عند فارس وهيام، هيام كانت لاهيه بترتيب غرفتها وفارس بصاله على لابتوبه ومنشغل بأيميلات اللي تجيه التفت على أتصال جوالة ورد وهو يعدل جلسته بعد ماكان متربع:مابغیت ترد!
فهد ببرود: فروس اذا داق وتبي تعاتب أنت وفر علي وخلني أسكر
فارس بمقاطعه : لاتسكر ولاشيء أنا معك ماني عليك وينك فيه الحين؟.
فهد تنهد وبسخريه على حاله:مطرود من بيتنا ولا مين طاردني ؟ البزر حمید.
فارس عقد حاجبه:الحين وينك فيه ؟.
فهد: رايح أدور لي فندق أنام فيه هالليله.
فارس:تدور فندق وبيتي موجود تعال بس!
فهد أبتسم بخفّه : ياحبيب أخوك ماتقصر بس صدقني أروح فندق أفضل. فارس بصرامه:والله أنك تجي ! أخلص ماهو لايق عليك تصير ثقيل.
فهد ضحك ورفع حاجبه : لا والله؟ طيب يالله جايك الحين جهز فراشي. طلعت هيام من غرفتها ، وسكر فارس من فهد وهو يضحك بخفه ورفع
أنظاره على هيام اللي مستغربه.. حك حاجبه بعد ماشاف تعقيدة حواجبها : هيوم حبي شسمه أخوك الثور مطرود و
هيام بهلع مقاطعه:حسيت أن هالسالفه مابتعدي على خير ، هو وينه ؟
قوله يجي هنا.
فارس أبتسم على التخاطر اللي بينهم : جاي بطريق.
هيام وهي تناظر روبها وبخجل: بغير لبسي.
بأقل من الساعه وصل فهد وأستوقفو فارس وهيام ، فارس راح وفتح الباب ودخل فهد فارس ضرب رأس فهد:قلنا له أقلط وقلط صدق شتبي جاي بفهم
فهد ضحك بخفه ثم تقدم لهيام اللي سالته:فهد ! شصاير ليه كنسلت ملكتك ؟.
بهدوء قعد من دون مايرد على سؤالها فارس تعجب من هدوءه وقف قدامه: فهد ماترد ؟
فهد ناظر بهيام وفارس اللي واقفين قدامه وينتظرون منه الاجابه: وش
أقول لكم يعني ؟ أقولكم وقت ماحطيت البشت على كتفي جاني أتصال
منها وماهان علي أسمعها تبكي !
هيام:تقصد من؟.
فهد: أقصد شيم ياهيام.
هیام ناظرت فارس ثم ناظر فهد: مستحيل ! شيم أساسا ماتدري عن ملكتك
فهد: درت ولا أدري كيف درت صار اللي صار وخلاص شفق ربي يسهل درتها بواحد أفضل مني.
هيام:ليه ماقلت هالكلام من الاول ؟ ليه بليلة ملكتها تتركها ؟ أحس مصدومه منكم أنت وشيم !
فهد:هيام خيتي حبيبتي ممكن تجلسين أفهمك عن خاطري وتقولين اللي بخاطرك.هیام جلست بجانب فهد
فارس حك شعره:أحس أخليكم لحالكم شوي. وراح
فهد وهو شابك إيدينه بعضهم وهو يناظرها ولاول مره يتكلمون لوحدهم أو لاول مره يجلسون بجلسة أخويه:أعرف اللي سويته غلط مايسويها غير ردي مثلي، لكن هيام أفهمي أخوك على الاقل أنتِ حسي فيه لاتلوميني..
هیام ناظرته : فهد أنا ماني ضدك أعرف أنكم تحبون بعض بس مو كذا تجرحون أنسانه ملكتها على حساب حبكم كان مادخلتها بحياتك وكان شيم أعترفت لك.
فهد:أنا كنت بيوم ناوي أكنسل هالزواج من قبل بس ياخي هي اللي رافضه وتبيني أبقى معها أنا خلاص ماعاد بقدر أمشي ورا عقلي ضد قلبي ماعاد
أبي أظلم أحد معي.
