احبيني أن تجرأتِ

بارت 32

#احبيني أن تجرأتِ

#الكاتبة نجمة

#البارت 32
، ، ، ، ، ، ، ، ، ، ، ، ، ، ، ، ، ، ، ،

تعبت حرفياً من الصريخ ومن العتاب مديت جسمي ع للأرض ودموعي ينزلون، عصرت فستاني واني ألوج على أبني، اسمع هوستهم وحفلتهم قسم بالله أشرد واهج منكم وأرتاح..

حسيت يدة الباب ترفع وتنزل كمت بسرعة ..
- لج ليار اني زهراء

- فتحيلييي الباب

- ترة علي اخذوه يطهرونه

غمضت عيوني كلتلها..
- أختنكت زهراء طلعيني

- وداعت أبني مو عندي المفتاح، تحملي
- ترديني أضل يمج
- لاتخافين خية

- زهراء حبااابة فتحولي أخاااااف لوحدي

- أسم الله الرحمن خية شبيج
- أكرررره الغرفة كل عذابييي بيهااا والله حموت يااااربي

- شوفي خل أكلج سالفة
- من جنت صغيرة
- جنة بالقرية عدنة جواميس لو تشوفين يشبهن فاروق ﭑلمُهم خية اجو ناس خطابة يخطبوني عودن جان عمري كلة اربعطش سنة، ياخية وكت ماطبولنة والجاموس ركض وراي لو تشوفين صرت تصنيف والعباس تحطيلج بطن وتكعدين تضحكين على وجهي طحت للأرض وكلني طين صرت مو بس هيج خية من الخوف سويتها على روحي

ابتسمت وضليت أضحك ..
- عفيييية ضحكي لاتبجين، ولاا تخافين الله فوكج

- زهراء ماجاي تلعبين علية؟ خاف تتغيرين

- عمت عيني خية والله حبيتج وكافي ضلم من يمي جزيييت من الله يساعدج

- كلهم ميحبوني لو يحبوني ميسون ۿِيج ويحبسوني

- خليهم يولون، اني يمج وريومة نحبج ترة

- حتى الحجية تحبني

- اوو ختولي ياخية لازكتلي بفرداتي الورة حتى كرهتهن

ضليت أضحك وشوي شوي خفت الهوسة وراحوا، وزهراء خطية ابنها يبجي هم راحتله واني ضليت كاعدة وعيوني على الشباك وأفكر بمهى شسوي؟ ماكدر أسوي كلهم يدافعوله بس احجي أيهاب يموتني نوب أريد اشتكي للشرطة مايخليني أطلع، والله تعبت والشكوة لله..

أنفتح الباب كمت بسرعة شفته أيهاب باوعتله ماكو ابني نزلو دموعي..
- أيهاب أبني وينة

مشة للميز كال وهوه ينزع سترته..
- يم ريام

طلعت من الغرفة أركض شفت ريام يمها مهى وابني ماكو حضنت مهى بستها براسها وصعدت ركض شفته متمدد مطفي الكلوبات..

- أيهااااب أبني مو عند ريام

- بنيتي نامي

حجيت من بين كل كلمة أشهك..
- لييي لييش تسوي هييج

- لياري نامي

- حرااام عليييييك حرااام
مشيت للقنفة اخذت الكبوس مال علي ضليت أبوس بي وأبجي، اجه يمي سحبني من أيدي باسني بخدي..
- حبيبتي أجيبه الج باجر