رواية على نور الشفق احيا واهيم ⚜️

102

,
لآ استبيحْ القراءه دُون لآيك
,

  #على_نُورّ_الشفقّ_وعلى_وتر_القدر

'

رجعته مكانه وهي تتأمل شكلها لأخر مره
ابتسمت بإرتياح وهي تطلع لأمها ، اول ما دخلت لقت روّاف عندها وحاضنها
تمتمت بنبره غيوره ؛ خير غابت ساره دقيقتين وحلالك الجو تاخذ مكاني؟
اقتربت منه وهي تبعده عن امها وهي تأشر له على طرف السرير من الجهه الثانيه؛ قوم بس قوم واحفظ مكانك مره ثانيه لو سمحت اخ روّاف
راح وجلس روّاف مكانه وعلى جلستها نطق يقهرها ؛ الحمدلله كلها هاه فتره وافتك منك وتروحين مع زوجك ويصفى لي المكانين اجلس بأي واحد فيهم وما القى من يحارشني عليهم
خزتـه بعيونها ؛ وانت عبالك بترك امي لك لا حبيبي اسحب على زوجي ولا اسحب على امي
كل عصريه بجيها وبتشوف
ضحك بخفـه ؛ الله يعينه عليك بس

..
بعد مرور وقت كافي ، دخـل روّاف وهو ماسك جهاز البصمـه اللي بتبصم فيه سويّر على عقد قرانها ، تحت نظراتـها المستغربـه على استخدامه لذي الطريقـه بدل التوقيع العادي وتسائلت بفضُول عابر ؛ ليه استغنوا عن التواقيع ؟
ضحك روّاف بخفـه وهو يمد لها الجهاز ؛ حطي السبابه بس ويجيك الجواب بعدين المملك ماعنده صبَر
هزّت راسها بقل حيله وهي تبصّم رغم ارتعاشات اناملها وتوتّرها وكأنها تعايش هالوضع لأول مره ما كأنها تعيشه للمره الثانيـه
بصمّت ورفعت سبابتها على إرداف روّاف بنبرته الحنُونه وعلى النصيب اللي خلاه يشهد على زواج اختـه الثاني بعد ما انحرم من عيش معها ذات الشعور بزواجها الاول؛  اليوم يفوق شعوري كل شي الحلم اللي تمنيت اعيشه سنين كتب الله اعيشه وانا اسعد انسان بزواجك يا روحي ، عساه الف مبروك وعساها زيجـة الدهر والسعاده ياخوك