Unicode
"ကျွန်တော့်ကို မလွမ်းဘူးလား"
ရိုင်ဖယ်သုံးလက်ခန့်တန်းစီချထားပြီး ကျည်တချို့နှင့် အလုပ်ရှုပ်နေသည့် ကိုကျော်စွာရှေ့စားပွဲတွင် လက်နှစ်ဖက်ထောက်၊ မေးတင်ကာ မေးလိုက်သည့် သျှားကြောင့် ကိုကျော်စွာကမျက်လုံးဝင့်ကြည့်၏ သွားတွေစိကာရယ်ပြတော့ အကြည့်က သေနတ်တွေဆီပြန်ရောက်သွား၏
"လွမ်းရအောင်ငါကမင်းရည်းစားလား"
"ဟာ....ကိုကျော်စွာကလည်း...ရည်းစားမဟုတ်လည်းလွမ်းလို့ရပါတယ်ဗျ"
"မင်းသွားတာတစ်လတောင်မပြည့်ဘူးလေ သျှား"
"အေးပေါ့ ဘယ်လွမ်းမလဲ ကိုမင်းထင်ကြီးရှိနေတာကို"
*ဖြန်း!*
"အ"
သျှား၏ ရွတ်နောက်နောက်စကားကြောင့် နဖူးကို လက်ဝါးနှင့် ဖြန်းခနဲရိုက်ချပစ်သည်က ရှောင်ချိန်ပင်မရလိုက်။ အနောက်အနည်းငယ်ယိုင်ထွက်သွားသည့်ကိုယ်ကိုပြန်တည့်ကာ နဖူးကို ပွတ်ရင်း ကိုကျော်စွာကို မျက်လုံးများမှေးကြည့်လိုက်သည်။
"ငါ့လက်ထဲမှာကိုင်ထားတာတွေက သေနတ်တွေနော် သျှား"
"ကိုမင်းထင်အတွက်နဲ့ ကျွန်တော့်ကိုတောင် သေနတ်နဲ့ပစ်တော့မယ်ပေါ့"
"အဲ့ဒီ့ကောင်အကြောင်းမပါရင် မင်းစကားမပြောတတ်ဘူးလား သျှား"
"ကိုကျော်စွာတို့ကမှ မရိုးတာဗျ"
"မင်းမေ..............ကျစ်"
"ထင်သျှားဟန်ဆိုတာ တကယ်တော့ အပါယ်ခံလေးပါ။ ကိုမင်းထင်နဲ့ယှဥ်ရင် ကျွန်တော်က အမြဲအနောက်ရောက်သွားတာပါပဲ"
"မဆိုင်တာတွေဆွဲမထည့်နဲ့ဟေ့ကောင်"
"ဒါနဲ့ကျွန်တော်သတင်းတစ်ခုကြားထားတယ်"
သျှား၏ တွေးဆဆအပြောကို ကျော်စွာ ဆက်ပြောဆိုသည့်ပုံနှင့်မေးဆတ်ပြ၏
"ကိုမင်းထင်နဲ့ကိုကျော်စွာကအပေါ်ထပ်နဲ့အောက်ထပ်လုနေတယ်ဆို"
"ဘာကွ!!!"
"အာ .....လန့်လိုက်တာဗျာ။ ဘာလို့အော်တာတုန်းဗျ"