وأنا فِي مَوج حُبك شراع يتهادىٰ

البـارت التِاسـع والثلاثـون

—

رائد بخـوف : جاك شيء لمسـك الكلب عماد
شـوق : لا ما صار لي شي ، انت ارتاح الحين
جاء رائد بيرتفع ويجلس لكن كتفه المصاب اشّتد عليه
فزت شوق من حست بحركته وأنه تألم
مسكت كتفه وناظرت فيه بنظرات عجز يفهمها من لمعت عينها : قلت لك لا تتحرك بيعورك كتفك الحين
رائد وهو شاد على اسنانه وعيونه على يدها الي ماسكته : جوالي وينه بـ اتصل على امي
حست شوق على نفسها وسحبت يدها وبارتباك : مع ديما الحين بتجي
كملت شوق : كنت السبب بالي صار لك اسفه
طـالعها رائد بنظرات هي فهمتها بس تستغبي فيها وابتسم ابتسامه هاديه : تتاسفين ليه ماسببتي شيءٍ السالفه ماتخصك
،،،
عنـد صـالح الي راح لـ عادل وهو يسرع في خطواته
كان عادل واقف مع بعـض المتدربين
صالح بهدوء عكس الي داخـله : دكتور عادل ممكن شوي
استأذن عادل من المتدربين واتجه لصـالح : هلا صالح صاير شي
صالح بفرحه : رائد صحى تعال معي
عادل بنفس فرحة صالح : اسألك بالله
صالح : اي والله
٫٫
فـي نفس اللحظة كانت اشواق تدور على ديما إلى ان لقتها مع عهد ورغد
اشـواق بتمثيل للخوف : ديما
لفت عليها ديما وخافت من نبرة صوتها : وش صاير
اشواق : تعالي شـوي
ديما : استأذنكم بنات
عهد : خذي راحتك
اتجهت ديما لـ اشواق : تكفين لا تخوفيني وش صاير
اشواق وهي مستمره تمثل : رائد
ديما الي جاها هبوط : شفيه رائد
اشواق : خلينا نروح للجناح بسرعه
راحت ديـما تركض ووراها اشواق
٫٫
دخل عادل وصالح عند رائد
وقفت شـوق وراحت جنب صالح
واتجه عادل لرائد وبـ ابتسامة حضنه بشويش: الحمدلله على سلامتك يا وحش خوفتنا عليك
رائد وهو يبادله الحضن : الله يسلمك ويعافيك
عادل : ها كيف صرت وش تحس فيه
رائد وهو يضغط على نفسه : عوار خفيف
عادل : ما عليه مع المسكنات مارح تحس بإذن الله
فجأة انفتح الباب بقوة ودخلت ديما تدور رائد بعيونها ووراها اشواق الي وقفت جنب صالح ومبتسمه
ديما الي انصدمت ان رائد صاحى نزلت دموعها لا ارادياً وقالت بصوت مبحوح : رائــد !
