وأنا فِي مَوج حُبك شراع يتهادىٰ

البارت الثالث وعشرين

<<3:00ص>>
بعد ماتقسمو بالسيارات الكل اخذ وضيعته وحركو من الشرقيه الى ديرتهم بالحجاز
،
<<في سياره صالح>>
كان الوضع هدوء ورائد وآيار وديما بسابع نومه وشيهانه تقراء كتابها وشوق حاطه السماعه باذنها
واشواق سرحانه بالطريق وصالح عيونه تنعس ويرجع يفتحها عشان الطريق
،زفرت شوق بملل وهي تشيل السماعه من اذنها لفت عليهم ورفعت حاجبها:كلهم نايمين؟
نطق صالح بخمول:انتي مانمتي؟
هزت شوق راسها بالنفي:لا مابي انام
لف عليها صالح:كلهم نايمين؟
لفت شوق عليهم وهي تتفقدهم:شيهانه قايمه واشواق نص نايمه ونص صاحيه
رفعت راسها ولفت للمرتبه الي وراء وشافت ديما نايمه تنهدت:ياحظها مرتاحه ديما
زفرت بملل:صالح بالله عليك احس بخاطري اشغل شيء يطير النوم عنك وعني
طالع صالح بالطريق:بس بيأذن الان!
طالعت شوق بالساعه:يوهه وين يأذن شف باقي ساعه!
لف صالح على الساعه وسحب سلك الي يشبك على الجوال:خذي
ابتسمت شوق بحماس وطالعت صالح:وش اشغل؟
ابتسم صالح: سريت ليل الهوى
ابتسمت شوق:تصدق تصلح للطريق هذا
شغلتها وقعدو يغنون انتبهت اشواق من سرحانها ولفت عليهم وقامت تصورهم وتضحك
تركت شيهانه الكتاب وضحكت:هي هي بس دوري اخيرا طلع لكم صوت
لفت شوق عليها: طلع لك صوت واخيرا تركتي كتابك
طالعت شيهانه بشوق بطرف عين:حدك على كتبي
ضحك صالح ولفو كلهم يوم شافو رائد يتحرك:الحين بيقوم ذا
فتح رائد عينه ومسكر عينه الثانيه، عدل جلسته ورفع راسه على الطريق:وصلنا؟
ضحك صالح:وينن يالاخ مطولين
ضحك رائد:حسبي الله عليكم ماخليتوني انام بسبب اغانيكم ذي
طالعت فيه شوق:ما شاء الله اذن فار تسمع يعني؟
لف عليها رائد:اعقبي الفار انتي اذني اذن صقر
طالعت فيه شوق بطرف عين: لا واضح اذنك اذن صقر 
ضحكت شيهانه: يالله اخلصو علي صار دوي في الاغاني
تنحنح رائد:لو سمحتو من الان تعلن شخصيتي البريه تسجيل دخول
ضحك صالح:بريه اجل؟
طالع رائد بصالح بطرف عين:شعرفك انت
رجع يتنحنح:اقول بس دوري بحط الي ابيه خلص دور صالح
ضحك صالح:على كيفك اقول انا راعي السياره واسوق فيكم دوري مايخلص اذا بغيت حطيت
وسع رائد عينه:الله واكبر عشانك صاحب السياره شفت نفسك علينا هدها ياابو الشباب
طالع صالح بثقه:يحق لي مايحق لغيري شوق حطي له الي يبي وترا بس هالمره اعفي عنك
ضحكت شوق:من قدك يااخوي
لفت شيهانه:خذلك اتحدو الاخوه
ضحكت اشواق ولفت شوق:اماا طلع لك صوت
طالعت فيها اشواق بطرف عين:شقصدك ها؟
ضحكت شوق:سلامتك
لف رائد على شوق:ابي تحطين لي شيله
وسعت شوق عيونها:نعم؟؟
طالع فيها رائد وهو عاقد حاجبه:ليكون فيها شيء
ضحك صالح:انت يا رائد تسمع شيلات عجيب
ضخم رائد صوت:اقولكم من الان طلعت شخصيتي البريه
ضحكت اشواق:عاش
طالعت فيه شوق:وش الشيله
تنح رائد وهو يتذكر الكلمات:اييي ياديره حبها من حب مخلوقي
شهقت شوق:مين المخلوقي الي تحبها
ضحكت شيهانه:يالملقوفه
طالعت شوق فيها بطرف عين:حبيبتي مو لقافه هذي دعابه
ضحك رائد:شدخلك
طالعت فيه شوق بنظرات حقد وشغلت الشيله اخذ رائد شماغه ولفه حول راسه وهو الي حرفيا انهبل يغني
ويرقص وصالح يطالع فيه ويضحك ومحد يغني الا هو لين شاركته اشواق الغناء وقعدو يغنون الاثنين وكلهم
انصدمو من صوت اشواق الحلو
ضحكت شوق:ماتوقعت صوتك يجنن!
طالعت فيها اشواق بطرف عين:شتقصدين؟
طالع فيها وصد بانظاره لفت شيهانه على شوق:خيرر يلا دوري خلصت شيله رائد
