وأنا فِي مَوج حُبك شراع يتهادىٰ

البارت العاشر

اول ماراحو وهي كانت تلحق وراهم وسحبو عليها حست باهانه كبيره توجهت لداخل البيت وبدت تبكي
بقوه، توجهت للصاله المفتوحه وبدت تبكي وتسوي دراما نزل صالح الي كان لابس كاب ابيض وتيشيرت
ازرق ومكتوب على بعض الكلمات وشورت ابيض ومعه هتان نزل وانتبه هتان لليالي الي تبكي التفت على صالح
وانتبه صالح وتوجهو لها مسك هتان ذراعها وهو يسال بقلق:مينن الي بكاك احرق ابو الي بكاك!
مسكها صالح ورفع وجهها الي كان محمر مره وسالها بغضب:مينن؟
رجعت ونزلت راسها وحطت يدها على وجهها:مابيي
رجع صالح ورفع راسها :لاتنزلين راسك وانا اخوك
رفعت ليالي راسها واسندته على كتف صالح وهي تبكي التفت هتان لها وهو وده يواسيها لكن مايقدر مسكها بيدها
:مينن بكاك
افلتت يده وهي تبعد وترجع تدفن راسها عقد صالح حواجبه باستغراب ليه كل هالصياح ووخر راسها من كتفها
ورجع يرفعها التفت على نوره الي مستغربه هذا الصياح توجهت ويوم شافت ليالي مسكتها وحضنتها:وشفيك يقلبي
تكلمت ليالي اخيرا وهي تاشر على الباب:عمه تخيلي ياعمتي بناتك وومصعب قلت لهم ينتظروني بروح معهم وسحبو علي
وكنت اركض وراهم وهم يشوفوني ولا وقفو حسيت باهانه
مسك صالح راسها:ماعاش مين يهينك يمكن ماانتبهو
صارخت ليالي بقهر:الااا خصوصا زوجتك!! شافتني وقامت تضحك
عقد هتان حواجبه ومسك ذراعها:معليك ا الحين لو تبين نوديك
هزت ليالي راسها وتوجهت للدرج تكمل دراما نزلت ايار وطالعتها من فوق لتحت:دراما
طالعت فيها ليالي ودفت ايار بكل قوتها ومشت لغرفتها ضحكت ايار وتوجهت لهتان وصالح والعمه نوره
:منجدكم تعصبون وتقلبون الدنيا عشان بس سحبو عليها؟
تجاهلوها وجلس صالح بعصبيه ونفس الشيء هتان هتان يصير ولد عمها لكن يحبها من الطفوله ولا معطيته وجهه ولا تحبه
لن كل همها شخص ثاني
-
-
وصلو للمطعم ونزلو ابتسمت اشواق على شكل المطعم الراقي توجهو لطاولة مطله على بحر الخبر الحلوه وامواجه العاليه
ابتسمت اشواق على منظر البحر هي طول عمرها بالديره من عزبه عمها الى البيت او مخيم ابو ماجد الى البيت لكن هالمره تغير الوضع كانت تحس بشعور حلو بنفس الوقت شعور غريب شعور الغربه التفت على صوت مصعب وهو يسالها
:هييي هلوو من اليوم اكلمك
التفت اشواق:هلا
ضحك مصعب:وشتبين فطور
ابتسمت اشواق:على ذوقك
ابتسمت شوق:انتبهي من ذوقه يمكن تهج معه ويجيب لك عصيده
ضحك مصعب:ذبتك ميته مافي عصيده بمطعم زي كذا لو بيدي جبت
ضحكت شيهانه:لانك مهبول
ضحكو كلهم والتفت مصعب ينادي النادل التفت النادل وتوجه لهم كان النادل يتكلم بالانجليزي وكان مصعب
وشيهانه وشوق يفهمون ويتكلمون زيه وسط عدم فهم اشواق لكن كانت تسلك وتسوي نفسها فاهمه عشان مايقولون انها
جاهله ، بدو يسولفون ويضحكون والتفت شوق: ويت بصور فلوق وباخذ سيلفي لنا كلنا
ابتسمو وسوت اشواق حبتين ومصعب سوا خلف راس اشواق ضحكت شوق بقوه بعد ماخذت السيلفي والتفت عليهم
ضحك مصعب التفت اشواق وضربت كتفه بقوه بدون ماتحس شهق مصعب:انتي يدك وش مصنوعه منه انخلع كتفي
ضحكت اشواق بقوه وكانها بدت تتأقلم مع ذولي الثلاثه بس وصل الطلب وبدو ياكلون خلصو اكل التفت مصعب:تبون نحلي
ابتسمت شوق:اييي ابي ايسكريم
ولف على اشواق وشيهانه:وانتو؟
شيهانه واشواق:نفس الشيء
ابتسم مصعب وتوجه يطلب لهم ايسكريم انتبه لرنه جوالها الي كانت نغمته من اهزوجه مدرجات الكوره رد
:هلا والله صلحي
صالح بغضب:وينك فيه؟
ضحك مصعب:هد ياابو الشباب وشفيه صوتك كذا طالعين انا والبنات نفطر
تنهد صالح بغضب:امش انت والبنات وارجعو الان!
