احبيني أن تجرأتِ

بارت 44 + النهايه

.
#احبيني أن تجرأتِ

#الكاتبة نجمة

#البارت الـ 44 الأخير..

، ، ، ، ، ، ، ، ، ، ، ، ، ، ، ، ، ، ، ،

صدك أنهضمت واتمنيت مارجعتله ولا خليته يسيطر عليه، صفنت بوجهه، ماحسيت غير تقرب يمي جرني من زندي قربني لوجهه..
- احجييي

درت وجهي عنه..
- وخر عني

- مسويتهااا هااااا

- وخررررررر مااااريد ابقى يمك دقيقة وحدة

كمت ماحسيت غير انجريت من شعري ولزكني بالأرض تكسرن ضلوعي، ضليت على نومتي صااح..

- خونة چلاب، لنعل أبوكمممممم ولاد النعااااال

ضليت ساكتة رغم الوجع البيه، حسيت كلبي أنكسر من هاي السالفة، كلت لا ابرر ولا شي، مدام اعرف اني شنـٰو هاي هية ما معتازة يصدكني لو فعلاً يثق بيه جان سكت مرت عمي المدري شنـٰو كالتله عني..
مشه واباوع لرجلينه توجهت لكاروك زهور، باوعتله سحبها وهية تناغي وتضحك ماحسيت غير حطها على الجرباية وضل يصيح..

- كومييييي حضري ملابسهااا

- أيهاب؟.

- كومي جاي اكول

- أيهاااااااب شبيك تخبلت

جرني من زندي دفعني للكنتور تأذيت لزمت زندي أفرك بي صاح..

- يلا حضريلي ملابسها

- أيهاب ونور محمد أعوفك

- هه بعد مادخلتي بيتي، عبالج اعوفج؟.

- ويِن ماخذ بنتي؟

- لأهلها

تقربتله لزمته من ياخة قميصه وصحت بوجهه..
- أكتلك بأيدي هااااي فااااهم، المرض ما موتك عاااادي أني اموووتك والله مستعدة الطخ أيدي بدمك القذر ولا تاخذ جهالي مني
ضربني راشدي فراني فر، اسمع صريخ زهور وهوه يصيح مافهم شي منة بس صياح وغلط وهيج من ابوج ومن امج ومن تربيتج النگسة..

رفعت راسي اله..
- انتة زلمة؟
- اذا زلمة وشالتك الغيره لأن خنتك فـ روح أكتل الخنتك وياه بايدك يلااا مو كدرتك بس علية

- بعدني مامسوي شي بسَہ أجيت افهم منج، وعيونج يكلولي جذاااابة

- اني بعد مالي كعدة وياك، شنوووو اعييش وياااك وانته تشك بية؟.

ضل صافن بالأرض نزلوا دموعه وتعابير وجهه هادئة ودموعة على خده، ماحسيت غير انسحبت زهور سحبها بكل قوته عرفتها من صرختها متنها..

- أيهاااااب ويِنہ ماخذهااااا عليييك الله

- ماتشوفيهااا ولا راح نشوفها كلنة

ضلت تصرخ، كلبي احس هيج تفطر عليها، ركضت سد الباب بوجهي قفله من بره..

ضليت هادية أعصر بايدي، نزلوا دموعي رفعت ࢪاسي..
- يالله بجاه السيدة زينب ليسوي شي بـ بنتي اروحلك فدوة ربي.
ركضت للشباك ما شفت أحد، بس الحرس كعدت بلارض أبجي، تعبت تعبت، ماحس الي راحة وياااه..