وأنا فِي مَوج حُبك شراع يتهادىٰ

البارت الثامن والعشرون

-

يـمّشي بسيـارته وهو تايـه مايعرف وين يروح المُـهم يـريح عقله وحِـس بالنـدم على تصرفه الـطفولي ونسـى شخصيتـه وهيـبته الي يـشهدون عليها الكل ،شّـد على معصم يـده
،وقـف سيـارته عـند عـزبه ومزرعه عـقد حاجبه وهو مستغرب كـيف وصل للحلال والمزرعَـه هذي
نـَزل من سيـارته وتـوجه للابل وقـف بشمـوخه المُـعتاد وطـالع للابل وضحك:وش وداني هنا
التـفت على العـامل الي يؤكـلهم ،تـقِدم له وفِـي بالـه انه يبـي يسألـه مزرعه مين
توجـه للعامـل التفت العامـل يطالعه،ابتـسم صـالح :حـلاّل ومزرعه مين؟
هـِز اصـيل راسه:مزرعه عـامر آل مَهـنا...
ابـتـسم صالـح يوم عرف ان هذي مزرعتهم وطـالع في اصـيل:انت تشتـغل هنا؟
هِـز اصـيل راسه:هالله هالله يازول
عِـقـد صالح حاجبه:سوداني؟
طـالع فَـيه اصـيل:يـاوه
ابـتسم صالح وهـو يلاّمـس وجـه الابـل :كم لك سنه تشتغل هنا؟
لـف اصـيل وهو يطـالع بصالح:والله يـازول لـي تقريبًا سـت طّعـش سِنـه
رفـع صالح حواجـبه بتـعجب:ما شاء الله
لـف وهو يتـامل غـُروب الشمس ويـسمع اذان مسجد الديـره ،تـوجه للدكـه وكـبر وصـلى...

~~~

تـوجهـو يصـلون صـلاه المغرب التـفت رائـد عليهم وهو يصرخ:انتظروني قاعد اتوضى!
ضـرب فهـاد بعصاته بالارض:اصص اقصـر حسّك فضحـتنا
هـز رائد وهو ينـشف يـَده من المويه:ابشر
طـالع هـتان فِـي العيال:اقول بس وين صـالح يـصلي معنا؟
تـنهد فـهاد وهـُو يمـسح على وجهه ماكان مفـروض يقسـى على اغـلا احَفاده بـس تصـرف صالح
امـام الرجال اغـضبه ولا تـوقع رجـال بطول وعـرضه يـسوي كذا مشى بعكازه وتوجه عـامر يمشي
بـجانب فـهاد الي سـرحان،ضـحك عـامر على سـرحان فـهاد:تّـدل الـطريـق ولا نسـتك الايام
الـتفت فـهاد عـلى عـامر وابتـسم:ماتنـسيني الايـام على مـكان
خـلقت وتربـيت فـيه ياعـامر
هـز عـامر راسه:انـَشهد
دخـلو المسـجد وكـبرو وصـلو وراء الامـام ابـو مـزنه

~~

جـالسه علـى طـرف السـرير وهي تطـلع مـلابسها من الشنطه وبنات عمها وخوالها بجانبها يسـولفون
فـز قلبها اول ماشـافت الفـستان الي مـن بـعده وهي مشاعـرها ماتتـحكم فـيها،طـالعت فـيها شـيهانه
وضحـكت يوم شَـافت الفستان وهي تتذكر شصار،ولفو البـنات عن ضحك شـيهانه،دخـلت اشـواق الفستان بسرعه وهـي عـرفت شـيهانه وش تفكر فيـه طـلعت صـندوق صغـير حاطه فيه اكسسوراتهـا فَـتحت الصُنـدوق ،انـتبهت وعـد على الاسـواره وشـهقت بقـوه وهي تسـحب الاسواره :ثوانـي اشـواق هالاسواره بـعُمري ماشَـفت انها عندك مـن وين طـلعت؟
وسـعت عزيـزه عـيونها بصـدمه وهـي تطالع في الاسواره الي ماسكتها وعـد:هذي مو كـانها حقت كـارتير
الي تقريبـا سَعـره مايقارب ميـه الف وفـوق
غـمـزت نـوف لاشواق الي توترت،ضحـكت شوق وهي تسـحب الاسواره وترجعـها لاشـواق:وشفيها اذا صلـوحي اهـداها لها
وسـعت اشـواق عيونها:هـي انتم سلامات وشفيـكم
غـمزت آيار:خلـوها اسـتحت هههههه
انـفتح الباب وطلعت لـهم دلال زفـرو قـامت اشواق وفـرشت سجـادتها وتطـالع البنات:قومـو صلو!
،
صـلت وقـامت لبست فـستان فسفـوري وفـردت شـَعرها على ظهـرها وحـطت روج وكحـل ومسكـرا وتعـطرت مـن اكثر عـطر تحبـه لبـست اسـواره هديـه صـالح ولبـست عـقد نـاعم ولفـت على نـوف الي سـلمت من الصلاه:كـيف شكلي؟
تـنحَـت نـوف لثـواني وهي تطـالع اشـواق بإنبـهار:طـالعه قـمر!
