ابو رعب

#_البارت35

سهير: لا تتحمسين حبيبتي باول شهر حتى إيزار الصلاه راح يغريه

لبوة: اي والله عمة لا عاب حلكج هذولة ما ينحزرون .. لعد اسمعي خيه اذا قفلت عنده كلش الزميلج سجينة وكليله ( لن اتخلى عن سروالي ) ولو امروا بفصل رأسي عن جسدي .. غير هيج اني بعد ما اكدر افيدج
تحجي وياي تريد تضحكني ، انفجرت بحظنها ابجي وهي تسكت بيه

: ياااا والله ما افتهمناج .. جنتي تكمزين على ما خطبج مرتضى وهسه من صارت صدك كمتي تبجين

حور: راح اشتاقلج

اخذتني لحظنها وتمسح على راسي وما حجت شي
.. اشرتلهة عمة حتى يرحن باستني وكالت

لبوة: ديري بالج على نفسج .. بليل يطلع قسور للعمارة واحتمال نرجع وياه اني وجدة وما اكدر اجيج بصباحية عرسج
حجتها وطلعت من جنطتها علبه صغيرة
وخلتها بيدي

حور: هاي شنو نوب

لبوة: هدية عرسج ..
باوعتلها متفاجأة

حور: صدك عود تحجين ؟ هو انتي شعندج

لبوة: المهم تعجبج .. على كد الحال ، اصبريلي بس اتخرج واتعين ويصير بيدي راتب اشبعج هداية

سهير: وانتي عمة جنج منتظرة التعيين علمود الراتب

لبوة: طبعا ..

سهير: بيها الخير ... لا راح تربين اجيال
برغم شعوري بذيج اللحظة وشكد جنت خايفة ومقهورة .. كدرت تضحكني
خلت كل وحدة هديتها بأيدي وطلعن ..
صعدوا فوك وكاموا صحبانة يهوسون كبال الغرفة ،
احسهم يدبجون على كَلبي مو ع الكاع
لحظات وقلت الاصوات ..
انفتح باب الغرفة ودخل هو يضحك
بية سولة من اتوتر حيل .. لو اكسر باظافيري لو اكل بيهم .. ما ضل بيدي ولا اظفر صاحي
اجة عليه رفع راسي باسة ..
وضل لازم وجهي بكفوف ادي

مرتضى: صرتي الي يحلوة
دنكت متهربة من نظرات عيونة ..
رجع رفع راسي وكال

.. شبيج ؟ خايفة

هزيت راسي ب لا
.. حور باوعيلي
صارت عيني بعينه ووجهة قريب عليه
.. كال
.. لتسكتين ، خليني اسمع صوتج

حور: مم ما....
كمت امتمت وما اعرف اجمع الكلام
ما حسيت عليه الا وهو مقربني عليه اكثر وماخذ شفايفي ..
جانت هاي اول مرة يتقربلي بهل شكل .. حتى طول فترة الخطوبة ما خليته يجيسني وجان يتعارك وياي حتى على لزمة الايد
ابتعد عني يباوعلي .. رفعت ايدي خليتها على شفايفي احس روحي خدرانة ورايحة بغير عالم ، شعور غريب
ابتسم وهمس قريب من أذني : ها ؟ عجبتج .. تردين نجرب مرة ثانية
انتبهت لنفسي وابتعدت عنه بسرعة واني مستحية اباوع بعيونة ..
كام يضحك وتقرب عليه لزم ايدي وباسهة .. كال
.. جعتي مو ؟
هزيت راسي ب لا
.. صاح
.. ولج شلون اليوم نخلصها بالاشارات .. ميصير حبيبي لازم تاكلين ورانة شغل
اني من فهاوتي ما افتهمت قصدة .. وسألته