رفع مصعب حواجبه باستغراب:وليه؟
سكر صالح الخط عقد مصعب حواجبه باستغراب من اسلوب صالح وهو عارف مايكون اسلوبه كذا الا وراها مصيبه
وخصوصا قال جيب البنات معك اخذ مصعب الايسكريم وتوجه للبنات الي كانو يسولفون ويضحكون ابتسم ومد لهم الايسكريم
ابتسمت اشواق والبنات بفرحه كبيره اخذو الايسكريم وبدو ياكلونه ابتسم مصعب:يلا الحين بنرجع البيت
تنهدت شيهانه:نووو بليزز ابي اروح جرير بشتري كتاب اسامه الجديد!
طالع فيها مصعب:مانقدر يطلبوننا نرجع
عقدت شوق حواجبها باستغراب:يطلبوننا ليه ومين؟
قام مصعب:معرف الصراحه يلا امشو
قامو البنات لفت شوق على شيهانه الي كانت ماده شفايفها بزعل:عادي اطلبيه من الموقع او نروح مع السواق
لفت شيهانه وماردت مشو البنات وركبو السياره واشواق الي للان تاكل ب الايسكريم
، وصلو للقصر وانفتحت البوابه ودخلو لف عليهم مصعب :الله يستر لا تنحش رجولنا حش
ضحكت اشواق بقوه ووقفو السياره ونزلو مشو كلهم وانتبهو لرائد الي يركب سيارته ويأشر لهم ويحط اصبعه عند رقبته
توترو البنات ومشو كلهم بجانب بعض ومصعب الي متمسك بذراع شوق من الخوف التفت شوق بضحكه:الحين من الرجال
طقها مصعب بخفه ودخلو بهدوء وكانو بينحاشون ويتوجهون للدرج بس التفتو لصوت نوره تناديهم وقدامها سلوى وبجانبها صالح وهتان وايار وخلفهم ليالي همس مصعب:شكلها مابتعدي على خير مع اننا ماسوينا شيء
ابتسمت اشواق بضحكه مكتومه وتوجهو لهم وقفو امامهم بالضبط والتفتو البنات لليالي الي مبتسمه
عقدو حواجبهم والتفتو على صوت نوره بصوتها العالي:كيففف يطاوعكم قلبكم تسوونن بليالي كذا!
عقدت اشواق حواجبها:ليالي؟
صرخ صالح:ايييي لياليييي كيف تتركونها تركض وراكم؟
التفت مصعب:تركض ورانا
تكلم هتان بعصبيه:ليه ترددون كلامنا!
التفت شيهانه:لاننا مافهمنا منه شيء
توجهت سلوى:ليالي ليه تتركونها وهي كانت بتروح معكم ليه تخلونها تركض وراكم بحذيانها ونزلتو دموعها
التفت اشواق وبرده فعل سريعه:ماله داعي الدموع على شيء تافه
التفتت نوره:انتييي اششش ولا كلمهههه
رفعت اشواق حواجبها بصدمه وفتحت عيونها:انا اش؟؟ ليه شسويت عشان تسكتيني ها؟ غلطت بشيء
توجه صالح:شيء ولا اشياء!
توجهت اشواق بثقه كبيره وتوتر البنات منها:وش الشيء طلعت بعلمك وانت كنت صاحي ووافقت!
صرخ صالح بوجهها:بسسس ماتخلينن اختي تبكي!!
عقدت اشواق حواجبها:اختك؟
هز صالح راسه:اييي اختي
التفت اشواق لليالي المبتسمه ورجعت تلتفت على صالح:انت الحين قاعد تتهمني اني انااا!!بكيتهاا
صرخ صالح من جديد:مااتهمتك هذا الحقيقه
رجعت اشواق لوراء: تافهيين
مسكها صالح بذراعها بقوه وتوجه مصعب له ودف صالح بكل قوته:ليكون بتمد يدك ها!
