ဆိုးယုတ်ခြင်းနတ်ဘုရားနှင့်လက်ထပ်ပြီးနောက် (Book 2)

အပိုင်း (52)

(၅၂) အကွာအဝေး (ပထမပိုင်း)

May 7, 2023 by Jinnie Grace
Burmese Translation of “After Marrying The Male God”.

---------------

ငါ့မှာမိသားစုရှိတယ်။

---------------

ချီပိုင်ချာလှမ်းကြည့်လိုက်တော့ ဖြူဖျော့ဖျော့အသားအရည်၊ နှာတံမြင့်မြင့်၊ နီစွေးစွေး နှုတ်ခမ်းနှင့်မျက်လုံးများနှင့် အလွန်ကြည့်လို့ကောင်းသော အမျိုးသားတစ်ယောက်လာနေတာကို တွေ့လိုက်ရ၏။

သေချာပေါက်ကြည့်လို့ကောင်းမှာပေါ့။ ရုပ်ဆိုးတဲ့ နတ်သူငယ်တွေ၊ သွေးစုပ်ဖုတ်ကောင်တွေဆိုတာမှမရှိတာ။

ဒီလူက သွေးစုပ်ဖုတ်ကောင်ဆိုတာ ပြောစရတာတောင်မလို။

သူ့ကံကလည်းကောင်းတာလား ဆိုးတာလားကိုမသိ။ ကောင်းတာကတော့ သူမေးစရာလူတစ်ယောက် ရောက်လာချေပြီ။ မကောင်းသည်ကတော့ ထိုသူမှာ နတ်သူငယ်လည်းမဟုတ်သလို နတ်သူငယ်များ၏အဖော်ဖြစ်သူ လူပုလေးလဲမဟုတ်ဘဲ ရန်သူတော် vampireကြီးဖြစ်လို့နေသည်။

သို့သော်ပြဿနာအများကြီးတော့မရှိ။ နတ်သူငယ်တွေက သွေးစုပ်ကောင်များ၏
အစာများဖြစ်သော်လည်း သူတစ်ခုတည်းရှိတာတော့မဟုတ်။ နတ်ဘုရားလေးပါးပျောက်ကွယ်မသွားသေးခင် နတ်သူငယ်တို့၏ နတ်ဘုရားအရှင်က ထိုမျိုးနွယ်စုနှစ်ခု မဆုံစေရန် စည်းတစ်ခုချထားခဲ့သည်။ သွေးစုပ်ကောင်တို့၏အရှင်ကလည်း နတ်သူငယ်တို့၏သွေးကိုမသောက်သုံးရန် အမိန့်တစ်ခုချခဲ့၏။

ထိုကာကွယ်ခြင်းနှစ်ခုဖြင့် မျိုးနွယ်စုနှစ်ခုမှာ နှစ်ပေါင်းများစွာ ငြိမ်းချမ်းစွာဖြင့် အတူယှဉ်တွဲနေထိုင်ခဲ့ကြသည်။ နတ်ဘုရားများပျောက်ကွယ်သွားချိန်မှာတော့ အဆိုပါ အရံအတားများလည်း တစ်ဖြည်းဖြည်း အားလျော့လာပြီး သွေးစုပ်ကောင်များကလည်း ပိုအတင့်ရဲလာကြသည်။

တကယ်တော့ သူတို့က သွေးစုပ်ဖုတ်ကောင်အရှင်သခင်ကြီးကိုတော့ လေးစားကြသည်။ နတ်သူငယ်များ၏သွေးက အရသာရှိကြောင်း သူတို့သိရှိသွားကြသည့်အခါတွင်တော့ သူတို့ကို အမဲလိုက်တာ သတ်ဖြတ်တာမျိုးတွေ မလုပ်ရဲတော့ပေ။ ထိုအစား နတ်သူငယ်အနည်းငယ်ကို ဖမ်းကာ ရဲတိုက်သို့ခေါ်သွားပြီး သွေးကို လိုသည့်အချိန်တွင် ရယူနိုင်ဖို့သာ လုပ်ကြတော့သည်။ ဒယ်နီရယ်လို စောက်ရူးကောင်မျိုးကသာ နတ်သူငယ်တွေကို အကြိမ်တိုင်းသွေးခန်းတဲ့အထိ စုပ်ခြင်းဖြစ်သည်။