ابتسم رائد من شافها وقال بصوت تعـبان : عيون رائد
قعدت تبكي من سمعت صوته تقدمت متجاهله وجود الموجودين كلهم وحضنته بقوه
نزل راسه عادل وصد : صالح أنا بطلع إذا احتجتوا شي تعرف مكتبي او اتصل فيني
صالح : ما قصرت
طلع عادل وهو يفكر فيها ونبرتها كيف تغيرت وبكائها على اخوها
٬٬
تـألم رائد من شد ديما له مع ذلك بادلها الحضن بيد وحده لان يده الثانيه متصاوبه ولا يقدر يحركها: ليش الدموع ياعيون اخوك انتي شوفيني قدامك حي
ديما وهي تبكي بشكل يوجع وتشهق بسبب خوفها عليه والي كتمته : خفـ...ت عليك خفت يروح سندي وصـ...ديقي
صالح : شوي شوي عليه يا ديما ترا توه على العمليه
اشواق وشوق الي قلبهم عورهم من المنظر واشروا على صالح يطلعون شوي
صالح : يالله ما تشوف شر ياعيـن أخوك إذا احتجت شي ترانا تحت في الكافتيريا اتصل علي واجيك
طلعوا صالح وشوق وأشواق
ديما بعد ماابتعدت من حضن رائد جلست على السرير
مسك يدها رائد : امسحي دموعك ما احب آشوفك لا انتي ولا ديم تبكون
ديما بعد ما خف بكائها : لو تدري ايش عشنا خلال الأسبوعين كنت احاول اقوي نفسي عشان امي وابوي وديم لكن من داخلي خايف انه يفقدك
رائد وهو ماسك يدها وابتسم يطمنها : كل شي عدا وهذا أنا قدامك بخير
ديما : الحمدلله
رائد بتغيير للجو وهو يلعب بشعره : كأن شعري صار طويل
ديما : ودي اسوي لك زي زمان تسريحات وش رأيك
رائد بضحك : خليها في القصر لان بيجون هنا رجال ولا دكاتره تبينهم يشوفوني مجدل شعري
ديما الي تغير جوها تماماً : في القصر تعرف جدي وش بيسوي فيـه ولا ناسي هههه
رائد : لا ما عليك بلبس كـاب مارح يشوف شعري
ديما : إي أنا صدقت نفس كلامك اول هههههه
رائد بـ ابتسامة هاديه : اي كذا اضحكي جعل ما يضحك غيرك
ديما : لا تخوفنا عليك مره ثانيه
رائد : ان شاء الله
''
عنـد الثلاثـي الي نزلو للكافتيريا
وجلسوا على احد الطاولات
شوق : قطعت قلبي ديما كانت كاتمه طول الوقت ما تبي تبين لنا
اشواق : اي والله ياعمري الله يخليلهم رائد
صالح : حتى رائد يوم شاف اخته كيف كأنه مافيه شي وما يبي يبين لها تعبه
شوق وهي تناظر في صالح : كذا الإخوان
صالح الي كان جـالس على الكرسي بين أشواق وشوق ودخلها تحت جناحه : ياعين اخوك انتي
اشواق بمزح : يا الحبيب ترا عندي مشاعر انا
شوق بضحك : تغارين على صلوح
اشواق بمزح : وليش ما أغار
شوق بضحك : هههههه ما ألومك الصراحه كل ذا الجمال وما تغارين مالك عذر
اشواق بمزح : وين عزيز روحي بس
صالح بـ إستغراب : مين عزيز روحك
اشواق : عبدالعزيز نناديه عزيز الروح ، ذكرتوني فيه من زمان ما كلمته
شوق : الي قلتي انه اخوك صح
اشواق : ايوا ، شكلي بدق عليه الحين
؛؛؛؛
٫ فِـي الريـاض ٫
في بيت حصة ام عبدالعزيز
كانـوا انهار وميان جالسين في الصاله مع امهم يتقهوون
انهار : وينه عزوز ليش ما ينزل يتقهوى معنا
حصة : قال شوي وبينزل