هيام تنهدت وهي صاده بوجها ومتكتفه:ماكان ودي حبكم يوصل لجرح أحد.
فهد: هيام أنا أدري أنك زعلانه على فعلتنا صدقيني أنا بنفسي متضايق وکاره نفسي ، كاره نفسي أني ظلمت أنسانه ترا شفق ونعم فيها ماني رجال أطلع فيها عذاريب بس قلبي اللي ماهو راضي يحبها قلبي اللي متعلق بوحده ماغير تردة حاولت أني أبعد نفسي وأخطب بس فشلت وصار اللي صار.
هیام ناظرته بدفاع:شیم ترا ماتردك بمزاجها شيم عانت بحياتها من أقرب شخص لها خافت تجرب الحب معك وتسوي معها مثل ماسوى فيها زياد وتركها انا مدري أفرح أنها أعترفت لك ولا بزعل عشان بتدخل بمشاكل وهي بغنى عنها..
فهد: ماراح يصير شيء لها لاتخافين ، أنا اللي بدخل بدوامه مالي منها مفر والسبب أني تركت بنت الناس بليله زواجنا.
هیام مسكت يده بمعنى تطبطب عليه وبهدوء:فتره بس وراح يسكتون متاكده. فهد ناظر بيدها: أتمنى والله ، لاني خلاص أبي أرتاح أبي أحس براحه لو يوم بس
فارس طلع من غرفته
فهد ناظره وهو يبعد يده عن هيام:زين بعض الناس يعرف الادب والاحترام والخصوصيه والاسرار بين العايله.
فارس جلس وسحب الوساده بحضنه:جاي بيتنا هالوقت وتتكلم عن الادب ، بعدين قلت يعني يمكن تبي تكلم أختك لحالكم خليتكم على راحتكم ولا أسراركم كلها مكشوفه المهم يالله عساك ماشي ؟.
فهد:شوي خيتي بس.
وقفت هيام ومدد رجوله وهو يسند ظهره على وساده" لا وين بنام عندكم.
فارس نزل رجوله على الارض بعد ماكان متربع : لا تكفى لاتقولها روح فهد: لا حبيبي نايم عندكم نايم بكره أسري لبيتنا
هيام ضحكت وناظرت فهد:نسيت أسالك وش تشرب؟.
فارس تطايرت عيونه على هيام:جيبي له منوم حبيبتي جاينا ساعه وحده
وش بنقدم له غير منوم؟.
فهد وهو يستفز فارس: خيتي قلبي انا لا بغيت أشرب شيء بقوم أسوي لي بعد البيت بيتي مامن غريب
جلست هیام بجانب فارس فارس حط إيده على يد هيام:يالله معليه تصبري ليله بس ويذلف بيتهم.
ضحكت هيام:أخوي والبيت بيته.
فهد: ياخي ذاك يطردني وأختي تضيفني ببيتها شفت الفرق بين الاخت والاخو ؟.
هيام:فيكم نوم ولا نتابع فلم؟
فهد:مدري أحس عادي شغلي لنا فلم عنادًا لزوجك.
هیام:فروس شغل لنا فلم على ماطلع شبسات وسناكات.
فهد:انا يلوموني لا قلت مانلقى مثل حب وحنية الاخوات .. اجل الثور
فارس:فيه فلم أكش هيام بمقاطعه خوفاً من حالته بسبب هالافلام:لا مانبيه.
فارس شتت أنظاره عليها بعد ماكان يناظر فهد وهز برأسه بهدوء ماعجبه ردة فعلها السريعه : تمام رومنسي يعني؟
هيام: أي عادي بس أهم شيء مايكون أكشن ورعب.
قامت وهي تجهز شبسات وسناكات مثل شوكلت والكولا وتحطهم على
طاوله ، ودخلت وهي تجيب بطانيتين صغيره وحده لونها بيضاء والثانيه باللون الاسود بطانيات صغيره كانت خاصة لفارس وهيام أثناء جلوسهم بالصاله قدام تلفزيون قبل ماتجي هيام فهد وهو يسحب شبس ويفتحه: فروس تكفى خل ذريتك كلهم بنات قلبي يحب البنات.
