احبيني أن تجرأتِ

بارت 26

#احبيني أن تجرأتِ

#الكاتبة نجمة

#البارت السادس والعشرين

، ، ، ، ، ، ، ، ، ، ، ، ، ، ، ، ، ، ، ،

صفن بعيوني..
- كافي

- أكتلني ما أريد اعيش

- ليااااارة لحضه بابا راحت روحج

- حموووت سودنتنييييي

كام فتح تلفونه خابر..
- الو زياد
- السيد الكتلي عليه
- أي وين مكانه
- هاا خوش
- دربالك على البيت

سداه باوعلي..
- كومي خل نروح
- وين

- اكو سيد زين كومي

كمت وياه طلعنة من النجف ورحنه للحلة طبك يم بيت جبير نزلنه هوه حاضني دك الباب طلع ولد صغير كلاله وهوه يدخن أيهاب..

- وين الحجي

- جوة

- اي شني مانطب؟.

- دخلوا جوة

طببنه للأستقبال جبيرة والسيد كاعد لوحده راح يمه ايهاب ضل يحجي وياه بصوت ناصي، واني منتجية علحايط، رفع راسه أشرلي اروحله، تقربت السيد مبين مايشوف كعدني أيهاب من أجتافي، كعدت همس بذاني..

- لتخافين بنيتي، حجيتله على سالفتج وكال سهلة

تمسكت بأيد أيهاب باوعلي يطمني..
- حبيبتي أنتي اشش لتخافيين أني يمج شنو يصيبج يصيبني

السيد مد أديه كلي..
- انطيني أديج بوية
مديت أديه كال..
- سهلة انتي التزمي بصلاتج وكت المغرب شغلي قرأن ومحلولة.

أيهاب :- يعني شني يروح منهه

السيد :- يروح يروح لا تخافون

ايهاب :- سويله شي بسرعة خلي يطلع، كل يوم ماكدر أشوفها تتعذب

السيد :- نومهه وانطيني عصتي

أيهاب تردد باوعلي كال ..
- بابا تتحملين حتى ترتاحين؟.

هزيت راسي..
- أي بس خل أرتاح

مديت جسمي انطاه عصته ضل يأشر على جسمي مايشوف كلش كثيف..
- انطيني رجليج

نزل عصته لرجليه ضربني حيل حسيت روحي طلعت مَاعرُف شسوه بيه، مجنت أمن بهاي الخرابيط وجنت دائماً انتقدها من صارت صدك مدري حسيت السيد كلشي يحجيه جذب..

ضربة بَعد ضربة فقدت مادري شنو شصارلي، فتحت عيوني رجليه بيهم ألم معدتي مكلوبة كلاب باوعت رفعت راسي أيهاب حاضني ويبوس بكصتي همست بصدرة واني أتمسك بردان قميصه..
ليار :- اه راسي شصارلي

ايهاب :- اشش بنيتي

ليار :- شصارلي احجي

أبتسم..
- حبيبتي أنتي، خلصنة