"اليوم الاول بالمدرسة "
بالفصل هيام وفارس بجمب بعض وقدامهم سلمان قاعد لحالة ، فهد قعد بجمب شيم يناظرها شیم نعم نعم خلصت الاماكن تقعد جمبي؟.
فهد ببرود: تنتظر ياسر يجي يقعد جمبك مثلا؟. شیم شدخل بس لافي بيجي يقعد معي.
فهد: لافي لا جاء يقعد مع سلوم عادي!
شیم تأففت ، فهد بداخله وهو يتأملها : معقول اللي قدامي بنت! أهخ يافهد كسرتها تكسير وطلعت رجولتك عليها بالاخير تطلع بنت بنت
يافهيد بنت
شیم: ليه تناظر کذا؟
فهد هز أكتافه بارتباك شد على قبضة يده: ولاشيء! أء شهاب.
شیم: نعم
فهد بلع ريقه وهو ينثر يده على شعره بداخله توتر وأرتباك وشعور غريب
جدًا مثل الصدمه الي لحد الان ماصحى منها ولا أستوعب من أي منطقه جاي؟ يعني أنت من الرياض؟
شيم أستغربت من سؤاله ولف عليه جلست نفس جلسته مقابل بعضهم: ليه تسال؟
فهد: ياخي مره وحده مره بس ماترفع ضغطي وتجاوب الجواب على مقدار
سؤال
شیم بعصبيه: أنت هيه!
فهد وسع عُيونه: ياخي جاوب
شیم: لا مو سكان الرياض ، كنت ساكن بالدمام.
فهد: ليه جيت هنا؟
شیم بغضب بنبره عاليه:نعم خير وش ليه جيت هنا؟قاعد على قلبك انا؟.
فهد ببرود : لاتصرخ طيب جالس أتكلم معك بهدوء
شيم: لاتكلم معي!
فهد: شهاب ممكن تترك العصبيه والعناد ؟.
ناظرته ليردف فهد : صدق والله جالس أتكلم ، خلنا نفتح صفحه جديده ؟.
شیم: نفتح صفحة جدیده ؟ انا وياك نفتح صفحه جديده ؟ فهد لاتنسى
اللي سويته فيني.
فهد: وانت لاتنكر أني أخر فتره غيرت أسلوبي معاك وصرت أعاملك كانك صديقي.
شیم:شفت كأني صديقك مو صديقك كأني صديقك! فهد انا وياك استحاله نصير اصدقاء!
فهد:بس ياسر اشوفك سامحته!
شیم: یاسر ماضرني
فهد: صح ماضرك بس ضرني أنا طبعا تسامحه وتستانس أنه ضرني مب
کنتو متفقين علي؟.
شیم:فهد ليه تفتح مواضيع مسكره؟.
فهد: وأنت ليه ترجع الماضي؟ خلاص كل أنسان يتوب ويندم على فعايله ليه مو راضي تنسى ؟ ليه مخبي هالحقد كله علي؟.
شيم بأنفعال: لاني أكرهك ، أكرهك فهد مهما صرت لطيف أنا اكرهك بداخلي كره لك ماهو بيدي أنسى اللي سويته فيني ؟. معي أو محترم
سكت فهد بعد ماحدق فيها وبملامحها نظر قدامه، وهي عدلت جلستها لتنظر قدامها كل واحد منهم متكتف ومعصب.
لتدخل ليال الفصل وتنظر لصديقاتها كل وحده واحد، تضجرت لانه مافي مكان فارغ الا عند سلمان.
تقدمت وبدلع: فارس عادي تقعد عند صديقك؟.
فارس لينظرها من فوق لتحت:لا.
ليال لتأفف وتجلس، ليلتفت فارس على هيام لتنطق هيام: فارس الحين
أنا وش أعني لك؟.
فارس:كيف يعني؟.
هيام:يعني وش تشوفني؟.
فارس:أشوفك رعد.
هیام: فارس ركز أقصد يعني وش تشوفني صديق ، أخو ؟ يعني مبسوط أنك
عرفتني او لا يعني كذا أقصد.
فارس: شلون يعني.
هيام: فارس أستوعب ترا سؤال واضح :فارس والله مافهمت ترا أنا ذكي بس لاني مافطرت
هيام لتأفف: فارس قول کلمه کلمه وفهمني بهدوء.
هيام: يعني أنا رعد.
فارس قاطعها: لحظه رعد أنت؟
أنتبه على نظرتها: كمل كمل
هيام: انا وش بالنسبه لك؟.
فارس حك ذقنه: بالنسبه لي أشوفك صديق أسعدني بحياتي وجودك حلو
وزعلك شين يازعول.
