احبيني أن تجرأتِ

بارت 33

#احبيني أن تجرأتِ

#الكاتبة نجمة

#البارت الثالث والثلاثون

، ، ، ، ، ، ، ، ، ، ، ، ، ، ، ، ، ، ، ،

ضل لازمني ويهمس بأذني أش..
درت جسمي علية وحضنته كل قوتي وصرخت بصدره ..

- أسفة حباااااب أسفة
- والله ماااعيدهااا ايدي أكسرها قبل لأ أمدها عليك أيهااااب بداعت أهلك
- لا تحرك كلبيي على ابني

ابتعدت مديت أيدي اله كلتله ببجي..
- هاااك هااااك أكسرهااا والله بعد ماسوي شيييي حباااب أبوس أيييييدك

دفعني من صدري للأرض وكال..
- انتي الردتيها
- تعااااااندين تعاااااانديني أنييييي؟، نوووب ترفعييين أيدج علييه

راد يطلع حضنته من ضهره..
- أبوس أيدك حبيبي تعبت
- أيهااب حبيبي
ضل جامد دار جسمه عليه باوع بعيوني، ابتسم..
- ياروح حبيبج
- كلبة لحبيبج
- ليارتيَ

- أي حبيبي أنتة

- والله لياري والله؟.

- والله حبيبي

باسني بخدي وأيده تعصر بجسمي لزمت زندة..
- حبيبي أيهاااب

- عيونة

رفعت أديه بمعنى مادري وكلتله..
- ماسوي شي والله
- بس جيبلي علاوي

سحب نفس..
- أرتاحي هليومين واجيبه ألج

- مابية شي والله عفية

- تردينة يعني

- خاف أموت وماحاضنته
باسني براس وهمس..
- ليش متصيرين عاقلة وتعوفين سوالف الجهال، والله أحبج وأتخبل من أشوفج عرمة وتعاركين ونوب تضربيني.

طلع من الغرفة أني وراه خابر فاروق كعدت على الدرج وحاطة راسي بين أديه وعيوني تباوع للباب أدعي ربي يدخل فاروق بيده أبني..

أنفتح الباب وفاروق شايل علي كمزت كمزة ركضتله سحبته وضميتة لصدري وابجي والحجية تبجي علية وريام كاعدة وتباوع لأيهاب وتدور وجهة احسها ملت من تصرفات اخوها بس تخاف تحجي، وزهراء بحضنها حسن وتباوعلي مقهوره..

مسحت دموعي..
- ياروحي حبيبي أجيتني أجيت لأمك، أي أي شوف أنييي أمك محد آمك بس أني

كال وهوه يمسح وجهة بأيده..
- ليااارة صعدي يلا

ام أيهاب :- يمة خلها كاعدة يمنه من يوم الخذيتها وانتة تحبسها بالغرفة

رحت يمها كعدت أبتسمت بقهر..
- أي يمة والله أذاني ميخليني أشتم الهوى

صعدت فوك لغرفتي كعدت على القنفة واشمه واحضنه همست بذانة..
- تعبوني علاوي
- ميخلوك بحضني ولا يخلوني أبوسك
- مامسوية شي أني بس ردتك بحضني مو أنته ابني شلون ياخذوك مني جا مو طلعتك من بطني
ضليت أبجي وحاضنتة، ضل يبجي ردت أطلع صدري خفت، دخل أيهاب حط غراض علي على الميز وتمدد، رحت فورتله مي حار وسويتله ممة، شربها وكبل نام ماتعبني أحس بحضني يهدء ومن يضل عند الحجية او ريام يبجي هواية..