وقفت امام والدتها بكل صمود وقالت
"عايزة اقلع الحجاب" تنظر لوالدتها بملامح باردة
"نعم ياختي حجاب ايه اللي تقلعيه" قالتها بغضب واستنكار
"عايزة اقلعه فيها ايه"
"ليه إن شاء الله وبعدين انتِ فجأة كدة قومتي من النوم قولتي عايزة اقلعه انتِ مجنونة"
"اقولك ليه بيخفي جمالي يا ماما خلاص" قالتها باقتناع
"طب ما ده الطبيعي انه يخفي جمالك ربنا امرنا بيه لانه بيخفي جمالنا ويحمينا من عيون الناس" قالتها بهدوء
"لا في بنات بالحجاب حلوة لكن انا لا" قالتها بغضب
استقامت والدتها من علي الاريكة واقتربت منها تقول بحب
"مَدين يا حبيبتي انتِ جميلة اوي بالحجاب ورقيقة ومميزة واجمل بنت شوفتها في حياتي" قالتها بحب وحنان
نظرت اليها بحزن وقالت
"ماما طبيعي تقولي كدة لأنك مامتي طبيعي تجامليني بس انا شايفة وحشة بيه" قالتها بحنق
"بس انتِ جميلة اوي بيه" قالتها والدتها بهدوء وحب
"لا انا وحشة بيه مهما قولتولي انتِ حلوة بيه انا شايفة نفسي وحشة بيه خلاص" قالتها بغضب
دخل من الباب في هذه اللحظة معاذ بعد ان استمع الي صراخها
"تعالي يا معاذ مَدين هتجنني" قالتها والدتها بحنق
"في ايه بس يا مرات عمي" قالها
"مَدين صحيت من النوم فجأة كدة وقالت عايزة تقلع الحجاب" قالتها والدتها
"ليه كدة يا مَدين عايزة تقلعيه ليه" قالها بهدوء
"عشان بيخفي جمالي فهمته" قالتها بانزعاج
"عمالة اقولها ما ربنا امرنا بيه عشان كدة تقولي لا مع انها هي اللي قالت زمان ان هي عايزة تلبسه"
قالتها والدتها وهي تنظر لمعاذ
"زمان كنت صغيرة دلوقتي انا كبرت وشايفة نفسي وحشة بيه" قالتها بغضب
"مَدين اهدي" قالها بهدوء وهو ينظر لها بشفقة وحزن علي حالتها
"انت شايفني مجنونة" قالتها بصراخ
"انتِ بتزعقي كدة ليه اتهبلتي" قالتها والدتها بغضب
بينما معاذ اقترب من مَدين وقال
"تعالي يا مَدين معايا نقف في البلكونة شوية وتقوليلي ليه عايزة تقلعي الحجاب" اخذها من امامها
في الشرفة كان يقف ينظر لها بحزن
"في ايه يا مَدين مالك ليه عايزة تقلعي الحجاب" قالها بهدوء