هيام: أنا زعلي شين ولا أنت ٢٤ ساعه تزعل.
فارس حدق فيها وهو يضحك: انا ٢٤ ساعه أزعل ؟
هیام: فروس أوعدني أنك تشد حيلك هالترم ابيك تنجح وتدخل ثالث وتتخرج وتدخل الجامعه.
فارس: مين هذا؟ أها قصدك انا انجح واتخرج!
هيام:لاحبيبي مو على كيفك انا قبل مامشي من المدرسه بخلي أسمك
من الاوائل.
فارس: تمشي وين تروح؟
هيام ببتلعثم : يعني أقصد اذا تخرجت أكيد مابقى بالمدرسه.
فارس:طيب أذا تخرجت راح نتقابل برا ولا خلاص بتنساني ياوصخ؟.
هيام: ودك نتقابل؟.
فارس : أكيد حتى ماودي أنك تتخرج وتخليني.
هيام وهي تناظر بعيونه بدأخله:ليت بسهوله أعترف لك ، ليت أعترف لك بجنسي وأعلم الناس كلها أني بنت ولا يتقرفون بوجودي معك ، مستانسه بقربك لي خايفه من بعدي
ودي أعرف مشاعرك لي لو عرفت أني بنت ؟ بنت تحبّك وكاتمه مشاعرها لحمايتك وحماية صديقاتها ، بكل شيء مالي نصيب فيه ولا حظ حتى بأول حب حسيته بأول انسان التقيت فيه.
فارس: أدري أني حلو بس شعندك تناظر؟.
ضحكت هيام ، ليّال لتهمس لسلمان: کلمت عهود؟
سلمان ناظرها بعد ماكان مندمج على جواله : وليه أكلمها شر وأفتكيت منه
لیال بقهر: ماتخاف من دعاويها عليك؟.
سلمان:لا ماخاف خلها تدعي ليل ونهار وحده طالعه مع ولد تستاهل اللي يجيها.
ليال وسعت عيونها: تسوي الغلط ثم ترميه على البنت؟ تعلق بنات الناس
فيك ثم تتركهم بعذر أنك والله أنسان ماتقدر تكمل أنسانه طلعت معك ووثقت
فيك!
سلمان ببرود:ممكن واضح اني شخص فري لكن الواقع لا،انا انسان ماشي على عادات وتقاليد اني ماتزوج انسانه بيوم طلعت معي او كلمتني!
ليال:تكلم البنات بس لابغيت تتزوج تدور على المحُترمه حلو نظامك واستشرافك!
سلمان: وأنت كذبت الكذبه وصدقتها؟ ليه أحس بنت اللي يتكلم مو ولد؟
لیال صدت عيونها بتوتر أقترب سلمان وهو ينفخ بوجها:لايكون بنت
ومتنكره؟.
ليال بأرتباك من تقربه لها لتصفعه كف وينتبهون الطلاب كلهم وتوقف هي بغضب منه ، ليجن جنونه سلمان بتهور كيف تجرات ومدت يدها عليه!!
لتدخل ريوف الفصل وخلفها سعود ، فارس بأستغراب يوقف:شسالفه
شفيكم؟.
شيم وقفت بأستغراب ، وقف سلمان ويسحب ليال من رقبتها بيد وحده
ليتلاحق سعود ويشيل يد سلمان ويوقف مابينهم وبهدوء وهو يناظر وجه سلمان:سلمان!
بغضب سلمان وجنونه: تعال يادجاجة أمك تعال ، ليصرخ بغضبه وسعود ماسکه: تعال یا***!
لیال بسخريه: هه نشوف ياسلمان من يربي الثاني ويبكي تعرف شلون ببكيك ؟.
فهد قاعد ببرود: شلون بتبكيه؟ جاني فضول. ناظرته شیم بغضب: أسكت أنت!
فهد ناظرها وهي واقفه بجانبه ويرفع حاجبه: الفصل كله يتكلم عادي ،
بس فهد لاتكلم ؟ أسكت
ليدخل الاستاذ:شصاير!
ناظر بسلمان بسخريه: طبعًا شلة العفاريت مانخلي من مشاكلهم
سعود ليجاوبه: صح ولا راح تخلى من مشاكلنا ،
مسك سلمان وطلع معاه ،
سعود بحدة تبي تفرد عضلاتك فيه؟..
سلمان: ضاربني كف تبيني أقوم أحب خشمه؟ أقوله مشكور على الكف ؟
تسلم رأسك ، ترا هو البادي
سعود تنهد من الوضع كل يوم يشوف مضاربة أخوياه مع البنات وده يبقى ساكّت ولا يتدخل بأحد!
