وطلع وطلعو معاه الشباب ماعادا سعود وسيف
سيف:ليه تكسر بأبوي؟ابوي متشفق عليك ويبي يرجعك لنا!
سعود ببرود وبصيغة تأمر:الحقهم.
سيف:سعود انا اخوك!
سعود بغضب:اخوي بألاسم لاعاد اشوفك تقول اخوك!ماعندي اخوان اخواني اللي برا غيرهم ماعندي والحقهم.
سيف تنهد وطلع،جلس مع الشباب وموال فهد وفارس بصوتهم سلمان كان ماسك جواله،ابوسعود كان يهف الشوي وفرحان على جمعه العيال
وسعود داخل،بعد ماخلص العشاء وجلسو على طاولة الطعام اللي بالخارج
تقدم فارس وهو ساحب يد سعود بقوة،ابتسم ابوسعود وثم قال:ياحلو هالجمعة ان شاء الله نكررها.
جلس سعود وهو يخز فارس وجلس بجانبه فارس بدو ياكلون ماعادا سعود،تقدم ابوسعود وهو يسحب سيخ لحم ويسحب قطعة بخبزه ويقدمها لسعود وهو مبتسم رغم ان انكسر اليوم منه.
حدق فيه سعود،فهد:سعود مايحب اللحم.
ابوسعود تفاجئ وأنحرج لكن يالله عرف معلومه بسيطه عن ولده اللي تركه بعد ماطلق امه وتزوج وعاش برا.
مسك سيخ الدجاج وسحب قطعه بيده وقدمها قدام سعود.
أبوسعود هز راسه بمعنى اكل تنهد سعود واكل القطعه من يده وصد وجهه ما يدري مقدار الفرحه اللي فرحها ابوه! سيف ابتسم على فرحة ابوه اللي كان ملاحظه
جلس ابوسعود وهو لازال يتأمل بولده، بعد ماخلصو العشاء بداء ابوسعود وسيف يجمعون الصحون سعود ناظر الاسطبل وانتبه ابوه لنظراته تشير ل وين.
ابتسم أبوسعود:تبي تشوف الخيل؟
سعود بهمس:أستغفرالله ياربي.
فارس:عندكم خيل بعد؟.
ابوسعود:اي ياوليدي عندنا،سيف يبه خذ سعود و..
سعود:مايحتاج ولدك ياخذنا انا وفهيد ندل وداخلين المزرعه قبله.
وبهدوء وهو يناظر اخوياه:ونبي نقعد مع الخيل لحالنا لو تكرمت يعني.
مشى سعود وخلفه فهد اللي نزل جاكيته وعلقة على كتفه وخلفه سلمان وفارس اللي رفع انظاره على المزرعه للمره المليون ومنبهر!.
وصلو وبعدو عن ابوسعود وسيف،فهد بتنهيدة وشوق:واحشني هالمكان!
سعود تقدم للخيل ومسح على الخيل وابتسم وهو يتنهد!
والتفت على كلام سُخريه سلمان:وانا اقول متضامنين معنا وترسبون ولاهمكم شيء،طلعتو ضامنين مستقبلكم من اسم جدكم والخير اللي انتو فيه.
فارس:جداً والله اذا مزرعتكم كذا بيوتكم شلون؟والله محد ماكلها غيري انا وسلوم يابنصير سكورتين ولانهايتنا عساكر
فهد:شتخربطون انتو؟ترى هالحلال اللي تتكلمون عنه واسم جدي انا وسعود مالنا حق فيه،حتى لو لنا حق احنا مانبيه.
سعود وهو مؤيد كلام فهد:بالظبط
سلمان:يعني يتقنعوني بتبقون طول عمركم بالسكن؟ماراح ترجعون لحياتكم؟ انتو بترجعون لقصور والعز،وانا وفروس شقق العزابيه
فهد:لا ابشرك بسكن معكم.
فارس ناظر سعود:زين سعود خلنا نقول فهيد عنده ظروفه ومشاكله مع ابوه الاقشر.انت ابوك طيب ورحيم ياخي حبيته حسيت باللحظة ان حنون ممكن يعوضك على غياب السنين اللي راحت ليه ماتسامحه وترجع معاه؟يعني الفرصه جت لعندك وحياتك بتتعدل وبتفتك من السكن ومن عمك ليه رأفضها؟.
سعود:فارس ليتني اشوف صورة ابوي ومنظره مثل ما انت تشوفه،بس صعب ياخي صعب بعد كل هالسنين واللي صار لي اني اتقبله ولا اتقبل امي.ولا اتقبل خواتي من امي ولاسيف.!
سلمان عقد حاجبه:ليه احس صار لك شيء واحنا مانعرفه!
فهد بهدوء وهو يحدق بسعود:ليه انا حسيت بنفس هالاحساس؟سعود!
وشصار!فيه شي صار لك غير انه امك وعمي طلال تطلقو وكل واحد تزوج وتركوك؟.
سعود بلا مُبالاة على أسئلتهم:شباب ماكأنا تأخرنا؟يالله ابي ارجع انام.
ركبو السيارة؛
وصلو السكن ونزلو ودخلو الشباب ماعادا سعود اللي ولع زقارته ورفع رأسه واندهش بوجود ريوف اللي واقفه بأخر دور وتبي تنتحر!..
حذف زقارته وركض لداخل وبداء يركض على الدرج كأنه مجنون وصل لدور السابع وهو يركض حتى ماوصل للدور الاخير الدور الاخير وهو سطح والباب كان مفتوح.
ريوف غمضت عينها ورفعت رجلها سحبها من رجلها وطاحت بحُضنه ارتعبت نزلها بغضب وبجنون وهو يصرخ عليها:صاحييي انت؟ مجنونننن؟ تبي تنتحر!.