لف رائد عليها:هي هي وش خلصت لسا باقي ختامها
زفرت شيهانه:يوههه فاضي انت تختمها
لف رائد وكمل يغني ويرقص لين خلصت الشيله والتفتت شوق على شيهانه: اخلصي شتبين
ابتسمت شيهانه:عبدالحليم حافظ
كلهم زفرو وطالعت فيهم شيهانه:خيررر شقصدكم عبدالحليم عن مغنيكم
ضحك صالح:خلاص بنحطه لاتموتين
ابتسمت شيهانه بانتصار:اي غصب
شغلو عبدالحليم ومحد متفاعل الا شيهانه وشيهانه تطالعهم بطرف عين وتكمل تغني
لفت شوق على شيهانه:ياخي اغانيه كئيبه
وسعت شيهانه عيونها:نعم خليك بس على عبدالمجيد
ضحكت شوق ولفت رائد على ايار وشهق:سوينا كلشيء بالحياه وغنينا ورقصنا وهذي للحين نايمه!
ضحكت شوق وهي تصحي آيار
آيار بإنزعاج:هممم
ضحكت اشواق:خليها مافي آمل تقوم
لفت شوق على اشواق:وش تبين احط لك؟
ابتسمت اشواق وهي تفكر:امممم حطي تناديك
ضحك رائد:يوهه تناديك وانتي رايحه للديره
لفت شوق:جوك عليل
طالع فيهم صالح:كيفها تحط الي تبيه زي ماتحطون الي تبونه حطو لها تناديك
وسعت شوق عيونها:اخس اخس
وقبصتها اشواق:انكتمي
ضحكو بقوه ومسكت شوق ذراعها بألم:شدعوه شسويت
ابتسمت اشواق ولفت على الشباك وحطت راسها عند الشباك وهي منصدمه من صالح
،يطالعها من المرايه الاماميه ويرجع يلف على الطريق،شغلت شوق تناديك وكلهم بدو يغنون مع ان الاغنيه
ابدا ما تناسق لانهم رايحين للديره
،
<<في سياره راكان>>
جالسه تصيح فجاءه مرت سياره صالح وسمعت اغانيهم انقهرت من قلب وقامت تصيح اكثر
طالعت ام دلال في دلال:وشفيه وجهك قالب احمر؟
طالعت دلال في امها بطرف عين:منك!
لفت دلال ورجعت تطالع بسيارتهم الي واضح مبسوطين وحالفه اذا وقفو انها بتركب معهم والقهر
حارق قلبها وهي تطالعهم يمرون من قدام انظارها ويغنون
،
<<في سياره صالح>>
كملو يغنون ويضحكون ويسولفون ويذبون على بعض
لفت شوق عليهم:هيي خلاص عاد شغلت لكم كلكم دوري انا
ضحكت شيهانه:وشتبين تحطين
لفت شوق وهي تلاعب شعرها بدلع:اكيد مجودي
طالعت فيها شيهانه بصدمه:يويلي لاتقلبين دلال تكفين
لفت اشواق يوم قالو دلال وطالعت صالح ويوم طالعها لفت بعيونها علطول وطالعت الطريق تشتت
انظارها شغلت شوق "ياابن الاودام مليت المح لك"
وقعدت تغني بصوت عالي وطربانه ويطالعون فيها ويضحكون وشدت شوق على كلمه "المح لك"
طالع فيها صالح وضحك:تلمحين لمين ها؟هههههههههه
ضحكت شوق وهي تبرر:يااجماعه اغنيه اغنيه وشفيكم
ضحكت شيهانه:كل ذا الحماس وتقولين اغنيه
طالعت فيهم شوق:حسبي الله حتى الاغاني تشككون فيني
كان رائد ساكت ومافتح فمه بكلمه ويفكر بينه وبين نفسه تلمح لمين شك ان قلبها فيه احد
سكت واسند راسه على الدريشه ولا تفاعل معهم
،
سمعو اذان صلاه الفجر وسكرو الاغاني وانتبهو لمحطه امامهم فيها مسجد لكن مهجوره
وقفو عندها واتصل صالح مكالمه جماعيه على راكان ومصعب
:حنا وقفنا عند محطه بنصلي فيها الفجر ونمشي
راكان:وينها المحطه؟
صالح:الي فيها مسجد والمطحه مهجوره
راكان ومصعب بنفس الوقت:ايي لقيناها
قفل صالح ولف عليهم:يلا انزلو
شاف البنات يطالعون في المحطه برعب:منجدك بننزل هنا
ضحك صالح على اشكالهم:اخلصي مافي خيار ثاني بنصلي ونمشي
نزل رائد ووراه صالح وقعدو البنات يتصارعون من تنزل اول وينزلون وراها
قامت ديما وطالعت بالبنات:وصلنا؟
لفت شوق على ديما:لا لسا مطولين
بدو البنات يدورون حذيناهم ويلبسونها الي حذفوها بكل مكان ومايدرون وينها من الظلام
طالعت شوق في اشواق:اشواق شغلي فلاش مالقيت فرد شوزي الثاني
