وأنا فِي مَوج حُبك شراع يتهادىٰ

البــارت السادس والثـلاثـون

—

رائد : مايحتاج تشرح لي فهمت
مصعب : واضح
قربوا من مخيم الحريم وهد نـواف شوي
تميم بصـراخ: ولد ليش تهدي صاحي انت
نواف : هم ورانا بواجد ما عليك
فارس : والله بيسبقونا
كان البقي الي فيه صالح والعيال وراهم بمسافه
فجاءة ما يشوفون الا غبار قوي هـب عليهم
تميم بصراخ : والله اني داري ااادددععسسس
فز نواف من صارخهم ودعس بـاقوى وصار المكان كله غبار لكن ما يقدر يلحقهم لانهم تعدوه 
وصلوا صالح ورائد ومصعب لخط النهاية قبلهم ونزلوا وفكوا اللثمه وقعدوا يضحكون على ردت فعلهم
—
عند البنات الي كانوا جالسين برا وقاعدين يلعبون لعبة الا
فجاءة قلبت جلستهم كلها غبار وسيارتين صغيره شطفت من عندهـم بسرعه
شوق وهي تكح : وش ذا الي جنا
اشواق بتمعن وهي مغطيه على وجهها من الغبار: هذول صالح والعيال يتسابقون
شوق : خير ان شاء الله مالقوا الا يجون من عندنا ارض الله واسعه
ولاء : شكل خط النهاية بوابة المخيم
غادة : خلونا ندخل كتمونا
ديم : لا والله ما ندخل الجو حلو هم الي غلطوا علينا وخربوا جلستنا
اشواق : الحين بيرجعون بعد خلونا ندخل الاكل على الاقل
—

عنـد العيـال
وصلوا نواف وفارس وهتان وتميم
تميم بعصبيه : والله انكم غشاشين
صالح بضحك : ليش وقفتوا انتم من الاساس احنا ما غشينا
لف فارس  : ماندري عن السواق
نواف : مبروك الفوز بس بقى الرجعه
صالح : بنرحمكم ونخليكم تفوزون
فارس : لا ما نحتاج رحمتكم يرحمنا ربي بس هذي المره السواق انا مو نواف
نواف : اصلاً ابي اريح
صالح : مادامكم بدلتوا السواق اجل رائد بتسوق انت
رائد : اجل تجهزوا للخسارة
فارس : مانعرف الخسارة احنا
رائد بثقه : بتعرفها بعد السباق اجل
مصعب : يالله اركبوا وخلوا الكلام نبي فعل
ركبوا وتلثموا
مصعب بصوت عالي : 1...2...3
انطلقوا كلهم وهل مره كان السباق حامي في البداية كان في المقدمه فارس بعد ما قربوا من مخيم الحريم صار في المقدمه رائد ودعس باقوى ما عنده وبحركة مّرنه قدر يتجاوز فارس
صار المكان كله غبار ماعاد يشوفون فارس والي معه
نواف : يا ولد شكلي انعميت ما عاد اشوف
تميم : حتى انا ماعاد اشوف ياربي لايكون انعميت
هتّان : لا تبالغ انت ويها كله غبار والحين ادعس يا فارس لا يفوزون علينا مره ثانيه
دعس فارس بـاقوى ما عنده لدرجه قرب من عندهم
صالح : رائد ادعس لا يفوزون
رائد بضحك :ما عاش الي  يفوزون علينا
مصعب : والله شكلهم بيفوزون واحنا بنقعد وراهم
رائد : لا تحاول تشكك في قدراتي
صالح لـ مصعب : في خطه في راسه واضح
دعس رائد بقوة وحاول يشتت فارس بالغبار
نواف بحلطمه : انا رسمي انعميت ماعاد اشوف لا ياربي امي ما عندها غيري
تميم : عيوني امتلت تراب
هتّان: ترا كلنا امتلت عيوننا بس انتم زودتوها بكلامكم
كان فارس يسوق وهو شّاد حيـله ومركز لا يتشتت
وصلوا قبلهم رائد وصالح ومصعب ونزلوا 
مصعب : مو هين والله
رائد بثقه : قلت لك لا تستخف بقدراتي
صالح : ما قصرت صدق
وصلوا بعدها على طول فارس ونواف وتميم وهتان
نزل فارس بـ ابتسامه واتجـه لرائد وحضنه  :مبروك الفوز
شد عليه رائد عليه : الله يبارك فيك
تميم : هيه ترا خصمنا ذول
فارس : رائد اخوي الي ما جابته امي انا وهو حتى لو هو خصمي اذا فاز كاني انا الي فزت
رائد : والله انك اخوي الي ما جابته امي يشهد علي الله
تميم بنـقد : خلصنا من رومانسيتكم امشوا ندخل جوعان
مصعب بضحك : طول عمرك همك بطنك امش يالله
تميم : اقرب صديق للأنسان بطنه
هتّان : لا تقعد تتفلسف علينا
دخلوا عند الرجال وجلسوا
ابو علي: ها مين الي فاز فيكم
فارس : فازوا رائد وصالح ومصعب
ابو علي : لازم فيه جائزه
فهّاد: شرايك يا محمد وش جائزتهم
ابو علي : اعفاء من الشغل اليوم كله والفطور بعد
اتسعت ابتسامه رائد الي طار من الفرحه
تميم : ناس تتهنى وناس تتمنى
نواف بحلطمه : ما احب قومت الصبح هم بكره نايمين واحنا نكرف في ذا الفطور
هتّان باستهزاء : كله منك اجل ما عليكم انا اعرف بنفوز
فارس : خذوها بصدر رحب
تميم : اذا قوموك الصباح مو الصباح عاد لا الفجر هاك الحين قول صدر رحب
مصعب : الحمدلله يارب تجيك احلى نومه
راكان : الحين انا معكم ولا معهم يعني انام ولا اسوي الفطور
صالح : الي ودك
تميم : لا ياحبيبي وش الي ودك معنا انت واحمد وعادل
احمد بضحك : طيب معكم بس هد شوي
راكان : انتبه لا يطق فيك عرق
تميم بتجاهل لهم : غداكم ما خلص
عادل : الا خلص قوموا حياكم
ابو علي قام : يالله قوموا نتغداء
قاموا الرجال بيتغدون ...
—