,
لآ استبيحْ القراءه دُون لآيك 🎵💗؛
,
#على_نُورّ_الشفقّ_وعلى_وتر_القدر
'
هزّت راسها بخيبه واستكملت ؛ تدري الحمدلله ان خالد ضمّه التراب قبل لا يشوف سواياك وتطيح من عينه
انت اصلا مو كفو حتى انّك تصيّر ابُو لسمّيه
كانت تلومه وتسبه ومتقبّل كل شي منهَا لانه مقّر بذنبه رغم انه يحسّ بأنها جالسه تفتت قلبه خصوصا بطاري خالد واللي مافيه اعزّ منه عليه
خلّته يحس بشعُور ساره نفسه
رغّم انه ماكان يضربها لكّن اشعرته بشعُورها وقت كان يهينها بالكلام القاسي ويجرحها
وللاسف انه شعر فيه من ناسه القريبين وابتدا من الوافي واستكملته غلا
وكأن الدنيا تدور عليه عشان تذوّقه من نفس الكاس اللي ذوّقه ساره بدون وجه حقّ
التقطت جوالها وما قدرت تبقى ثانيه وحده بنفس المكان اللي هو فيه وهربت للاعلى
الكل كان صامت وساكن مصدُومين من اللي صار
لحّد ما افزعتهم الضربه اللي علمّت على خدّ سلمان من كفّ ابُوه اللي انكسر ظهره بسبب فعلته ، ونطّق بخيبه فضيعه ؛ تخدع ابوك وتطلب مني اطلبها من بيت ابوها عشان تهينهَا ببيتك!!
هذي تربيتي لك ي سلمان !!
وحلالاه بس وحلالاه كسرت ظهري وسوّدت وجهي!!
وين اودي وجهي منهَا وين!!
حسبي ال..
قاطعته امّ سلمَان قبل لا يدعي على ولده من قهره واردفت ؛ لا ي ابو سلمان كله ولا انك تدعي عليه فقدت الاول مابي افقد الثاني
انهزّ قلب ابو سلمَان ونطق بعجز واضح ؛ ليت اللي فقدته سلمَان ولا خالد
انوجع قلب سلمَان بهاللحظه وحسّ ان اللي يسمعه منهم كثير على قلبه
لحّد ما جمدت ملامح ابوه من القهر ونطق ؛ اطلع برّا بيتي وياويلك تشوفك عيني ياويلك
اعتلت الصدمه ملامح سلمَان وكان بينطّق لولا تكمَلة ابوه لكلامه بذات الحدّه وهو يصّد عنه ؛ برا قلت برا لا اشوفك
ما قدر يتحمَل سلمان وهو يلتقط المفتاح اللي رمته عليه غلا قبل لا تصعد لفوق وطلع من الداخل بأقصى سرعه وهو مهزُوز كليّا
لحقه الوافي اللي سمع بطبعّة الباب ومسكه مع ذراعه ونطق ؛ اصبر مو بنرو..
بتر جملته تماما من شاف ملامح سلمَان والدمعه اللي سقطت من محجر عيُونه ؛ تبكي يا سلمان تبكي!!
توّك من شوي كنت ..
قاطعه سلمَان من اردف بضيّق وهو يفلت ذراعه من كفّ الوافي ؛ اتركني جعلني اموت الليله وارتاح
تسارع بخطواته للخارج ، ولحقه الوافي بذات الخطوات
ركب سيارته وقبل لا يحرّك كان بيركب معه الوافي
لكّن سلمان آمّن سيارته مباشره وحرّك بسرعه تاركه خلفه
مما اجبر الوافي انه يركب سيارته ويلحقه فيهَا
YOU ARE READING
رواية على نور الشفق احيا واهيم ⚜️
Mystery / Thrillerللكاتبـه ليما @rwizi_ ما احلل اقتباسها او سرقتها او نقلها لمكان اخر ✖️ .. تتكلم عن البطله شفق اللي يموتون جميع اهلها بسبب حريق منزلهم وتتشتت من بعدهم وتعيش عند عمها القاسي واللي تهرب منه بليلة ملكتها من ولده لبيت ابوها القديم وتلقاه اصبح ملك للضابط...