ميان : ماش عزيز ماعد يجلس معنا زي اول
حصة : انتم لا تضغطون عليه تراه قاعد يحاول يفضى عشانكم بس أبوكم مخليه ماسك كل الشغل معامله زي المكينه الله يهديه
انهار : وبابا من جدّه يخليه يشتغل ليل نهار
حصة : وش نسوي المهم إذا جلس لا تضغطون عليه
ميان : تمام
في غرفة عبدالعزيز الي كان توه طالع من دورة المياه متروش ولاف على خصره المنشفه
متجه غرفة التبديل لكن سمع صوت جواله وهو يهتز اخذه وشاف المتصل اشواق
عبدالعزيز: يأهلا باللي نست اخوها وصديقها وكاتم اسرارها
اشواق : هلا فيك ورا ما ترد على جوالك لي نص ساعة وانا اتصل وما رديت
عبدالعزيز: كنت اتروش وبعدين تعرفين الجوال كان مصمت
أشواق بشبه عصـبيه : كم مره قلت لك لا عاد تصمت جوالك يمكن يصير شي لا قدر الله
عبدالعزيز بضحك : انتي داقه تهاوشين ولا داقه مشتاقه
أشواق : لا داقه مشتاقه بس انت الله يهديك
عبدالعزيز: شخبارك أشواقي شخبار صالح عسى ماهو مضايقك
أشواق : بخير الحمدلله ، لا مهو مضايقني بالعكس وتراه يسلم عليك
ابتسم عبدالعزيز : الله يسلمه ، وش ذكرك تتصلين علي
أشواق : مدري كذا اشتقت الكل ذكر اخوه وانا ذكرتك
عبدالعزيز : ياجعلني فداك والله ، اي متى بتجين للديره ترا اشتقنا لك ولسوالفك ولطلعتنا اللي من ورا خالي للعزبه
اشواق : والله حتى أنا اشتقت بس مدري بشوف صالح وش يقول
عبدالعزيز بضحك : صرنا نأخذ رأي احد بعد ما كنا نسوي اللي برؤوسنا
أشواق بعصبيه مزح : اقول انت فاضي تطقطق علي
عبدالعزيز : اقول تعالي بس ولا جيتك أنا واخذتك
أشواق : طيب يالله باي وسلم لي على عمتي والبنات وقول لهم اني مشتاقه لهم مره
عبدالعزيز بحنيه : يوصل يالله مع السلامه وأنتبهي على نفسك واذا بغيتي اعرفي ان عندك أخ تدقين عليه
أشواق : ابشر
سكرت اشواق من عبدالعزيز ولبس ونزل لهم تحت
انهار بعصبيه : كان قعدت فوق أزين القهوة خلصت
عبدالعزيز : شفيك معصبه طيب
حصة : بنت انهار شفيك
ميان : انهار معها حق عزيز يا في الغرفة ولا في الشركة مافي حل وسط
حصة بعصبيه على بناتها : أنا وش قايله لكم قبل شوي
جلس عبدالعزيز وهو مروق بعد مكالمة اشواق : خليهم يمه يعصبون معهم حق والله بس ترا تأخرت فوق كنت اكلم وحده
ميان : أي أنا أقول هذا الروقان مو جاي كذا من الله
لفت عليه حصة وبحده وهي ناسيه ان عبدالعزيز قال لها لحد يدري اني بخطب حالياً إلا إذا جينا الديره : من الي تكلمها ياللي ما تستحي هذا وانت قايل لي اخطبي لي امحق صدق
انهار : هدوا عليه وبعدين عبدالعزيز وينه وين البنات عشان يكلم
أعتدل عبدالعزيز في جلسته : أشكرك يا اختي العزيزه انتي الوحيده الي وقفت معي شفيكم لا إله إلا الله وهي صادقه انهار من متى اكلم
كمل عبدالعزيز : يمه الله يهديك تتوقعينها مني
حصة : وش دراني خفت من كثر طلعاتك ان عيال بليس خربوك
عبدالعزيز : الله يهديك ماني طفل الكل يلعب بعقلي تراني تكّانه