ريوف ببكي:ليه ماخليتني انتحر وارتاح تدري انا السبب بكل شيء،بكل شيء انا دمرت حياتهم وحياتي
بلع ريقه وببرود:يالله كلنا ننتحر؟يالله اذا تشوف هذا اللي يريحك بجرب معك وننتحر ونرتاح.
ريوف بكت،سعود صرخ بغضب:يالله امش خلنا نركب وننتحر اذا تشوف هذا حل!
سحبها من يدها وهي كانت خايفه:انا قبل ١٥سنه صار شيء وليلتها كنت ابكي تحت مخدتي على اساس لاشافوني ابكي يجيبون لي امي ولا ابوي بس صحيت لاشفت امي ولا ابوي شفت قسوة عمي علي بذمتك وش بيفيدك لابكيت؟وش خايف منه؟ ليه ماتاخذ حقك بيدك ليه تنتظر القدر ياخذ حقك!
تقدر لجدار وهو يناظر تحت كيف هم مرتفعين وثم التفت على ريوف:اثنينا هنا،اثنينا بنعترف لبعض!
ريوف برجفه تقدم لها ببرود وهو منتظر انها تعترف وتتكلم
ريوف برجفه وبكي:م. ماقدر
كانت بتروح مسكها من يدينها وصرخ:بتكلم وبتقول لي،من اللي دمرك!
علمني من الي خلاك كذا!
ريوف وهي تهز راسها بالنفي ماسكها بقوه وهي تبي تفلت عن يده:راح تتكلم وتقول!
ريوف:اذا تكلمت راح انتحر والله!ماراح يردني شيء!لاتزيد علي تكفى
سعود بلع ريقه وهو يناظر بعيونها:أنتِ بنت مو ولد!.
ريوف بصدمة وهي تهز رأسها:ل لا لا ا لا انا ولد انا ولد
سعود:كل شيء واضح وكل شي يثبت لي انك بنت!انا مو غشيم يابنت الناس انا اكثر من مره امر واسمع كلامكم واتجاهل اكثرمن مره كنتو بتنقفطون وانا انقذ الموقف!مرات وانا اقول يمكن عيال وانا ظالمهم! بس كل مره يثبت لي شيء انكم بنات اي بنات لاتناظريني مصدومه علميني وش السالفه ليه انتو هنا وبيننا؟وش حادكم تنكسرون؟.
ريوف انهارت بكي،نزل رأسه ورفعه:قولي وانا ساتر عليكم عليك رغم عيوب الدنيا كلها فيني،والله بستر عليك وقولي وش اللي حدكم!.
تقدم لها ورجعت الخلف بصراخ وانهيار طاحت على الارض وهي تحضن نفسها وتبكي!.
جلس قدامها بتوتر وأرتباك،فاشل سعود بالامور هذي تعود على بروده وتصلبه وسكينه وهدوءه وعزلته وعصبيته.
سعود:اهدي وعلميني السالفه.
ريوف ببكي هزت رأسها بالنفي وبخوف،سعود وقف وتنهد:مودي اعرف سالفتكم وقريب!.
والتفت وعطاها ظهره ببرود:لاتخافين بعاملك آنك رائد محد بيدري لكن انصحك ماتنتحرين لانه سمعتك بتخرب انت واللي معك!.
ريوف وقفت بكاء واستوقفت:ماراح تفضحني؟.
سعود بتنهيدة وهدوء وهو يلتفت عليها:قلت لك ساتر عليك وخذيها وعد مني!.
سكتت ريوف ، سعود:ننزل؟.
ريوف بلعت ريقها ومشت قدامه ،مشى سعود وراها سكر باب السطح ولفت عليه:ودني عند..
كمل عنها بعد ماسكتت وهو يبي يبعد عنها الخوف:شهاب؟اوديك عنده الصباح الحين خله نايم وغير كذا لاتعلم احد اني ادري انك بنت.
بكلمك بصيغة الولد قدام الكل حتى لو كنا لحالنا.مشت قدامه دخلو غرفتهم وانسدح على سريره بملابسه من دون مايغيرهم او ينزع الجاكيت غطى نفسه بالبطانيه وهي بقت واقفه وثم مشت وجلست على سريرها.
••••••••••••••،•••••••••••
الصبح بالساحه؛
سلمان وهو يكلم بالجوال وبنبره حاده:ليه داقه انا مو ارسلت لك وقلت لك ظروفي واللي بيننا انتهى.
عهود:ابوي مات!.
سلمان اندهش:لاحول ولاقوة الابالله،الله يرحمه وعظم الله اجرك
عهود:سلمان ماعندي احد لا صديقات ولاشيء ماعندي غيرك افضفض له واعبر له عن حزني.
سلمان:فضفضي وقولي شفيك
عهود:يصير اشوفك اليوم؟.
نزل الجوال ومسح وجه بعنف وهو متضجر منها ثم رجع الجوال بأذنه:اكيد اكيد،وين حابه نشوف بعض؟
عهود:مدري كيفك.
سلمان:خلاص اجل اذا طلعت بشوف لك مكان حُلو ويصلح نقعد فيه تمام؟.
سلمان:يالله حبي عندي دوام اتصل عليك بعدين حلو؟.
عهود بهدوء:حلو.
سكر،وهي كانت مبسوطه جداً بوسط حزنها بسبب كلمته لها "حبي"
اما هو يتحلطم:عقاب هذا ولا وش ان لله!
فهد وفارس كانو يتمشون وراحو لسلمان.
(هاي يحلوين شلونكم عساكم بخير لاتنسون تدعموني بنجمه وكومنت حلو زيكم وبس والله باااييي💘)
