وأنا فِي مَوج حُبك شراع يتهادىٰ

البارت الثامن

~~"

نزل تحت وهو يبتسم ويقفل ازراره ويشوف البيت منور وعمته وامه يروحون يمين يسار ويوصون الخدم
على التجهيزات وعمته معصبه من برود الخدم توجه لها وباس خدها وهو يضحك:وشفيه الحلو معصب
ابتسمت نوره :ياخي شسوي اقولهم يحطون الورد من داخل وبرا وماحطو الا برا
ابتسم صالح :ماله داعي كل ذا الحوسه
شهقت نوره :ههاا تبيني اعصب عليك اجهز لبنتي واستقبالها ببيتنا رح عني بس
ضحك صالح:هههههه طيب وين مصعب؟
لفت نوره وهي معصبه:وانا شعرفني وينه فاضي انت
ضحك صالح على عصبيتها ولف ، توجهت شوق تركض لصالح استغرب صالح من ركضها وابتسامتها
شوق وهي تلهث من نزول الدرج: خذ هذي لزوجتك
طالع صالح بالبوكس المغلف باستغراب :وشو ذا؟
شوق بحلطمه:يوههه اسالتك كثير خذ ولا يكثر وعطها
صالح:حاليا نايمه
شهقت شوق :منجدك انت تخليها نايمه لين ذا الوقت قومها لازم تتجهز
لف صالح بظهره: براحتها
مسكته شوق من كتوفه بقوه:وشو براحتها وده لها وقومها ولا رحت انا لها
لف صالح على شوق ببـرود:روحي لها
تأففت شوق :اففف مامنك فايده
توجهت شوق فوق لجناح اشواق دقت الباب مره ومرتين محد فتح
، صحت بشويش على صوت الباب وهي تعبانه حرفيا توجهت ببطى شديد لناحيه الباب فتحت الباب وشافت
شوق الي بوجهها ابتسامه شهقت يوم شافت شعر اشواق الي مبهذل وواضح توها صاحيه قربت من الباب ودخلت وسكرت
البـاب وراها لفت على اشواق الي مستغربه من دخولها المفاجئ ، مسكتها شوق بذراعها:قومي مافي وقت لازم تجهزين اليوم في عزيمه عشانك؟
طالعت اشواق ببرود لشوق ثم شهقت:صدق!
هزت شوق راسها طالعت اشواق بشوق بسرعه :باخذ شور ثواني
ابتسمت شوق وهي تتوجه للطاولة الي بنص الغرفه وحطت البوكس:اذا خلصتي البسي الي في البوكس الي حطيته بالطاوله
توجهت وطلعت من الجناح وتوجهت لغرفه شيهانه الي تطالع بفستانين بحيره كانت مسويه رافعه شعرها على فوق ومسويه ميكب خفيف بسموكي خفيف دخلت شوق وسكوت الباب وراها وهي تطالع بشيهانه الي محتاره انتبهت شيهانه ولفت على شوق
:جيتي بوقتك تعالي شوفي اخذ الجمسوت الاسود ولا الفوشي
اشرت شوق على الاسود واخذته شيهانه وراحت لغرفه التبديل ووقفت شوق عند التسريحه وهي تتامل شكلها كانت مسويه شعرها ويڤي وصابغته اشقر مع رمادي فاتح ولابسه تنوره موڤيه ماسكه على خصرها وبلوزه بادي ابيض لفت على شيهانه الي كان شكلها طالع انيق جدا ابتسمت :تموتينن
ابتسمت شيهانه:مو كثرك
ابتسمت شوق:ويت بروح اشوف مامي وش مسويه
نزلت شوق تحت وهي تشوف امها تجهز والدرج مزين بالورد الابيض والموڤي ابتسمت شوق وهي تشوف الترتيب توجهت للحديقه وقعدت عند المسبح تتامل القمر رفعت جوالها تصور القمر وتنزله ستوري
..،؛
خلصت شور وتوجهت تجفف شعرها بسرعه وترطب وجهها وتحط روج مشطت شعرها الناعم وطلعت فستانها الازرق الي اخذته من المحل الشبه طويل واكمامه طويله وماسك على الجسم مره رفعت نص شعرها بطريقه حلوه  وجت بتطلع انتبهت للبوكس الي موجود بالطاوله تذكرت كلام شوق واخذته وفتحته كان اكسسوار الماس حلو جدا وناعم