لف صالح على مصعب:ماكنت بمدها واذا مديتها محد له دخل
طخخ... ضرب مصعب صالح كف بكل قوته وتكلم بعصبيه وهو يقول:لااا لنا دخل بنت اختي وتمد يدك عليها اكسر لك يدك
التفت اشواق لجدها الي يطالع بصدمه وتوجه بهدوء:ماكنتو كذا ياعيالي
توجه بين صالح ومصعب :ومسك راس مصعب وصالح ودقهم ببعض
كلهم مسكو راسهم بوجع جدهم دايم اذا احد تهاوش بالبيت يسوي ذا الحركه عشان يتصالحون
التفت نوره على اشواق:ليتكك مو بنتي
التفت اشواق ببرود عكس الي بداخلها:وليتك مو امي
انصدمت نوره من كلامها ومو بس نوره كل الموجودين انصدمو لحقت شوق اشواق الي كانت معصبه ودخلت الجناح
وسكرته بكل قوتها وقفت شوق عند الباب بقلق وتوجهت لصالح الي كان بالصاله الي فوق ماسك راسه ويتابع التلفزيون بشرود
توجهت له شوق:ليهه رح اعتذر!
لف صالح:اعتذر ماغلطت انا بكت اختي ومن حقي ادافع عنها
مسكته شوق من ياقته بعصبيه وبكى:انااا انااا الي بكيت ليالي والله انا وبعدين في اي حق خليتها هي الي بكتها وانت تعرف ان ليالي بكايه وام دميعه
لف صالح ببرود :في اي حق؟ لانها هي بنت اغراب
رفعت شوق حاجبها بصدمه:اغراب؟؟نسيت انها بنت عمتك
لف صالح:تظل غريبه
طلعت شوق وراحت لغرفتها تبكي بحرقه تبكي على اشواق الي اتهموها وهي مالها دخل ويحسسونها بالغربه فوق ماهي حاسه فيها اسندت راسها ونامت
-
-
دخلت الغرفه وشدت على شعرها بقهر جلست على الكنبه وسكرت الباب قفلتين جلست وتوجهت للكومدينا تحاول توازن اعصابها وانها مااهتمت وهي محروقه من كلمه امها بشكل مو طبيعي امها الي توقعت بتوقف معها في ذا الموقف وقفت ضدها وجرحتها بكل قوتها بعد وهي ردت الجرح بالجرح ماتقدر تسكت عن حقها ف جرحت امها وهي متعمده ولا ندمت زي ماجرحتها قدام الكل توجهت وراحت تاخذ شور سمعت دق الباب لبست بجامتها وهي تعرف مين وراء الباب اخذت مخدته
وفراشه فتحت الباب ورمتها بوجهه وسكرت الباب بقوه
صالح بعصبيه:افتحييي الباب بتكلم معككك
اشواق من وراء الباب:ماليي كلام معك
صالح بصوت عالي:ان مافتحتي بكسره ترا
ضحكت اشواق باستفزاز:جرب يالمعضل ممكن تستفيد من الكيكه الي بكتفك شيء
صالح بصوت عالي سمعه كل اهل القصر:والله لا اذبحك ترا
طلع الجد فهاد ورائد ومصعب يطالعون باستغراب ضحك صالح بانحراج ومسكو ضحكتهم وهم يشوفون
عفش صالح مرمي قدام الغرفه ضحك مصعب باستفزاز:طرده محترمه موفق ياخوي
لف صالح بعصبيه:مصعبوهه اذلف عن وجهي
طالع فيهم فهاد:شكل تبي لكم طقت روس ثانيه
ضحك رائد:جدي شكلك معاملهم معامله كاسات الخمر
التفت هتان:وانت شعرفك بكاسات الخمر
ابتسم رائد بورطه:هههه اخوياي بالنادي يشربون اكيد بعرف
رجع صالح لف على الباب وهمس بصوت واطي:افتحي تكفين مالي خلق تطيح هيبتي قدام جدي
ضحكت اشواق بقوه:تخسي
ضحك مصعب وهو يقلد همس صالح الي محد سمعه:ردي علي مش قادر اتنفس
ضحك رائد:حلوه ياخال بس لاتعودها عشان ماينقز عليك
اخذ صالح المخده والبطانيه وتوجه للصاله ويحاول يسوي نفسه مجنون وماينتبه لطقطقه العيال له
اخذ مخدته وقام يتقلب ماجاه نوم والمشكله ناسي جواله في الغرفه توجه للغرفه ودق من جديد
اشواق من وراء الباب:نعم؟
صالح وهو يحاول يقلد صوت بنت:افتحي انا شوق
ضحكت اشواق:شوق ماكانه صوتك فيه بحه
