الفجر؛
فزت ريوف من نومها وهي تصرخ سعود كان واعي ويطقطق على بجواله قام لها بعد فزتها وجلس بجانبها بأستغراب:شفيك؟.
ريوف وهي تصرخ:جاء يخنقني جاء يخنقني.
حطت رأسها على صدره وتبكي وتشد أظافرها على يدها بادلها بالحضن وشد عليها وانتبه على يدها وسريع مافرقها عن حركتها!
بهدوء وببرود:تمام اهداء اكيد كابوس
مسح على شعرها وهي تبكي وترجف بدقايق هدت وغمضت عينها وهي تتكلم:أحنا ذبحناه.
عقد حاجبه وضنها تهلوس شد عليها وهو يغطيها بالبطانيه..أنصدم من جملتها:والله ذبحته لانه تحرش فيني!
توسعت أحداقه بأوسعها ونزل عيونه ويناظرها نايمه على صدره وتهذي بالحكي وهو مندهش من الحكي اللي قالته وكأنه خمن سبب خوفها وحركاتها وتصرفاتها
•••••••••••••،••••••••••
وبعد كم ساعه وتحديداً الفصل دخل فارس وهو مستغرب الشباب ماهو موجودين والتفت والتقى بسلمان اللي واضح ماشبع نوم
فارس:ايه صح ليه مارسلت الصور اللي صورناها امس تبي افقع وجهك؟
سلمان:تفقع وجه مين؟
فارس:وجه اللي وراك،وجهك انت.
سلمان مسك رأس فارس بذراعه حتى ماتضاربو مع بعض على سريع دخلو الفصل وجلس سلمان على الكرسي فارس قعد قدامه على الطاوله الثانيه:يالله ارسل على قروبنا.
سلمان:شوف تحن مره ثانيه حذفت الصور
دخل سعود وتقدم لهم وجلس بجانب فارس على الكرسي
سعود:شفيكم؟.
فارس:مارسل صور اللي صورناها امس.
سلمان:ماراح ارسل
سعود ببرود:أقول ارسلها على القروب بس بشوف الصور.
سلمان:عشان سعود بس.
مسك جواله ودخل البوم عقد حاجبه بصورة ليال دخل على الصوره وكبر صوره وهو يشوف ملامحها أبتسم أبتسامه جانبيه!
دخل فهد وتقدم لهم وجلس بجانب سلمان،فهد:وين الترحيب ترا توني طالع من المستشفى!حتى تخيلو؟ تخيلو؟تخيلو؟تخي..
سلمان قاطعه:خلاص تخيلنا مره وحده ،ياخي اثنين ماودك تقابلهم الصباح ماودك تقابلهم وانت مصدع هم فهد وفارس بانهم بثرين ويصدعون الراس.
سعود بمزح وهو يحارشهم:اتفق مزعجين عشان كذا ماحتك فيهم اذا روقت فكرت احتكيت فيهم
فهد:لاتكفى احتك فينا ابوس يدك احتك فينا
فارس:مسوين اخر حبه،المهم فهيد شعندك معليك من هالنفسيات
فهد:دق علي الدكتور
سعود بأستغراب:ليش؟.
فهد:قال يافهد ولد عبدالله نسينا نعطيك الوصفه طبيه،عاد انا استغربت قلت وش وصفته؟
سلمان وهو عارف استعباطه ولعب بشنبه:أممم
فهد طلع ورقه كانت طويلة وعرضها بالطول لاجل يقراها
سلمان:مشاءالله الوصفه هذي لك ولا المدرسه كلها
فهد:لاطبعاً لي،بسم الله نبدا قالي الدكتور بسبب جرح تسبب بقلبك مسك بطنه
سلمان:بطنك هذا مو قلبك حبيبي تعبت وانا اعلمك انت وفروس معالم جسمكم.
فارس بفهاوة:شدخلني؟.
سلمان:وين رئتك؟.
فارس ناظر بجسمه واشر:هنا..لاهنا لاهنا سعود هنا صح؟.
ناظره سعود وضحك بخفه بعد ماشافه اشر على جهة الكليه
فهد:المهم قال بما انك فهد لازم تكون لك معامله خاصه انت ملاك مو بشر انت شخص المفروض ماتمشي على الارض
سلمان:تطير يعني؟.
