تناظره بغضب!
ناظر حجم رجلها:تصدق عاد عندي اخت عمرها يمكن ست او سبع سنين رجلها أكبر من رجلك.لما تاخذ جوتي تاخذه من قسم الاطفال صح؟.
شيم:نضحك يعني؟.
فهد ببرود:فيك ضحكه أضحك
شيم قامت وطلعت فهد فهد عض شفايفه وهو يضحك،شيم طلعت تدور هيام ومتأكده انها الحين زعلانه.
••••••••••،••••••••
"عند هيام"
شافها فارس جالسه لحالها بالساحة على كراسي وتقدم لها بعد ماحس أعصابه هدت وانتفض قلبها بدقاته السريعه ودب الخوف بداخلها:ش شتبي؟
فارس بأستغراب من نبرتها:شفيك؟شفتك لحالك قلت بقعد معك!
هيام:لا مو لحالي،الحين يجون صدي...أصدقائي.
فارس ضحك:اصدقائي؟.
هيام ماردت عليه وحس بتغير من معُاملتها معاه،كأنه خمن الموضوع:وانت بعد زعلان عشان اللي صار بحصة البدنية؟.
هيام:اي زعلان!ليه تضربه!ولوسمحت لاتكلمني مره ثانية!
اندهش فارس وبلع ريقه وضحك:ليه؟.
يعني اقصد ليه تزعل الموضوع بيني وبين رائد انت ليه تزعل؟يعني حتى ضربت الكوره على راسه من غير قصد!
هيام وهي مجبوره عنه كل ماتشوفه تذكر تهديد هدى لها ان ممكن تموته او تضره!
قامت هيام لاجل مايسمع نبرتها وبقى فارس اللي وأقف مصدوم من اليوم!بالاول سعود!
وأردف بسخريه ودخل يدينه بجكيته:باقي سلوم وفهد يزعلون وتكتمل.
تنهد بتفكير ان ليه هيام عاملته كذا؟.
فارس على أستهباله وفهاوته ومشاكله وعناده الا أن شخص يتعلق بسرعه وياخذ ويعطي ويمون بسرعه عكس الشباب فيهم ثقل مو أي شخص يكلمونه ويضحكون معاه خصوصاً سعود وسلمان سعود من اصحاب العُزله،سلمان صريح أن مارتاح لشخص يعترف له بوجهه مستحيل يكمل معاه منبر صداقة واساساً مكتفي بالشباب"بالاصح مايعطي احد وجه"فهد شخص اجتماعي مثل فارس لكن ماياخذ ويعطي الا لشخص اللي مرتاح له وفيه صفات تشابه من سلمان وفيه صفات تشابه فارس اما سعود مابينهم اي صفه مشتركه فقط.
•••••••••••،••••••
"الساعه ٣ العصر"
فارس سادح بالارض وساند ظهره على وسادتين ومشغل الشاشة بلاستيشن دخل سعود وجلس بجانب فارس،فارس كان ساكت ويلعب مو معطيه اهميه
سعود بهدوء:أسف.
مسك وجهه وباس خده بقوه صرخ فارس بخفه وهو يبعد وجهه:وخر وخر.
سعود:قلنا لك أسف
فارس وهو يلعب:وفر اعتذارك لنفسك
سعود:اعرف انفعلت اليوم بس صدقني غصب عني يوم شفتك انت وفهيد تضحكون على هالمسكين.
فارس:ضحكنا بس شفتني قاصد اني اضربه اضربه؟جاي بشرك وترفع صوتك وتبي تضربني قدام الكل!
سعود:أخسي اضربك!
فارس ببرود:اي غصب عنك تخسي.
سعود باس خده:يالله عاد ارضى ترا انت الوحيد الي مارضى على زعلك! وجايب لك أكل.
فارس بثقل:وش جايب؟.
سعود:وجبتين من ماك ومعاه ايسكريم يحبه قلبك
فارس:قاصدها شكلك جايب ايسكريم بعز الشتاء تبيني امرض هاه.
سعود ضحك:رضيت؟.
فارس وقف القيم وتربع ومثل البرود:لحد الان مافكرت، وين الاكل؟.
الكيس كان ورا سعود وقدمها له وقال فارس:هذا اللي يقولك ماذا لو عاد معاه اكل بلا معتذراً بلا بطيخ.
ابتسم سعود بخفه وناظر الشاشه:وش جالس تلعب؟.
فارس وهو ياكل بطاطس بتمثيله للبرود والزعل:مو شغلك.
ناظره سعود وضرب رأسه وثم ناظر البطاطس بشهيه ومد يده ليأخذ حبه ضرب يده فارس وقال:مزعلني وتاكل معي؟.
سعود:حبه بس.
فارس:مافي.
اخذ حبه اكل نصها وثم مدها بفم سعود اللي اكلها وهو يحدق بفارس وقال:لو فهيدان كان خليته ياكل الاكل كله وانا مستخسر علي حبة بطاطس
فارس وهو ياكل:على الاقل فهيد ماعمره زعلني
التفت عليه:بعدين انت جاي تراضيني ولاتأكل معي؟.
سعود:شبعان بس ماتوقعت أني بشتهي
فارس:روح اطلب لك.
سعود:مافيني حيل،الا لافي وينه؟.
فارس:ماعرفش.
سعود:فهود وسلوم وينهم؟.
فارس:سلوم اتوقع رايح يقابل عهود،وفهيد اتوقع واكيد أنه نايم.
سعود:زين انا بروح تبي شيء؟.
فارس:لو أبي شيء بتسويه؟.
سعود وقف:لا.
وراح.
(هاي يحلوين شلونكم طبعاً لاتنسون تدعموني بنجمه وكومنت حلو زيكم اسفه امس قطعت بس مضغوطه مرره،شرايكم بالبارت تتوقعون مين يقول لهدى كل شيء يصير بالمدرسه تتوقعون عندها جاسوس واذا عندها قولوا لي تتوقعون مين وبس والله باااييييي😔💘)