صالح:ايوا مزكمه
زفرت اشواق:اخلص شتبي مارح تضحك علي كذا ترا
تنهد صالح بقهر:عطيني جوالي
اشواق:وينه؟
صالح:عند مكتبي وصح عطيني الابتوب معه
زفرت اشواق :ياليل
حطت الجوال تحت الباب بس الابتوب ماقدر يطلع من الباب
اشواق:لابتوبك مو قادر يطلع
تنهد صالح :طيب طلعيه من فتحت الباب ابيه ضروري عندي شغل
زفرت اشواق :لاتحاول تصير ذكي علي يمكن احذفه ترا امسكه كويس
ابتسم صالح:طيب
فتحت الباب فتحت صغيرهه واول مافتحت استغل صالح هالفرصه ودخل بحركه سريعه وخطيره على اصابع يده
وسكر الباب شهقت اشواق وثبتها عند الباب وقرب منها لدرجه انفاسهم قريبه من بعض:لاتحاولين انتي تستذكين علي
تجمدت اشواق من قربه وضحك وهو يقرب منها ووصل لين عند اذنها وهمس:لاني بقدر ادخل غصب وصدقيني مابعديها
دفته اشواق بقوه:هي انت من انت عشان تقرب كذا
ابتسم صالح:حلالي
شمقت اشواق:وصخ
توجهت للكنب وفرشت فراشها وحطت راسها بالمخده وهي متوتره مره ونبضاتها تتعالى
ضحك صالح بصوت عالي وتوجه للغرفه وانسدح على الفراش ولف عليها:ماودك تنامين هنا ههههههههه
سوت نفسها ماتسمعه وهي تسوي نفسها نايمه تجاهلها صالح وبدا يطقطق بجواله قامت من مكانها وتوجهت للخزنه
ولبست تيشيرت اسود عليه امواج بحر واخذت بنطلون ابيض من صالح وكان وسيع عليها شوي واخذت كاب صالح لونه اسود وربطت شعرها ذيل حصان وطلعت من الخزانه رفع صالح راسه وطالعها من فوق لتحت:سلامات ماخذه كابي
طالع البنطلون الي لابسته ورجع رفع راسه لها:مو كانه ذا بنطلوني
مدت اشواق لسانها وحطت اصبعها عند راسها:بكيفي
وطلعت ضحك صالح ورجع يكمل شغله بالابتوب طلعت وتوجهت شافت البنات قاعدين كلهم وكل العايله تطالع بنظرات غريبه وخصوصا امها تجاهلت النظرات وتوجهت لفهاد وسلمت على راسه ضحك فهاد:ها فتحتي لحفيدي
ضحكت اشواق:ها اي
لفت وهي تدور شوق وشيهانه بعيونها حتى مصعب مو موجود توجهت لغرفه شيهانه ودقت الباب ودخلت لقت شيهانه تقراء كتب وشوق تسوي تسريحه التفت لهم بهدوء:ادخل؟
هزو راسهم دخلت اشواق وجلست على طرف السرير غرفه شيهانه الي كانت كبيره وكلاسيكيه ومسويه مكتب ورفوف ملايانه كتب ابتسمت اشواق بهدوء:تقرين كتب؟
هزت شيهانه راسها ونزلت شيهانه الكتاب :هوايتي المفضله
ابتسمت اشواق بهدوء:شيء حلو
لفت شوق على اشواق:وانتي وش هوايتك
اشواق:امم ماعندي للامانه
رفعت شيهانه حواجبها:طيب رياضه
ضحكت اشواق:ماالعب رياضه لكن مرات اشوف الكوره مع عمي
ابتسمت شوق:ليه وش تشجعين
اشواق:مااشجع احد لكن اقول اني هلاليه عشان انرفز عمي عامر الاتحادي
ضحكت شوق:يوهه صالح هلالي متعصب ومصعب نصراوي اذا اجتمعو بوقت مباراه تصير حرب عالميه
لفت شيهانه:تفهمين بالكوره؟
اشواق:ايي كثير
التفتو على صوت ميالا الي تناديهم للغداء توجهو هناك الطاوله الي يجتمعون فيها بكل وجبه جلسو وجلست اشواق بجانب
شوق التفت فهاد:يابنتي شرايك تجلسين جنب زوجك
التفت اشواق:تمام
صالح:ماله داعي
التفتو له وشمقت له اشواق وجلست بجنبه وهمست باذنه:مو عشانك عشان جدي صدقني
لف صالح وتجاهلها وبدو ياكلون بهدوء وسط تمتمت فهاد عن اعمال الشركه ويسال احفاده عنها
-
-
-

يتبع...

اعذروني على اي خطأ املائي من غير قصد

تفاعلكم ...💙