فارس وهو يسحب الشوكلت بدون أستعياب بحكيه اي انت عطني فرصه عشان أجيب ذريه شلون أجيب الذريه وأنت ماغير ناشب لنا !
حل الصمت مابينهم فهد كتم الضحكه بخجل شتت أنظاره بكل مكان بتضييع باللي قاله فارس أستوقفت لقمة بفمه بأستعياب اللي قاله وناظر فهد ومضغ بلقمته والتفت على هيام وعطت فهد بطانيته اللي كانت حق فارس والبطانيه الثانيه البيضاء عطتها فارس وطفت الانوار وجلست بجانب فارس وهي تشاركه بالبطانيه حضنها بوسط الفلم تنهد فهد وهو ماسك جواله ويكتب:
(شفق انتِ بنت حلال تستاهلين اللي افضل مني ماتوقعت أن علاقتنا بتوصل لهالمرحلة ان بيجي يوم وتكرهيني،كنت اتمنى وصلنا ينقطع بسلام من دون كره او حقد لاني عشت معك ايام حلوه شق اعرف اللي صار ماهو سهل عليك ولا بتنسينه عارف انك مو مسامحتني اني كسرت فرحتك بهاليوم انت تستاهلين رجال يصونك ويحبك من كل قلبه انا ممكن اصونك بس ماقدر احبك شفق روحي جعل ربي يسهل دربك ويوفقك والله ماحبيت نهايتنا تكون كذا كنت اتمنى تكون نهايتي معك تنتهي على خير ودعتك الله❤️)
حظرها من الواتس تنهد بضيق رغم أن فارس وهيام غيرو من نفسيته شوي الا أن الضيقه معه بعد اللي صار
هيام بنعاس:أنا بروح أنام
فهد: خذي هالفاهي معك.
هيام:لا فارس بينام عندك.
فهد: لا لا حلفت عليك أنك تاخذينه.
هيام بأصرار: حلفت عليك أن بينام عندك الليله..
فارس وهو يحط مشروبه على طاوله ويناظرهم بصوت مرتفع:هيه !! أنتِ وهو تتعازمون علي ؟.
فهد ضحك : لا شعب يبيه ولا الحكومه تبيه.
فارس : كل تبن لا أطردك من بيتنا الحين المطرود من بيته ياكل تبن ما يتكلم.
فهد: تذلني ببيتك الكئيب هذا ؟.
هیام ناظرتهم بضحكه وثم قامت وهي تروح للغرفه فارس بعباطه وهو يمدد رجوله وينسدح مثل سدحة فهد:حبيبتي اذا مره خايفه تنامین لحالك أرسلي رسالة أصرف أخوك وأجيك.
فهد ضحك بخفه تم قال : حمد يقول سعود جاي ومعصب.
فارس بجديه منه:تبي صراحه فهيد؟ من حقه يعصب وهو أساسا حاس أنك بتكسر قلبها ومتوعد فيك وبهذي شسمها شهد مدري شيم بعدين فهيد مالقيت غير أخته من بين البنات كلهم مالقيت غير أخت سعود؟
فهد : على أساس كنت أدري أمي يوم فاتحتني بالموضوع وقلت خلاص أخطبي لي مادريت بتخطب لي أخت سعود.
.................،،...............
"عند ريوف".
اللي توترت عند أهله ولا يرد على أتصالاتها..
نزلت لها شوق وهي لابسه بجامتها ولافه شال عليها وبيدينها ربطه شعر اللي طلبته ريوف منها أخذت ريوف ربطه وأستوقفت قدام المرايا وهي ترفع شعرها بالكامل وتربطه التفت علىدوتحس بالخجل الكل بغرفته الا هي بصاله وتنتظر سعود تركها:شوق شفق كيفها الحين؟
شوق وهي تجلس:كسرت خاطري أول مره تنكسر كذا.. ماقول الا حسبي
الله عليه.
ریوف جلست:عسى ربي يعوضها بأفضل منه.
شوق:سعود من طلع مارجع؟
ريوف:وأنا جالسه أنتظره أساسا ومستحيه أطلب سواقكم يوصلني