،ابتسمت اشواق بلطف ماكان ودها تلبسها لكن حست بخجل ولبسته وكان جدا انيق وخصوصا على فستانها الانيق والهادي ماحطت ميكب مجرد روج وكان شكلها جدا انيق ،جت بتطلع لكن استوعبت انها ماصورت للبنات غرفتها صورتها على السريع وهي تضحك وتقول احس اني ببيت اميرات ديزني ارسلته سناب وطلعت من الغرفه وهي تبتسم شافت التجهيزات وابتسمت من الاناقه والكلاسيك ،نزلت من الدرج الكبير وتوجهت للصاله المفتوحه طلعت الحديقه وهي تشوف الانوار وتبتسم ،بدهشه بعمرها ماشافت مناظر كذا كان طول عمرها بالديره ابتسمت وهي تكلم نفسها:شكل حياتي بتتغير
التفتت وهي تشوف حديقه كبيره ومزينه بالورد توجهت لها وشافت مسبح ومواقف سيارات ضحكت اشواق بينها وبين نفسها
:معرض سيارات ذا مو مواقف
كانت تشوف سيارات راقيه وفخمه جدااا الا سياره وحده من بينهم كانت شاص استغربت وتوجهت للمسبح لفت وانتبهت لشيهانه الي تصور شوق توجهت لهم وهي تبتسم
ابتسمت شيهانه:اوههه اشواق منوره تعالي وقفي جنب شوق بصوركم
ابتسمت اشواق وتوجهت بجانب شوق وتصورو وكانت شوق تعلم كيف تسوي اشواق قلب بيدها
توجهت شيهانه وهي توريهم الصوره ضحكت شوق
:اوميقاد تهبللل مره مااتحمل
ابتسمت شيهانه:اشواق عادي اسالك
اشواق:ايوا عادي
شيهانه:صبغتك من وين مرههه عاجبتني
ضحكت اشواق بقوه:ذي مو صبغه ذا لون شعري ورثته من جدتي الله يرحمها
ابتسمت شيهانه بفشله وضحكت شوق لفت شوق وهي تشوف المعازيم بدو يدخلون سحبت شوق ذراع شيهانه واشواق
ودخلو جلست اشواق بالوسط يمينها شوق ويسارها شيهانه نزلت بنت رقيقه جميله من الدرج انتبهت اشواق لملامحها
وحست مو غريبه عليها توجهت اشواق للمطبخ تشرب مويه التفتت وشافت نفس البنت شرقت بالمويه وانتبهت البنت وشهقت
:انتييي البنت الي بجده صح؟
طالعت فيها اشواق بصدمه:اا ي انتي من اهل القصر؟
ابتسمت ليالي وهي تقول: يس انا من اهل القصر انتي منو
كملت ليالي وهي تقول:ثواني انتي زوجه صلوحي؟
عقدت اشواق حواجبها من نطقها لاسمه هزت راسها بالايجاب ابتسمت البنت وراحت تمشي نزلت اشواق كوب المويه وتوجهت للصاله وجلست عند شوق وشيهانه لفت شوق على دخلت بنت شهقت شوق بقرف:وععع شيهانه شوفييي مين جت
طالعت شيهانه فيها بقرف :وعع تكفين ذي مين عزمها
لفت شوق على شيهانه:في غير ماما؟
لفت شوق على اشواق وهي توجه كلامها لاشواق:اشواق الحمدلله انك ماتعرفينها بس انتبهي ترا بتشخصنها معك
التفت اشواق:بتشخصنها ؟
هزت راسها شيهانه:ايي ذي دلال خطيبه صالح السابقه صارت بينهم مشاكل وانفصلو
كملت شوق كلامها :ويعع رخيصه بس تلحقه من مكان لمكان
وقفت دلال عند اشواق وطالعت فيها:ماحتسلمي؟
وقفت اشواق ومدت دلال يدها وصافحتها اشواق وسحبت دلال يدها بقوه وفركتها بفستانها القصير مره لعند فخذها وجلست بتغنج ودلع وتفرد شعرها على وراء طالعت فيها اشواق وهي ماسكه الضحكه وتقول بينها وبين نفسها:ذي لو شافوها البنات وخصوصا نوف استلموها
فجاءه اشواق ضحكت بقوه بدون ماتحس التفتو عليها المعازيم ابتسمت بفشله:معليش
طالعت فيها الهنوف (ام صالح) بنظرات غريبه طالعتها اشواق ولفت بوجهها
-
-
""في مكان ثاني ""