ميان : مين الي كلمتك طيب
عبدالعزيز : اشواق وتراها تسلم عليكم وتقول اشتاقت لكم بعد
حصة : الله يسلمها ويخليها وينها هي ماعد كلمتنا
عبدالعزيز : مشغوله بالجامعة وحياتها
انهار : متى بتجينا ترا وحشتنا مره
ميان : اي صدق متى
عبدالعزيز : بتحاول في صالح يجون للديره
كمل عبدالعزيز وقال : ما دامكم شايلين في قلبكم علي جهزوا شنطكم بنروح للديره وبعدها يمكن اسفركم لأي مكان ودكم فيه بس لازم نكون بديره عشان خالي قال لازم تجونا
انهار بحماس : منجدك عزيز ولا تصرفنا
عبدالعزيز بضحك : لا صدق بالله اخلصوا لان بنمشي بكره الصباح
ميان : ياقلبي يا عزيز شكراً
عبدالعزيز : اقول قومي مابينا ، واحسبو حساب الجو يمكن برد يمكن حر
قاموا انهار وميان بحماس وراحو يجهزون شناطـهم للسفر
لف عبدالعزيز على أمه : يمه بغيتي تفضحينا أنا ماقلت لك عشان تقولين لهم الحين
حصة : نسيت وبعدين انت الله يهديك احد يقول لامه كلمت وحده أكيد بشك
عبدالعزيز بضحك : الله يهديك
حصة : ليش ما تبي تعلم خواتك عن أخت أشواق شيهانة
عبدالعزيز الي قعد يمسح على لحيته : لان يمكن البنت تجي للديره وأعرفهم خواتي بيقطون نغزات على البنت وما ابغى يصير كذا وبعدين أنا بعلمهم بس إذا جينا الديره بأخذهم هم وأشواق وأعلمهم
حصة : أجل أنا بقوم اجهز شنطتي بعد
قامت حصة تجهز شنطتها وقعد عبدالعزيز في الصالة يفكر فيها يوم ركبت معه السياره ويوم حط الصحن وشافها معقوله هذي بشر مو ملاك يا سبحان الي خلقها
تذكر عبدالعزيز انه لازم يكلم صالح يجيب اشواق للديره اتصل عبدالعزيز على صالح
٬٬
فِـي الخبـر في المستـشفى
بعد ما قفلت أشواق من المكالمه ورجعت تجلس معهم كملوا سوالف وطلعوا لـ رائد فوق
كانت ديما مازالت جالسه عند رائد وتسولف معه وش صار في هذي الأسبوعين
رائد بصدمه : متأكده انها أسبوعين مو شهرين
ديما : بسم الله عليك
رائد : لازم اجل ندق على امي وابوي
انفتح الباب ودخلوا صالح واشواق وشوق
شـوق بمزح : ما وراك دوام انتي
اشواق بضحك : لازم نكلم دكتورك يجي يسحبك مع أذنك
ديما الي ناظرت في الساعة وانتبهت ان لها ساعة جالسه عند رائد : يووه تأخرت واليوم آخر يوم للتسليم ملفات المرضى
شوق بضحك : هههه الحقي قبل يخصم عليك
ديما : شوقوه اركدي ، يالله مع السلامة رائد شوي واجيك أصلاً مع البنات ياويلك تسوي حركات بايخه
رائد بضحك : وش بسوي مثلاً تراني تعبان هنا مريض
صالح : بسم الله عليك من المرض مافيك إلا العافيه
طلعت ديما للاستقبال كانوا البنات عهد ورغد جالسين هناك على الكراسي يراجعون الأوراق
عهد : يا هلا أشوف الوجه منور
ديما وهي مبسوطه : الحمدلله
عهد : ترا خلصنا جناح واحد أنا ورغد بقى اثنين
ديما : ياقلبي شكراً خفت انّ ما نخلص
٬٬
فِـي الشـركة
بعد ما شربوا العيال قهوتهم وقاموا
مصعب : راكان روح قول لاخوانـي انّ بنطلع لـ رائد وخلي السكرتيرين يجبون لهم الأوراق حقتنا الي خلصناها بننتظرك في السيارة