شغلت اشواق فلاش وحصلت شوق شوزها، نزلو من السياره واشكالهم حفله وقفو وشافو شكل المحطه والمسجد
وخافو اكثر قعدو يدفون بعض مين تمشي اول لين بادرت اشواق وجت بتدخل شافت جمس مصعب ووراها سياره راكان
ابتسمت شيهانه:الحمدلله يارب
دخلو البنات المسجد وكانت ريحه الحمامات خايسه وكل وحده مسكره خشمها نزلو شوزاتهم ودخلوالامهات ووراهم
دلال وليالي ضحكت اشواق وهي تهمس باذن شوق:بالله شوفي شكل دلال
ضحكت شوق:حفلههه
طالعت فيهم دلال بطرف عين وعيونها مفقعه من النوم والصياح لانها ماراحت معهم لفت ام راكان على البنات
:آيار وين؟
شهقت شيهانه:نسيناها بالسياره نايمه
ضحكت اشواق:من الخرشه والله
طالعت ام راكان بشيهانه:بالله عليك ياشيهانه روحي قوميها تجي تصلي
طالعت شيهانه بخوف:ا ا انا!
ضحكو البنات على شكلها ولفت شيهانه على البنات:لازم وحده منكم تجي معي
كل البنات بدو بالصلاه وطالعت اشواق في شيهانه وضحكت :انا بجي معك
ابتسمت شيهانه:اي تكفين
طلعت شيهانه من المسجد وهي تسمع اصوات الكلاب والذياب والخوف في قلبها مشت من وراها اشواق وما انتبهت شيهانه ان وراها اشواق قربت اشواق بخفه من شيهانه وصرخت باذنها:بوووو
فزت شيهانه وصرخت ثم سكرت فمها يوم شافت اشواق :الله ياخذ عدوك! فزعتيني
ضحكت اشواق:ماشش تقرين كتب رعب وتسمعين قصص وتخافين
طالعت شيهانه باشواق بطرف عين:تسمعين صوت الذيابه والكلاب
ضحكت اشواق وفتحت شيهانه باب السياره وتهز كتف آيار لفت آيار الى الجهه الثانيه:همم
سحبت اشواق آيار مع يدها:قومي صليي
قامت آيار ببطى وهي تسحب شوزها وتلبسها:ثواني انتظروني
لبست آيار شوزها ونزلت من السياره وبدو شيهانه واشواق يتسابقون من الخرشه لان اصوات الكلاب بدت تقرب
مااستوعبت آيار ودخلت المسجد ببطى وراحت تتوضى ،خلصت وضو وتوجهت للبنات وهي ماسكه خشمها
:الريحه صرعتني!
ضحكت شوق:مالومك
طالعت شيهانه بخوف:شرايكم نصلي مع الرجال؟
ضحكت اشواق وهي تدفها:اقول اذلفي صلي بس
,
<<عند العيال>>
خلصو من صلاتهم وجلس مصعب بجانبهم:حسبيي الله عليكم يا رائد وصالح
ضحك صالح:وشسوينا؟
طالع مصعب فيهم ووسع عيونه:حاطيني مع شياب وكل واحد يقول قصايد مو مفهومه ومارين من جنبنا وحاطين اغاني
ضحك رائد:الله يعينك هههههههههه
سمعو صراخ فهاد:يامصعب قم شغل السياره
قام مصعب وهو يطالع في رائد وصالح بحقد وصالح ورائد ميتين ضحك
،
خلصو صلاه وتوجهو كل واحد لسيارته مشت اشواق بتركب السياره ومسكت دلال ذراعها:ابعدي بركب
وسعت اشواق عيونها بصدمه وجت دلال بتركب وسحبت اشواق ذراع دلال بقوه:هي هي على وين ارجعي
مكان ماجيتي
طالعت دلال في اشواق بحقد:بكيفي وبركب ومالك حق توقفيني
سحبت دلال ذراعها من يد اشواق وطالعت اشواق ورجعت اشواق تسحب ذراع دلال وقفتها بعيد عن السياره
وطالعت فيها:مافي ركوب لك
طالعت دلال فيها:تقدر ديما تطلع
رفعت اشواق حاجبها:لا حياتي تخسين ديما تطلع انتي مالك مكان من الاساس ف ارجعي مكان ماجيتي
مايمدي دلال بتفتح فمها الا تنطق اشواق باستفزاز :يلا حياتي صلوحي ينتظرني بالسياره لا اشوفك حياتي
وسعت دلال عيونها بغيره وهي تشوف اشواق تلف بظهرها ومو معطيتها اهتمام شدت دلال على عبايتها بقهر
وتوجهت لسياره راكان تبكي وتتوعد باشواق:والله مااعديها
،توجهو الكل وركبو سيارتهم وحركو...
-

اعذروني على آي خطأ إملائي من غير قصد...

تفاعلكم🐆‼️

تيك: a.oeq1
انستا: s__4772