" တယောနွယ်...ကြာလိုက်တာဘာတွေလုပ်နေတာလဲ "
" လာပါပြီ ချယ်ရီရယ် ကိုကို မနက်စာပြင်ပေးနေလို့ပါ "
တယောနွယ် သူ၏ညီမတစ်ဝမ်းကွဲဖြစ်တဲ့ ချယ်ရီသွင်ရဲ့ခေါ်သံကြောင့်မနက်စာပြင်နေရင်းမှအမြန်အိမ်ရှေ့သို့ပြေးလာရသည်။ကျောင်းဝတ်စုံနဲ့ညီမလေးကကျောင်းသွားခါနီးဘာတွေအလိုမကျဖြစ်နေမှန်းမသိ။
" ငါ့ဖိနပ်ဘယ်ရောက်သွားတာလဲ တယောနွယ်... ငါညကနင့်ကိုထုတ်ခိုင်းထားတယ်လေ "
" ကိုကိုထုတ်ပေးထားပါတယ်ချယ်ရီရဲ့.... ခဏလေးနော်ကိုကိုရှာပေးမယ် "
ဖိနပ်စင်တစ်ခုလုံးကဖိနပ်တွေကချယ်ရီသွင်ရဲ့ဖိနပ်တွေပင်။ညကချယ်ရီသွင်ကကတ္တီပါအစိမ်းရောင်လေးစီးသွားမယ်ဆိုလို့သူကိုယ်တိုင်ဖိနပ်ကိုဖုန်သုတ်ကာသေချာတိုက်ချွတ်ပေးထားတာပင်။ယောကခေါင်းငုံကာကြည့်လိုက်တော့မှဖိနပ်စင်ရဲ့အောက်ဆုံးအဆင့်မှာတွေ့လိုက်ရသည်။
" ဒီမှာတွေ့ပြီချယ်ရီ... ရော့ စီးလိုက်တော့နော် ကိုကိုအလုပ်လုပ်စရာရှိသေးလို့ "
" နေဦး ... ငါ့ကိုဖိနပ်စီးပေးလေ ငါကျောင်းသွားမှာကိုဖိနပ်ကိုဘယ်လိုကိုင်လို့ရမှာလဲတယောနွယ်.. "
" အာ... ဟုတ်ပြီ ကိုကိုဝတ်ပေးမယ် "
တယောနွယ် ပြန်ထိုင်လိုက်ပြီး ကတ္တီပါဖိနပ်လေးကိုယူကာ သူ့ညီမလေး၏ခြေထောက်သို့သေချာလေးဝတ်ပေးလိုက်သည်။ခြေထောက်ဖြူဖြူလေးနဲ့ကတ္တီပါဖိနပ်အစိမ်းရောင်လေးနဲ့လိုက်ဖက်ညီလွန်းလှသည်။သူ့မှာဒီလိုလှပတဲ့ညီမလေးတစ်ယောက်ရှိတာဂုဏ်ယူစရာပင်။
" ရပြီ နော်.. ဂရုစိုက်သွားနော် ချယ်ရီ "
" နင်အပူမပါဘူး... "
သူပြောလိုက်တဲ့စကားကိုအကန်ပြန်ပြောကာထွက်သွားတဲ့ချယ်ရီသွင်ကြောင့်ယောစိတ်မကောင်းဖြစ်သွားသည်။ဒါပေမယ့်သူနားလည်ပါသည်။ချယ်ရီလေးကငယ်သေးလို့ဆိုးလို့ရလို့ဆိုးတာပါ။သူ့ကိုချစ်လို့ဆိုးတာပဲဖြစ်လောက်မှာပါလေ....
" တယောနွယ်!! ဘယ်ရောက်သွားပြန်ပြီလဲ အလုပ်လုပ်ခိုင်းရင်ရေသာခိုအချောင်လိုက်ဖို့ပဲသိတယ် "
YOU ARE READING
Along With Together Husband
RomanceMy Husband is U Min Yaung ( Season - 2 ) Htin Lin Thet Paing ( James ) + Ta Yaw Nwe Possessive Type ယုတ်မာရိုင်းစိုင်း ၊ Psycho ၊ Mafia Warning ❗️❗️ ပေးပါတယ်နော်။ James သာ ဒီလောကရဲ့နတ်ဘုရားတစ်ပါးဖြစ်လာခဲ့မယ်ဆိုရင်... William တွေအတွက်နေရာရှိမှာမဟုတ...
