احبيني أن تجرأتِ

بارت 30

#احبيني أن تجرأتِ

#الكاتبة نجمة

#البارت الثلاثون

، ، ، ، ، ، ، ، ، ، ، ، ، ، ، ، ، ، ، ،

ليار ..
مشيت لغرفة الجهال شفت احمد ورتاج نايمين وأختي مااكو نغزني كلبي، نزلت على كيفي كلت خاف يم ريام ماكو مشيت ليفوك شفت سدة باب غرفة فاروق وزهراء شكيت باوعت لدرج الطابق الفوك صعدتله واني خايفة شفت كبالي مهاوي متمددة عـيـﯠڼها مسدودتات ورجليها مفتوحات بطريقة بشعة..

تسودنت مشيت واني أحط أيدي وره ضهري سحبتها لحضني بستها براسهاا..
- مهااااااوي حبيبتيييييي شبيييييييييج

دمها على السيراميك، رفعت ايدها باردة شفايفها يابسة، صرخت كل قوتي واني احركها من اكتافها..

- ولج مهاااااااااااااوي

شعرها متنتف ومكطع على الأرض، وكدمات على بطنها وأديها معصورات جانن مبينة، هزيتهاا واني اصرخ..
- كعديييي حبيبتيييي منو مسويي هيييج بيييج مهى
ماتتحرك ماتتحرك أختي ماكو الها حركة ضميتها لصدري واني اغطي جسمها بـ بجامتها خليت ايدي على كلبها ينبض، كمت ومشييت بسرعة رحت لأيهاب دخلت للغرفة بسرعة هزيت يأهاب من كتفه ..

- أيهااااب حباب اكعد

فتح نص عين..
- شبيج بابا

- حباااب كوووم مهى مهى مادررري شصايرلها

- وينهاا

- بالطابق الثالث

- أنتي ضلي ـلاا تصعدين

وخر الغطة عنه كام وشعره نزل على وجهه رفعه وطلع يركض، ضليت بالموزع الي صاير بي الغرف طلعت زهراء..

- هاي شبيج

- زهراء

تقربت يمي لزمتني من زندي..
- شبيج خاف تردين تجيبين
هزيت راسي بـ لاا واني أجر النفس بالكوة..
- جا شبيج، اجيبلج ماي؟

- زهراء اختي لكيتها فوك بدمهاا اختييي

عكدت حواجبها..
- فللك شبيهاا

باوعت للغرفة مالتها..
- فاروق وين جااان

- خامد

- هوة السبب شفته بعيني دخل وسد باب الغرفة

نزل أيهاب شايل مهى وفاروق طلع باوعلي نزل راسه أيهاب نزل جوه وهوه شايل مهى وزهراء سندتني ونزلنة فاروق ورانة يباوعلي ويبتسم عود يخليني اوخر الشك..

حط مهى على القنفة باوع لزهراء..
- جيبلي مي

ركضت زهراء جابت مي هوه رش على وجهه مهى فزت برعبة باوعتلي ضلت تبجي حضنتها لصدري..

- مهاوي حبيبتي شبيج شصارلج

ضلت ساكتة وعيونها حمر، لزمت ايدها بستها..
- كليلي مهاوي مو أني اختج والله محد يجيسج
ضلت ساكتة وعيونها حمر، لزمت ايدها بستها..
- كليلي مهاوي مو أني اختج والله محد يجيسج