ابـتسمت اشـواق بخجل ودخـلت عـزيزه الغرفه ووقـفت وهي تطالع في اشـواق مصدومه:اشواق!
نـِزلت اشواق انظارهِا لفسـتانها،ثم رفـعت راسها لعزيزه:ليه شكلي مو حـلو!
شـهقت عزيزه:كل ذا ومو حـلو؟
قـربت عزيزه من اشـواق ومسكـت كتوفها:انتي لو ماتسوين اي شيء تغـطين على الكل
ابـتسمت اشـواق بخـجل:ترا ماتعودت على ذا الكلام
ضـحكت عزيـزه:كلنا ندري
ابتـسمت اشواق وشـهقت يـوم تذكرت ان قال لها بعـد المغرب تـوجهت علطول نحـو مكـانها السـري تـدور الورقه حقت البـريد وكـلمه السر ،شـهقت بفرحه اول ماحصلتها فتحتها وتوجهـت للحـوش الخـلفي وريـحه عـطرها تسبقها وضـربت كعـبها على الارض وقـفت امـام باب الغرفه الخارجيـه وهـي تبعد شـعرها عن وجهها
،
اخذ لابتوبه وابدا مانسى موعـدهم وقف سـيارته امـام الباب الخلـفي دق الباب
،فـزت على صوت دق البـاب عرفت انـه هو فـتحت وهـي خلف الباب دخـل وهو مايدري انها خلف الباب
سـكرت الباب وفـز ،ضحكـت على شكله بشكل هيستيري:بالله ماتوقعت انك خواف
لف يطـالعها ولولـهٌه سـَرح بجـمالها وعيـونها وطـولها كـانها مَـلاك امامـه،هـزت كتفه بقوه
:هي من اليوم اناديك
هز صـالح راسه :لاتخافين مـعك
شـهقت اشـواق:ماغيرت لبسك الرجال بيجون!
طـالع صـالح فيها:اي صح بس خليني اخلص منك بعدين بلبس
هـزت راسها ووجلس وهي بجـانبه فـتح لابتوبه:لقيتي بريـدك والباسـورد!
هزت راسها ورفـعت الورقه بإتجـاهه:اي هذي هي
سـحبها من يدها وشغـل الابتوب وكان مركز مـره وهو يسـجل البـيانات وهي مركـزه معه
،تـنهد بـعد ماخلص من شغله والـتفت لها وانتـبه قـربها منه وللحـظه شـم ريـحه العطر نفسها
صـد على طول وقام واعتدل بوقفتـه،قامت معه وطالعـت فيـه بتوتر:ها شصار! قبلوني
طـالع فيها:بتجيك رساله على جوالك بحال انقبلتـي مـو على طول بتنقبليـن
مشـى ووقـف لما سـمع كلمتها الي قشـعرت جسـمه وبـلل شفاته
:شكرا!
نـطق من دون يلتـفت لها:عفوا
وكـمل بيـمشي لكن رجـعت كلمتها استـوقفته والي ذكـرته بعد
اشـواق:مارح تـبدل؟
رجـع بخطواته للخـلف:اي صح
دخـل للغرفه ولـبس وعدل غتـرته وتعـطر ولبـس ساعته، وطـلع ماحصلهـا مـوجوده تجاهـل
وتـوجه للمـلحق...
،
توجـه للملـحق وبدو الضـيوف يشرفـون وانـتبه على العيـال يرحـبون مع عـامر تـوجه ووقـف بجانـبهم وهو يسـلم بشمـوخَ وهـيبه ،التـفتو عليه العـيال وهم يطـالعون فيه طـالع فـيهم وهـو عـاقد حاجبه من نظراتـهم،نطـق مصـعب:وين كنت طول الوقـت ماصليت معنا المغرب؟
هـز راسه وهو يتمتـم لمصعـب:صليـت
التـفت عليه هـتان:ويـن؟
تجـاهلهم وهم مااستـغربو حركـاته دايـم يطنـش اذا انزعـج من الاسأله
كـملو ترحـيبهم مع عـامر ،والتـفت عليه رائد بحركه سريعـه وهو يشهـق:في روج بكتفك
طـالعو العيال باستغراب وهـم مايشوفون فيـه شيء غـمز لهم رائد لهـم وكملو معـه
طـالع بكتفه وهـو عارف انه ماقرب منها بس يمكن سوتـها لعانـه،التفـت على راكـان لانه اكثر واحد جـّدي
ومايمـزح كثير عطـى كتفه راكان:راكـان بالله فيه شيء
غمـزو العيال لراكـان عـض شفاته يكـتم الضحكه:هـي وش مسـوي انت؟
انـخرش صـالح وهو يضـرب بكتفـه عشان ينمسح،التـفت عليه مصـعب:نمزح معك ياابو الشباب ههههههه
طـالع فيهم صـالح بحـده:وقتكم انت وياه؟
صـفق ظّهر رائد وضحـكو العيال،مسـك رائد ظهره بألم:حسبي الله كسر للعدو
هـز صالح راسه:ماينفع معك الا كذا