الحلقة التاسعة والعشرون< في حب الألماس التقينا>بقلمي نورهان ناصر.
|• قبل بضعة ساعات • |
وضعت الأشياء التي قاموا بشرائها ونظرت إليه قائلة ببسمة لطيفة:
- فاضل أقل من شهر على فرح غزالتي تفتكر هنكون خلصنا وقتها كمان عيد ميلادها بعد ست أيام وأول مرة محضروش.
كان كريم قد ارتمى على الفراش مغمض العينين يستمع لها ثم فتح عينيه وقال في أمل :
- اتمنى ، المهم جهزي نفسك صرعت رأسي من كتر الاتصالات الساعه داخله على واحدة ودي مُصره انهارده بردو .
أزفرت ليل الهواء في ثقل ثم قالت على مضض:
- تمام أنا جاهزه أساسًا بس محتاجه اطمن على غزل انهارده المهمة وأنا قلقانه ولسه غزل ما كلمتنيش .
- بإذن الله خير خدي تلفوني واتصلي عليها وأنا هدخل أخد دش علشان افوق رأسي هاتنفجر من الصداع ...
اقتربت منه ليل ثم أمسكت برأسه من الخلف بعد أن جلس على المقعد في حين كانت أصابعها تدلك له جبهته تقول ببسمة لطيفة:
- تحب أعملك مساج ليها .
أمسك كريم بيدها وقربها إلى فمه يقبلها بحب شديد هامسًا:
- خليها بعد ما أطلع ماشي .
أومأت برأسها ثم أخذت هاتفه واتصلت على غزل ، ثوانٍ مرت قبل أن تظهر صورتها أمام شاشة هاتفها ، تحدثت ليل بعيون قلقه :
- غزل طمنيني !.
نهضت غزل واتجهت إلى غرفتها ثم اجابتها ببسمة واسعه :
- تمت المهمه بنجاح يا غواصتي خلاص قبضوا عليهم والبنات متأمنين في بيت كبير تبع الشرطة وحاليا بيحققوا معاهم .
- ونيرة أخبارها إيه؟؟؟.
أخذت غزل نفسًا عميقًا ثم ردت على سؤالها :
- ممتازه هي كانت تحت تأثير المخدر وهما فوقوها وحاليا في أسرة جميلة هتتكفل بيها الظابط أحمد أصلا هو اللي اتفق مع الأسرة دي ، دي نور هتتجنن على البنت أوي وكمان البنت المريضة صعبانه عليا جدا آه لو تشوفي شكل أبوها يقطع القلب الحادثة دي بقت هي خبر الموسم وكل المحطات بتتكلم عنها وبإذن الله يكونوا عبره لغيرهم ويا سلام لو يحاكموهم في ميدان عام .
مسحت ليل دموعها تهمس بصوت منخفض أثر بكائها:
- الحمد لله يارب ... أكيد ريم ارتاحت دلوقت – نظرت إلى غزل – ياريت يا غزالتي هكلم بابا في الموضوع ده بإذن الله أما نرجع .
تنهدت غزل في حزن بائن:
- ماقربتوش تيجوا فاضل أقل من شهر على فرحي خايفه متكونيش معايا .
- لا يا حبيبتي بإذن الله هنكون موجودين اضحكي بقى مش عايزاك تكشري أبدا .
ابتسمت غزل بسمة حنونه ثم سألتها عن أحوالها:
YOU ARE READING
في حب الألماس التقينا
Mystery / Thrillerفتاة يتيمة تعمل غواصة إنقاذ ، متعلقة بالبحر كثيرا ، هو بيتها الأول والأخير ، عاشقه للألماس ليس ذاك الحجر المصنوع من الفحم لا لا بل ألماس من نوع آخر لن أخبركم ستتعرفون عليه بمفردكم ، حياتها عادية ليس بها ما يثير هذا ولكن لن يستمر الوضع كثيرا ، ستنقلب...
