وكع الشال من على راسي واحس بانفاسة قريبة من ركبتي .. قرب راسة وهمس بأذني
قسور: أعشكنج يلبوة
حسيت اطرافي كلها تجمدت ..
رفعت ايدي حاولت ادفعة من صدرة وكتلة
لبوة: قسور الله عليك وخرر .. ليش دتحملني ذنب لتنسة اني هسه على ذمة رجال
رفع راسة يباوعلي بياض عيونة مكلوب للاحمر ، ونظراتة ذابلة .. رجف كَلبي من نظرتة الي
اريد امشي شاردة .. رجع سحبني من ايدي
قسور: اووكفي بس احجي وياج
كمت ابجي واتوسل بيه
لبوة: عووفني اريد اروح
صار عصبي وعلة صوتة .. صاح
قسور: ولج ابوووي شمسوويلج ؟؟؟ كتلللج بس احجي وياااج .. اووووكفي
وكفت بمكاني على مسافة من عندة ومدنكة للكاع ..
صرت اخاف اباوعلة ومتوترة من وجودي وياه اريد بس اشرد ..
ضل ساكت للحظات ..
رفعت راسي اباوعلة ، شفته على نفس الوكفة ويباوعلي
تحسر وهو يمسح على وجهة ومبين عليه التوتر
كال .. افسخي
لبوة: شنو افسخ ؟
قسور: خطوبتج بحازم
ضليت فاتحة حلكي واني اسمع كلامة ..
ضحكت بأسى ودرت وجهي
حتى صرت ما اعرف اضبط احساسي بذيج اللحظة ..
بحيث اضحك ودموعي تنزل على خدي
ما حسيت الا بيه وهو يصير كدامي وحاوط وجهي بكفوف ايدة ودارني عليه ومستمر يحجي
.. ادري بيج بعدج تحبيني .. افسخي وانه اعقد عليج
دفعت ايدة واني متخبلة من كلامة
لبوة: هيج انت الموضووع سهل عندك ؟؟ افسخي وتعاي اعقد عليج والله ليش .. لان ادري بيج تحبيني ومجبورة تقبلين .. لو افهممم انت شلوون تفكرر
قسور: ما يهمني شي .. المهم عندي انتي ، انه رايدج
لبوة: بعديييش ؟ ليش هسه يلا حجيت .. وين جان كلامك هذا من اجيتك وكتلك اني احبك ؟
اني رايدتك ؟؟ ليش لمن انخطبت ؟ .. انت متعرف بهذا كلامك شلون دتخليني وحدة رخيصة كدام نفسي وسهله بالنسبة الك
قسور: حشاج
صحت
لبوة: لا مو حشاااي .. انت سبب كولشي ديصير وياي ..
انت دمررررتني .. انت كسررررتني ، كسرت كَلبي
احاول انسة واكمل حياتي وانطي نفسي فرصة ثانية حتى احب وانحب جايني حتى تزيد عليه الكسرة اللي كسرتنياها .. لييييششش ؟
وي كل كلمة تطلع وياها شهكة تدمرني ..
.. ادري حبيتك لو ابتليت على عمرري ؟ ياريتني ما اجيتك بذاك اليوم ولا كتلك شي ع اللي بكَلبي الك
جان صوتي عالي ، على أثرة اجت عمتي وشافتنه
وهو واكف كبالي لازملي الباب ميخليني اطلع ..
حتى لساني عجز عن الكلام وصارت دموعي هي التحجي .. اباوع لعمتي واتوسلها بعيوني تخلصني منه ومن نظراتة اللي احسها تخترقني
اجت سحبت ايدي وجرتني كالت بحدة
سهير: امشي انزلي جوة
قسور: مترووح لحد ما اخلص كلامي
سهير: عوووف البنية قسور
YOU ARE READING
ابو رعب
General Fictionاخ وربي احبة واحب ضحكتة واحب اسمع صوتة ، والله مهما ضاكت بية الدنيا صوتة يفرحني من بعد الله عز وجل .. بس المشكلة ؟؟؟ ما يدري أني احبة ...
