ابو رعب

#_البارت 25

كعدت ع الكرسي واني ازفر نفس بضوجة لما حسيت عليها وهي تفوت للغرفة

.. تدندن والابتسامة شاكة حلكها وتباوعلي .. درت وجهي منها بملل ضايجة منها .. حجت

: تدرين اليوم شنو كلي ؟

سكتت ما رديت ولا رفعت عيني الها .. ومدنكة ع الملزمة اسوي روحي اقرة بس بالي وياها

حست عليه لان ما تفاعلت وياها مثل كل مرة من تحجيلي عليّ ..

اجت وكفت فوك راسي وكالت

.. هاي شبيج ؟

رفعت راسي ورديت بحدة

: شنو ؟ شبيه ؟؟
انرسمت ملامح التعجب على وجهة متمتت

: ليش هيج تحجين .. ض..وجتج بشي ؟..سو ..يت شي غلط

: هه وليش شنو البقة وما سويتي

: ليش تحجين بالالغاز .. احجي وياي مباشرة حتى افهم ليش هيج صادة عني .. قبل شوي نسولف ونضحك عادي .. شصار ؟

: اول ما اتصل عليج عفتي كتبج وركضتيلة .. شتتوقعين تكون ردة فعلي ؟!

: اهووووو هم رجعنه لسالفة مرتضى

حجتها ومشت باتجاه الجرباية كعدت مخلية ايدها على خدها .. كمت على حيلي سديت باب الغرفة من بعد ما تأكدت الممر فارغ حتى لحد يسمعنه

مشيت عليها كعدت يمها وحجيت احاول انصحها

: لج حور افتهمي عاد افتهمممي .. مرتضى كاعد ياخذ كل وقتج وهم ياريت لو بس على هاي ما مخلي عندج لا عقل تدرسين بيه ولا احساس .. هسه انتي مرحلة مصيرية يا عيني شدي حيلج بس هل سنة وعوفيلي صخام مرتضى والتهي بقرايتج ترة والله محد يفيدج

باوعتلي مبوزة وكالت

حور: خطيه ، ليش تكولين عليه صخام ؟

خلتني ادك على راسي .. وكعدت احجي وياها
وهي ولا كأنو ماخذ كلبها هل مرتضى
.. لو يكلولي مسويلها عمل هم اصدك

.. يوووه لبوة ما ادري شعندج وي مرتضى ليش عود تكرهينه ؟

لبوة: هيج من الله من جنه صغار واني اتخبل منه وهو هم ميطيقني .. وبيني وبينج الحجي ما ارتاحله

شهكت وكالت

حور: لا عفية لبوة ليش هيج تحجين .. ترة والله هو خوش ولد ولتنسين هو صديق مصطفى روح بالروح ومتربين سوة من الصغر

لبوة: ولج هو اني من هيج خايفة .. ما دام مرافق مصطفى ف اقري عليه السلام

حور: لج عيني والله وكفتي كلبي .. قابل احنه جديدين عليه هاي صار سنين احنه نعرفة وراح يصير بالسنة ال4 على علاقتنة ما فد يوم شفت عليه شي مو زين

لبوة: اي طبعا هيج تحجين .. اذا هو الأفندي عامي كلبج قبل عيونج ومخلصها عليج حبجيات ويكلبي ويعمري ويضحك عليج بهل حجي
كامت تضحك وكالت