راكان : طيب
طلعوا العيال بسياراتهم لكن ما تحركوا ينتظرون راكان
بعد خمس دقايق جاهم راكان وركب مع مصعب واتجهـو للمستشفى
٫٫ بعد ربع ساعة وصولوا ونزلوا كلهم مع بعض
راكـان : مو كأن هذي سيارة صالح
تميم : الا هي اكيد جاي يزور رائد
هتان : وش جاب الجوهرة مايباخ هنا
مصعب : ماخذتها شوق
راكان : يالله ندخل
دخلوا الاربعه مع بعض واتجهـو للدور الي فيه رائد
كان قدامهم في الدور ديما وهي جالسه على الأوراق ومعها عهد ورغد
مصعب : ديما
رفعوا كلهم رؤوسهم وقعدوا يناظرونهم
تميم الي مسك يد هتان وهمس : يمه شفيهم الي معها يناظرون فينا كذا
هتان بضحك : معجبين
تميم : تخوف نظراتهم
راكان : اسكت انت وياه
جتهم ديما : هلا مصعب
مصعب بـ ابتسامه عذبه : اشوف الوجه منور جعله دوم
ديما وهي تبادله الابتسامة: رائد صحى
راكان : اسألك بالله
فز تميم : صادقه ولا تمزحين علينا
ديما بضحك : لا والله صاحى
راحوا تميم وهتان يركضون زي المجانين
اما راكان كان اهم شي عنده هيبته ما تروح قعد يمشي بسرعه
مصعب قعد يضحك على اشكالهم : يالله هذي أشكال واحدين كبار الحمدلله والشكر
ديما : هههههه انت لو المستشفى فاضي سويت زيهم
مصعب : اقول انتـي ما وراك شغل توكلي كملي شغلك
٬٬ عند رغد الي كانت تطالع فيهم وهي منقهره
عهد : انتبهي لا تطلع عيونك بس كملي شغلك واتركي البنت في حالها
رغد : انتي ايش دخلك وبعدين مو معقوله تسولف معه وتضحك كذا وليش ما تعرفنا عليهم نستفيد احنا بعد
عهد بعصبيه : استحي على وجهك إذا انتي اهلك ما عرفوا يربونك فـ أنا وحده متربيه واستحي من الله
رغد : أووه مسويه عندك كبرياء لو جاك واحد طحتي على وجهك
عهد : انتي شكلك تبيني ادعسك هنا
رغد : اقول خلينا نكمل يا ام كبرياء ابي افتك منكم
جتـهم ديما وهي تضحك
عهد : ديما خلينا نخلص بسرعه ترى انفقعت كبدي
ديما بأستغراب: يالله مشينا
قاموا كلهم للجناح الي قبل حق رائد
~~
٫ فِـي جنـاح رائـد ٫
كان صالح جالس يسولف معه وأشواق وشوق جالسين يسولفون مع بعضهم
فجأة الباب انفتح بشكل يفجع ودخلو مع بعض هتان وتميم مدرعميـن ووراهم راكان يمشي بهدوء
فزت شوق من مكانها : وجع احد يدخل كذا
اشواق : فجعتونا
تميم يتلفت برجفـه : وينه رائد
رائد وهو يأشر بيده السليمه : ياطيب كل هذا الطول وما تشوفني
ضرب هتان رأس تميم
صالح بعصبيه : مهبل انت وياه احد يدخل كذا ماش عقل
رائد بضحك : قلت شي جديد يعني
دف تميم هتان واتجه لـ رائد يحضنه
هتان الي تمسّك بالجدار بسبب دف تميم له : وش ذي اليد وجع لصقتني بالجدار حسبي الله
شوق : صدق الحمدلله وشكراً مجانين
تميم الي حضن رائد بقوه تألم رائد منه
ضرب صالح كتف تميم بقوه : ورع بعد عنه ولا تبي تخلع كتفه الثانيه
تميم وهو ما زال حاضنه وباستهبال : أووه خلوني من زمان عن رورو
عقد رائد حواجبه : اعقب وش رورو بعد
