ဆိုးယုတ်ခြင်းနတ်ဘုရားနှင့်လက်ထပ်ပြီးနောက် (Book 2)

အပိုင်း (56)

Burmese Translation of “After Marrying The Male God”.

Translator – ScartletAnemone
-------------

အပိုင်း 56 - ဖော်ထုတ်ခြင်း

----------------

“သူတော်ကောင်းယောင်ဆောင်နေတဲ့ဟာ”
-----------------

ဖူမင်ယယ်လည်း အသက်စမ်းရေကို ရပြီးနောက်မှာ ချက်ချင်းဆိုသလိုပင် တွေဝေတုံ့ဆိုင်းမှု အလျင်းမရှိဘဲ ဒိုင်မန်းရှင်နယ်အက်ကြောင်းရာထဲကို ခုန်ချသွားလိုက်၏။

နတ်သူငယ်နတ်ဘုရားက အနီးနားကနေပြီးတော့ အချိန်အတော်ကြာအောင် ရပ်ကြည့်နေခဲ့ကြ‌သော sirenတွေဆီကို အကြည့်ပို့၍ ညင်သာစွာပြောလိုက်၏။ “တစ်ခြားကမ္ဘာက မိတ်ဆွေတို့… သင်တို့ရဲ့ခရီးစဉ် ပြီးဆုံးသွားပါပြီ… အခုအားလုံးပဲ အိမ်ပြန်လို့ရကြပါပြီ”

Sirens: “…”

ဒီခရီးစဉ်ကတော့ တကယ့်ကို မမေ့နိုင်ဖွယ်ပါလား။

နတ်သူငယ်နတ်ဘုရားလည်း ယောင်ယောင်လေး ပြုံးလိုက်မိ၏။

သူတို့တွေကမ္ဘာနံပါတ် 999ကို ရောက်သွားသည့်အချိန်တုန်းက၊ ကမ္ဘာနံပါတ် 493က သက်ရှိအားလုံးကို ပြန်ပို့ပေးခဲ့၏။ သူ့ကမ္ဘာထဲမှာ လှည့်လည်သွားလာနေကြသော ကမ္ဘာ 999က သက်ရှိအားလုံးကို ပြန်လည်ပို့ဆောင်ပေးပြီးနောက်မှာတော့၊ သူနှင့်ကျန်နတ်ဘုရားသုံးပါးတို့ စွမ်းအင်တွေကို ပေါင်းစည်းပြီးတော့ ဒိုင်မန်းရှင်နယ်ယိုပေါက်ကြီးကို ပြန်ဖာထေးကြရမှာပင်။
ယိုပေါက်တွေကို ပြန်လည်ဖာထေးရတာက ခက်ခဲသည့်ကိစ္စတစ်ရပ်ပေ။ သူတစ်ယောက်တည်း လုပ်နိုင်စွမ်းမရှိဘဲ၊ ကျန်သူများနှင့် ပူပေါင်းပြီးတော့မှသာ လုပ်လို့ရမှာဖြစ်သည်။

ယိုပေါက်တွေကို သူတို့ဘာသာ ပြန်လည်ဖာထေးနိုင်စွမ်းရှိသော နတ်ဘုရားတွေက အရမ်းကို စွမ်းအားကြီးသည့် နတ်ဘုရားတွေပင်။

ကျန်းယန်က ဆိုလိုက်သည်။ “သွားကြရအောင်”
ယုယင်လည်း ခေါင်းညိမ့်လိုက်၏။

ကမ္ဘာနံပါတ် 999ကနေပြီးတော့ လာခဲ့ကြသော ရေနေသတ္တဝါများက ရေသူတွေကို နှုတ်ဆက်လိုက်ကြပြီး၊ အဲဒီနောက်မှာတော့ တန်းစီကာ၊ ဒိုင်မန်းရှင်နယ်အက်ကြောင်းထဲကို တစ်ကောင်ပြီးတစ်ကောင် ခုန်ဆင်းသွားလိုက်ကြပြီးတော့၊ အနောက်ခြမ်းပင်လယ်၏အနီးဝန်းကျင်ကို အပို့ခံလိုက်ကြရ၏။