احبيني أن تجرأتِ

بارت 12

#احبيني أن تجرأتِ

#الكاتبة نجمة

#البارت الثاني عشر

، ، ، ، ، ، ، ، ، ، ، ، ، ، ، ، ، ، ، ،

دخلني للغرفه كال بحده ..

ايهاب :- بعد ماكو طلعة من دون العبايه

ردت اسايره هزيت براسي ..

ايهاب :- عفيه بنيتي

تقرب عليه رفع راسي من حنجي باسني بخدي ..

ايهاب :- رايح اجيبلج ملابس وعبايه ، خوش بويه ؟

ليار :- تتأخر ؟

ايهاب :- اي عندي شغل ويه جماعة

هزيت راسي كال ..

ايهاب :- راح ادزلج الحارس يجيلج اكل ، اني اتأخر

ليار :- تمام
باسني بشفايفي وخرت عنه بسرعه باوع لركبتي ..

ايهاب :- تأذيج ركبتج ؟

هزيت راسي ..

باسني بركبتي ..

ايهاب :- حسبيهة كرصة بگة ، يلا بابا رايح

طلع قفل البيبان عليه .. دفرت الفراش برجلي ولاا اسوي اي شي ولاا انضف ..

كعدت افگر والقراءن ماكدر اعيش وياه ، شخص اكبر مني شخص يقتل شخص غامض اني شلون راح اعيش ..

شوي واحس الباب انفتح .. واحد صاح ..

:- ام عليييي

اشرت بصبعي ع صدري ، انييي انيي ام علييي صدددك يحجون ؟
حطيت الشال ع راسيَ طلعت للمطبخ باوعت من الباب ، باب المطبخ چام من فك باوعتله رجال چبير وحتى لحيته شيب دنك راسه كال ..

- هذِن الغراض دزاهمُ السيد ابو علي

كلتله ..
ليار :- اوگفِ عمو

يحجي وهو مدنك ..

- نعم !!

ليار :- افتحلي البابُ

- لا لا ابو علي منبهني

ليار :- بس اريد اشوف الغراض ؟

- لاا هسه افتح باب المطبخ وادخل الغراض بس ابتعدي ابو علي مايريد عيني تمشي عليج

ليار :- تمام اني راح ادخل وانته فوت

مشيت جوه .. لبدت واني اباوعله فتح الباب ديدخل بلغراض .. صارت عيوني ع الطاوه معلكة ، رحت سحبتهة وضربته ع راسه من وره لزم راسه ، راد يطلع ويقفل الباب دفعته وركضت بره اريد اشررد اريييد اطلع شهلناسس شهلعالم الخره هاي ..

ركضت واني اباوع ماكو احد ماكو بيوت بس البيت الجابني ايهاب الهُ ضليت اباوع وارچف رجل تطك بلثانيه .. باوعت لسيارة الرجال
دخلت للبيت باوعتله واكع ولازم راسه ويصيح ..