#احبيني أن تجرأتِ
#الكاتبة نجمة
#البارت الواحد العشرين
، ، ، ، ، ، ، ، ، ، ، ، ، ، ، ، ، ، ، ،
باوعتله بتوسل وماهتم ذب الچاي حسيت وكف كلبي احس هيج دخل سجينة بكلبي، من الألم اجتلي قوة سحبت روحي من بين اديه وصرخت كعدت بلأرض ابجي وادك بأديه بلأرض ..
- اااااااخ عموووو ايدي ايدي
كمت اطفر وانشغ مثل الطفلة هوه صافن عليه طلعت ارگض الحجية تريد تكوم لكيتها فازه من صريخي كعدت كبالها حطيت ادية بحضنها وكتلها بصياح ودموعي على خدي ..
- عمة عمة ايدي ايدي
هيه ضربت على صدرها وصااحت ..
- ام عديييي لحكييي
ليار :- اااخ أييييييدي عمة حموت حموت
اجت ام عدي انصدمت ..
- ام عدي اخذيهة بردييي ايده
هية كومتني ايهاب عبر مو يمي صعد فوك واني متت اريد شي يهديني ماكو فتحت الفريز وحطيت اديه وابجي واصييح، ام عدي احسها شوي وتبجي طلعتلي عصارة طلعت اديه ودهنتهم بالعصارة باوعتلي ..
- يايمة سودة عليه ادري تأذيچ ادري ربي كون يحاسب كلمن ضلمج يايمة لاتخافين يطيب امشي روحي نامي
بجيت وحجيت من بين كل كلمة اشهك ..
- و والله ما ماكدر انام الألم يأكل بكلبي خاله
بگلبي
اجت الحجية خطيه باوعت لأديه وكالت ..
- امشي يمة امشي يمي نامي اشوف اذا يجي ياخذج
رحت وياها وهيه خطيه تعرج نامت على فراشها اجيت انام بلأرض صاحت ..
- لاا يمة وين نايمة تعاااي ام عدي نزليلها فراش من فوك
اجت ام عدي طلعلتي فراش فرشته حطيت راسي غطتني طفت الضوة بقة كلوب النوم اصفر ضعيف كلش طلعت ام عدي واني اعض بلبطانية حموت يارب وجع وجع ..
للفجر احِس روحي طلعت بعد ماتحملت كمت من فراشي اباوع للحجية نايمة وتشوخر طلعت برة مادريي وين اروح كعدت على الدرج واني كلساع اكوم ألم ياربي شسوي ..
رحت للأستقبال شفت صورة الأمام علي ويمه اليتامة كعدت بلأرض وبجيت ..
- يا أمامي حموت والله حموت حرگ يأكل بكلبي يا أمامي شسوي يا ربي ساعدوني يا ربي
طلعت صعدت فوك فتحت الباب ريحة العطر وريحة جكاير وبارده الغرفة فاتح الشباك المخبل شفته نايم بسابع نومة من ان شاء لله نومة اهل الكبور النامو وماكعدو، كعدت على القنفة طلعت اديه من الشباك واباوع للسمة ودموعي على خدي ينزلون شي ورة شي ..
شهكت هوه كعد رفع شعره وخر الغطه عنه اجه يمي حط اديه على خصرة ..
- دنطيني اشوف مامكتبولي ارتاحِ
سكتت سحب اديه كال ..
- تؤ تؤ خليه عبرة الج حتى تتأدبين
نزلو دموعي ..
- عمو حموت والله حموت ألم ألم