فهد:لا قالي بما ان عندك ثلاث اخوان خلهم يشيلونك ويسحبونك وكل ماشافوك يحبون على راسك ويبوسون يدك،لازم يبرون فيك لانك صديقهم
دخلو هيام وريوف الفصل والتفتو سعود وفارس وحذف القارورة عليهم:ولا يسحبون عليك
سعود تنهد وهو يسرح على ماقالته له ريوف ورفع رأسه على حكي فارس:انا متأكد مثل اسمي انه شهاب واخوياه فيهم شيء وراهم بلا
سلمان:والله انكم شاغلين بالكم على ناس ماتسوى واذا فيهم شيء شعليكم منهم؟
فهد وهو يناظر الطاوله:اذا قصدك على أشكالهم فعادي خلقة ربي،وكثير عينات مثلهم ناعمين.
سعود بأستغراب وهو يرفع حاجبه:هذا فهيد ولدعمي؟.
فهد رفع نظراته لسعود:ياخي انا مليت وانا احارشهم واحس انكسر خاطري لما أشوفهم كذا ناعمين والكل يستقوي عليهم.
فارس:وأخيراً عقلت
فهد:بس شوفو بكف خيري شري بس قسم بالله لو شهاب وال..
سعود ناظر فارس:هذا اللي عقل؟.
فارس ضحك:عادي حليمه لعادتها القديمه.
دخل المرشد ومعاها ياسر،المرشد بهدوء:السلام عليكم
ردو السلام كلهم ماعدا الشباب
المرشد انتبه لهم:رد السلام واجب،حتى الاجر ماتبونه؟يالله اشوف ردو السلام
فهد وهو يمدد الكلمة ويخز ياسر:وعلييييكم
فارس وهو يمدد الكلمه:السسسلام
سعود ببرود:ورحمة الله
سلمان:وبركاته
المرشد:الله يشفيكم.
سعود وهو معطيه ظهره:وشفي الجميع معنا
المرشد:زميلكم ياسر نقلناه فصلكم
ابتسم ياسر بثقه شيم التفتت وناظرت فهد وانتبه لنظراتها ،ناظرت قدامها
المرشد:موفقين بدروسكم وشدو حيلكم بالاختبارات
سعود ناظر فهد اللي مركز على ياسر بيرود:فهد ترا عمك يعني الي هو ابوي مسوي عشاء بالمزرعه بمناسبة سلامتك.
وناظر فارس وسلمان:وانتو بعد معزومين.
فارس بأنحراج:احس ماله داعي انا وسلوم نروح.
سلمان:صح يعني عشاء عائلي بينكم وجودي انا وفروس ماله داعي
فهد ناظره بحده:ماعرفتكم مؤدبين،أول من يروح انت وفروس ولا يمين بالله ماروح قال عائلي بينكم اي عائلة تتكلم ترا ذا عمي اخر مره شفته وانا عمري٥ سنين حتى شكله ناسيه
سعود:علمهم بس،بعدين مافي الا هو وولده يعني لاتشخصنون وتستحون انا لو مأصر علي وأزعجني كان مارحت
عند ياسر جلس بالوسط وحط رجل على رجل بأبتسامه خبيثه لشيم ولف على فهد اللي قاعد بالزاويه اللي بادله الابتسامة،دخل الاستاذ وشرح وانتهت ثلاث حصص اللي ماتخلى من سخافات الشباب كل أستاذ يدخل ويطلع مقهور!
بقى بالفصل:ياسر تقدم لشيم:شفيك خايف مني؟
شيم ناظرته من فوق لتحت:نعم؟اخاف من مين؟منك انت؟وليه انشالله اخاف منك؟
ياسر بتمالك اعصابه:ترا انا انقهرت لانك
قاطعة بتقدم فهد قدامه اللي خلى شيم وراه
فهد بأبتسامه:لانه وش كمل؟.
ياسر هز راسه:حلو حلو حبيت التضامن والكيمياء اللي بينكم
فهد سحب ياسر من ثوبه ورفع حاجبه بسخريه:بخليك تحب الارض لو قربت منه فاهم؟.
وبحده بنبره عاليه:مشكلتك معاي مو معاه!.
ضحك ياسر:حلو ياولد المدير
فهد بأبتسامه:بتشوف ولد المدير وش بيسوي فيك تركه ولف على شيم:أمش.
