ဆိုးယုတ်ခြင်းနတ်ဘုရားနှင့်လက်ထပ်ပြီးနောက် (Book 2)

အပိုင်း (54)

Burmese Translation of "After Marrying The Male God".

Translator - ဂွေ့
-----------------
(၅၄) စုန်းမ
----------------
အဝေးတစ်နေရာတွင်....ပင်လယ်ရေက ကြည်လင်ကာ ကုန်းမြေတွင် အလင်းပြန်နေ၏။ ငှက်တို့ပျံသန်းကာ အလှကြီးလှနေတော့သည်။

ချီပိုင်ချာတစ်ယောက် သူ့လက်ထဲက မြေပုံကိုချလိုက်သည်။ မြေပုံက သူ့ရှေ့က သမုဒ္ဒရာကို ညွှန်ပြနေ၏။ သမုဒ္ဒရာရေတို့ကလည်း နှင်းနတ်သူငယ်၏ ဖြူဖျော့လှပသော မျက်နှာကို မြင်ရလောက်အောင် ကြည်လင်နေသည်။ ဖြူစင်သန့်ရှင်းလှသည့် မျက်နှာလေဖြစ်ကာ ပင်လယ်ထဲမဆင်းနိုင်သည့်ဟန်။ သို့သော် ချီိပိုင်ချာက မြေပုံကို ပစ်ချကာ ပင်လယ်ထဲသို့ ဆင်းသွားတော့၏။

ပန်းနတ်သူငယ်က သူ့ကိုမြေပုံနှစ်ခုပေးလိုက်သည်။ တစ်ခုက ကုန်းပေါ်ကဟာဖြစ်ကာ တစ်ခုက ပင်လယ်အတွက်ဖြစ်သည်။ ချီပိုင်ချာက ထိုအရာများကို တစ်ချက်ကြည့်ရုံနှင့် မှတ်မိသည်။

သမုဒ္ဒရာက နက်ရှိုင်းလှသည်။ များစွာသောရေနေသတ္တဝါများလည်း နေထိုင်ကြ၏။ သမုဒ္ဒရာ၏ လွှမ်းမိုးအုပ်စု နှစ်ခုမှာ ရေဘဝဲများနှင့် ရေသူမျိုးနွယ်တို့ဖြစ်ကြသည်။ ထိုမျိုးနွယ်နှစ်စုက ရေအောက်တွင် နိုင်ငံဖွဲ့စည်းတည်ထောင်ကာ နေထိုင်ကြပြီး တစ်ဉီးနှင့်တစ်ဉီး ရန်ဖြစ်နေကြသည်မှာ အတော်ကြာခဲ့ပြီ။ နတ်ဘုရားတွေကွယ်ပျောက်ပြီးနောက် ပိုဆိုးလာကြ၏။

ဒီကမ္ဘာက ရေဘဝဲတွေက လူ့ကမ္ဘာက ရေဘ၀ဲတွေနှင့်မတူပေ။ အပေါ်ပိုင်းက လူပုံစံဖြစ်ကာ စကားပြောနိုင် စဉ်းစားတွေးခေါ်နိုင်သည်။ ခါးအောက်ပိုင်းတွင် ခြေတံလက်တံတွေအများကြီးရှိ၏။ ဆေးရည်ကို သောက်ထားသည့် ရေဘဝဲတွေကတော့ ချီပိုင်ချာတွေ့ခဲ့ဖူးသည့်အတိုင်း ရေဘဝဲမိစ္ဆာဖြစိသွားကြသည်။ သူတို့၏ တိုက်ခိုက်ရည် ပိုမြင့်လာပြီး စဥ်းစားနိုင်စွမ်းတော့ဆုံးရှုံးသွားကာ အသက်လည်း အတော်ကြီးတိုသွားသည်။

ရေဘ၀ဲမျိူးနွယ်တွေက ရန်သူထောင်ပေါင်းများစွာကိုသတ်ဖို့ သူတို့မျိုးနွယ်ရှစ်ရာခန့် စတေးသည့်နည်းလမ်းကို အသုံးပြုကြသည်။ ထိုမှသာ ရေအောက်ကမ္ဘာတစ်ခုလုံးကို အုပ်စိုးနိုင်ပေမည်။