هتان بضحك : شكله اسمك الجديد
صالح : كل هذي الشنب واللحية و رورو طاحة هيبتك وانا اخوك
تميم وهو ما زال يستهبل فوق راس رائد : رورو اشتقنا لك مره الي عندي نفسيات
راكان : عاد انت بذات لا تتكلم عن الفله ورع ويتكلم
تميم وهو يأشر على العيال كلهم : شفت رورو كيف يتكلمون معي
رائد : فكنا من رورو وتزين امورك ولا اصف معهم
صالح : وين مصعب
رائد : اي وينه حبيب القلب
دخل عليهم مصعب وهو فاتح يدينه ومتجه لرائد يحضنه : يا هلا ويا مرحبا و يا مسهلا بولد سطام حبيب قلبي الحمدلله على السلامة
رائد بضحك : الطيب عند ذكره يأهلا والله بـ مصعب
حضنه مصعب وهو صدق مشتاق له
تميم : أووه لو تشوف مصعب خلال هذي الأسبوعين كيف كان قسم بالله ما تقول مصعب الخبل ما غيره
لف عليه مصعب شمّر اكمامه وبحده : اعقب من الخبل
تميم بضحكه ربكه : أنا الخبل
قعدوا يضحكون على تميم
رائد : اي وش سوا مصعب
لفت أشواق لـ صالح وقالت له بيطلعون شوي
طلعوا شوق واشواق برا الغرفة وجلسوا عند الكراسي القريبه من الجناح
اما داخل الجناح قعد يكمل لهم وش سوا مصعب ووقفاته معهم
مصعب : خلاص سكروا الموضوع وبعدين إذا ما وقفت معكم مع مين بوقف
هتان : اخس جنتل مان
رائد بـ ابتسامه هاديه : مو غريبه على مصعب
راكان : ياولد شعرك صار طويل لازم له قص
رائد : اقول توكل مارح اقص
صالح بضحك : بيقصه لك جدي فهاد
رائد : يا عيال ما ابغى أقص أبيه كذا بعدين أقصه اصلاً مارح اخليه يطول اكثر من كذا
هتان : اي نشوف عاد من الي يقدر على الثاني الجد فهاد ولا رائد
مصعب : متأكد انه ابوي
٬٬٬
عنـد ديـما وعهد ورغد الي بعد ما خلصو من الجناح الثاني بقى اكبر جناح الي هو حق رائد
رغـد بغرور : هيه انتي وياه الجناح الآخير علي انتم شوفوا الأوراق ولحد يجيني
ديما بعصبيه : خير ان شاءالله وش تدورين في الجناح الأخير
عهد : مريضه انتي بنخلص شغلنا كلنا مع بعض
رغد بصراخ على ديما : انتي بذات تسكتين ترا كلنا ندري انك حقت شباب لا تسوين فيها النظيفه والمحترمه قدامنا
ديما بصدمه : وش تقصدين يا قليلة الأدب
رغد وهو تلعب بخصلات شعرها : مسويه مسكينه والعيال المزز الي كل شوي جايينك ويسولفون معك عبالك ما نشوف
عهد بعصبيه : كلن يرا الناس بعين طبعه
رغد : محد كلمك انتي لا تسوين فيها تدافعين عن وحده وصخه وراعية شباب
ديما الي في هذي اللحظه انفجرت شّمرت أكمامها : لا انتي يبي لك من يربيك
مسكت ديما شعر رغد وبدت تسحب فيها بلاط المستشفى
ورغد تصارخ لكن ما استسلمت لـ ديما وسحبت طرحتها وسحبت شعر ديما معها وعهد تحاول تفرقهم
ديما وسط الهواش : أنا بنت سطام ما تربيت وحقت عيال والله لأعلمك ان الله حق
عهد بربكه هي تفرقهم : خلاص ديما استهدي بالله
رغد وهي تسحب شعر ديما : اي حقت عيال وما تربيتي بعد
انتبهو لهم اشواق وشوق وفزوا من مكانهم ، شهقت شـوق : هذي تضرب ديما !!
