اللهم صلي وسلم وبارك علي سيدنا محمد وعلي آله وصحبه اجمعين
وقفت امام المرآة تعدل من هيئتها بملل وقامت بوضع الكثير من مستحضرات التجميل(المكياج) واخرجت القليل من شعرها خارج حجابها واخرجت ما يسمي بال(روج) وقامت بوضع القليل منه علي وجنتها ليعطيها اللون الاحمر لوجنتها
دخلت والدتها الغرفة
"صباح الخير يا حبيبتي" قالتها والدتها بحب وحنان
التفتت اليها "صباح النور يا ماما"
صدمت والدتها من مظهرها
"ايه اللي انتِ عملاه في وشك ده" قالتها والدتها بانزعاج
قامت بوضع يدها علي وجهها بتفحص"ايه اللي انا عاملاه ده ميكب يا ماما عادي بيخلي الشكل احلي "قالتها مَدين باقتناع
" لا شيلي البتاع اللي علي وشك ده عاملة زي البلايتشو انتي جميلة من غير كل ده"قالتها والدتها بحنان
"اه ما انا عارفة اني جميلة طبعا بس ده بيزيد جمالي ايه يعني لما احطه ما بنت خالاتي بيحطوا عادي اشمعنا انا" قالتها مَدين
"مليش دعوة ببنات خالاتك ليا دعوة بيكي انتِ مش اي حد يعمل اي حاجة نقلدها" قالتها والدتها بغضب
"ماما لو سمحتي سبيني اعمل اللي انا عايزاه انا كبرت وبقيت اولي جامعة" قالتها مَدين بهدوء
قربت من والدتها وقبلت وجنتها
"ماشي يا مَدين هسيبك المرادي عشان اول يوم كلية وكدة" قالتها والدتها
"ماشي يا احلي ام" قالتها مَدين بفرحة
واخذت حقيبتها وقبل ان تخرج سمعت والدتها
"خلي بالك من نفسك واول ما توصلي كلميني لا اله الا الله"
"محمد رسول الله" قالتها بفرحة
خرجت من المنزل لتسير بفرحة كانت نظرات الشباب اليها اعجاب واضح وفي من ينظر اليها وهو يتفحص جسدها
"كلهم معجبين بيا المكيب جاب نتيجة اهو" قالتها بسرها بفرحة
وصلت الي الكلية كلية الاقتصاد والعلومالسياسية كلية تحلم بها تحقق حلمها اخيرا
هاتفت والدتها لتطمئنها
دخلت الي الكلية ظلت تتفحص الكلية بأعينها ولكن هي تايهة لا تعرف اي شخص هنا لا تعرف اين تحضر المحاضرة
اقتربت منها فتاة شديدة البياض فاتنة حقا
"شكلك سنة اولي لسة" قالتها الفتاة بهدوء
التفتت تنظر اليها باستغراب"ايوة فعلا سنة اولي عرفتي ازاي"
"سنة اولي بيبان عليهم علي طول بيبقوا تايهين زيك كدة ومش عارفين فين مكان المحاضرة" قالتها الفتاة