توسعت عيونها وعرف انها بترادده وتجادله سحبها من ذراعها وحط يده على فمها ومشاها قدامه،حتى ماطلعو من الفصل شيم عضت يده ورفست رجله وبعدت عنه:وخر وش هالحركات؟
فهد ناظر بيده اللي انجرحت من أسنانها وناظرها وهو ويوسع عيونه بغضب ورفع كوعه بمعنى يهددها:أيا بن اللذين تبي اكسر أسنانك الحين!
شيم:ليه تقول له كذا وكأني محتاج تدافع عني!
فهد ببرود من دون مايناظرها:قلت لك دامك انقذتني مستحيل اخليه يقرب منك ولايمسك بشعره.
شيم:وبنظرك كذا بتنسيني وقاحتك؟.
فهد:جعلك مانسيت مايهمني اللي يهمني قلته لك، وراح
••••••••••••••،•••••••••
العصر الساعة٥
بالغرفه عند ليال وهي تشعر بالخوف بعد اتصال المديره عليهم وتبي تشوفهم اليوم ضروري،دخلت هيام بخوف لغرفة بعد ماتصال عليها المديره هي بعد
هيام:ليا...
ليال وهي تأشر بحاجبها:احم.
التفتت هيام على فارس اللي كان بغرفة التبديل يدور ملابس وعقد حاجبه وتقدم وهو بيده بلوزتين شتويه صوف:شفيك؟
هيام بتلعثم:ولاشيء.
فارس:أكيد؟.
هيام هزت رأسها،فارس:الا قولو لي وش أحلى.
هيام ناظرت البلوزة الاولى كان اسود والبلوزة الثانية أبيض
هيام وهي جداً مغرم بلون الابيض وافضل لون عندها:الابيض!
ليال:الاسود اكيد!
فارس:انا الحين محتار وانتو تحيروني اكثر
ليال:قلت لك الاسود معليك من ذا ماعنده ذوق
هيام انحرجت:خلاص البس الاسود.
فارس:الاسود يعني؟
ليال:اي.
دخل فارس وبعد دقايق طلع بالبلوزة اللي اختارتها هيام وبنطلون اسود وجزمه باللون الاسود أندهشت هيام
تقدم فارس قدام المرايا وهو يلبس جاكيته الاسود
ويعدل شعره بشكل مبعثر ومسك ساعتين ولف عليهم:قولو لي وش احلى؟
هيام:اللي على اليمين
فارس ناظرها:وانت وشتقول؟
ليال وهي غاضبة جدا:اللي على اليسار طبعا
فارس نزل الساعه ولبس الساعه اللي اختارتها هيام
ليال:سخيف،أجل ليه تسألني؟
تعطر وثم مسك مشطه وحذفها على ليال حتى ماضرب على جبهتها تحديداً وطلع
ضحكت هيام،ليال مسكت جبهتها بألم وغضب:حقير،وانتِ وش اللي يضحك مبسوطة انه ضرب صديقتك؟.
هيام:وانتِ مبسوطه تفشليني قدامه؟ياخي احترميني على الاقل قدامهم واذا كنا لحالنا كلميني بأسلوبك!
ليال:المهم علميني الحيه شعندها داقه وتبي تشوفنا؟
هيام جلست قدامها على السرير:مادري خايفه!
ليال:احنا بأختصار أغبياء ضيعنا روحنا ودمرنا انفسنا لو رأضيين بالسجن احس من الخطط الغبيه اللي ماتطري على لا كاتب ولا على مجنون،عايشين بملل وخوف انا حتى الحمام اتوتر رغم اني اكون متأكده مقفلته بس الوسواس ذبحني.
هيام:على الاقل فارس طيب وحنون بس اللي عندي ابدا مايرحم قاسي ويصرخ
ليال عقدت حاجبها:يصرخ عليك؟.
هيام:شوفي هو مايصرخ يصرخ يعني مابيننا كلام أو اي شيء بس يعني اذا مشيت قدامه يتكلم ويناظر نظراته تخوفني مايبتسم ولاشي مره قلت له ابي انام عادي تكلم برا عطاني نظره
ليال:كريهه وش ترجين من شخص كريهه هذا أسمه سلمان؟ هذا المفروض شيطان...
(هاي يحلوين شلونكم طبعاً لاتنسون تدعموني بنجمه وكومنت حلو زيكم وش رايكم بالبارت وبس والله بااييي😔❤️🩹)