ركضـت اشـواق : اي والله سحبت حجابها اوريها
شّمروا شـوق واشواق اكمامهم ورفعت شوق طرف عبايتها
اشواق الي داهمت بقوه وضربت معها فزعه : انا بنت سليمان والله ما أخليك يا الحيه تضربين بنت خالي
شوق بصراخ : والله ما عاش من يغلط على وحده منّا
دخلو شوق واشواق في الهوشه وبدوا يسحبون في رغد يلفون فيها بلاط المستشفى وعهد الي تصارخ عليهم انهم يوقفون
طلعوا الناس من الصراخ ، والي بالممرات تلفتو للهوشه
بعدها طلعوا العيال من جناح رائد على الصراخ
مصعب بصـدمه : هذولا بناتنا ولا أنا غلطان
راكان بشبه عصبيه : لا بالله مو غلطان
تميم وهو كاتم ضحكته : هذولا شوق وأشواق وديما
صالح الي بدت تفور نيرانه وبصراخ : خير ان شاء الله وش قلت الأدب ذي
جاء وراه عادل وشاف منظر البنات الي هم فيه : خير وش صاير
صالح بعصبـيه : مو صاير شي
لف صـالح على الناس الي تجمعوا وبصوت عالي : خير انتهت المسرحيه كل واحد ينشغل بنفسه
بعد ما فكو البنات بعضهم ورتبوا اشكالهم
عادل بعصبيه وهو مو مستوعب : الكل على مكتبي بسرعه هذا مستشفى مو مكان للفوضى
مصعب وهو يحاول يضبط الوضع : روح لمكتبك واحنا جايينك
عادل وهو يأشر على عهد ورغد وبعصبيه : قدامي انتم الثنتين بسرعه
راح عـادل متجه لمكتبه ووراه عهد الي متفشله من نفسها ورغد الي شعرها منتفش وما همها احد بس تبي تأخذ حقها من ديما
صالح لـ اشواق وشوق وديما وهو يحاول يكتم أعصابه: قدامي على جناح رائد بسرعه
رتبوا البنات شكلهم ومشوا قدام صالح والعيال ورا صالح
تميم بهمـس : والله أكلوها البنات
راكان بنفس الهمس : اسكت لاتصير معهم
دخلوا للجناح
رائد الي يحاول يعتدل في جلسته : خير وش صاير
صالح بـ انفعال : بناتنا ما شاء الله محترمات لدرجة يتهاوشون في أسياب المستشفى
رائد بصدمه : تقولها صادق
راكان : ما حسبتوا حساب انكم حفيدات فهّاد وان المستشفى لنا و آل نايف صاحيات انتم فيكم عقل
اشواق بغرور : وما دام ان حفيدات فهاد يخسون ويعقبون يلمسون لنا شعره
شوق بـ تنفعال : تبونا نشوف ديما تنضرب ونسكت لا والله ترانا مو هينات
صالح الي عروقه برزت وهو شّاد عليها من الغضب : انتم تدرون على ايش متهاوشه ديما اصلاً
تبدلو النظرات بين شوق واشواق وماتوا ضحك
قعدت تناظر فيهم ديما وتضحك معهم
رائد بصـدمه : هذولي شاربات شي
تميم : شكلهم سكرانات
راكان : واضح ما يدرون وش سبب الهوشه
صالح وهو يتمالك اعصابه من الفشله الي صارت : ديما وش السالفه
ديما : كلنا جالسين نراجع الأوراق حقت المرضى إلى ان جاء مصعب وناداني والبنت اشك انها معجبه في راكان ومصعب
لفوا مصعب وراكان على بعضهم بـ استغراب
وكملت لهم ديما السالفه
رائد بانفعال ناسي جرحه : والله ماعاش من يدخل في شرفك
شوق بتفاخر : شفتوا ما تدخلنا عبث
مصعب : انت هد يا رائد واحنا بنروح لـ عادل هم في مكتبه
راكان : تميم اقعد عند رائد
تميم : احس ودي اشوف الي بيصير
هتان بصوت خفيف لـ تميم : اجلس وبصور لك الي يصير
—-