هزيت راسي مترقب كلامة .. زفر نفس بقوة ودار وجهة ع الشارع وكال بضوجة : أمي تريد تشوفك
......
كاعد ع القنفة واهز برجلي وعيني عليه .. مصطفى كاعد بصفي خله ايدة على رجلي بمحاولة منه حتى يخليني اهدئ
بس اني وين!..
من جوة صاير نار مثل البركان وعلى ساعة يهيج
.. على جهة ثانية كاعدين قسور وعمي أسر
أسر: اي عمي .. سولف اسمعك
تنهد وكال
ليث: اصلا ما عندي حجي هواي حتى احجي .. كل مافي الموضوع الوالدة شوي تعبت وطلبت تشوفة واحنه ما نريد نتعبهة اكثر ، دزني الحجي حتى اجي انطيك خبر ..
وكلي خابرت ابو رعب عندة علم ..
من حجة هل جملة توجهت الانظار على قسور اللي ساكت وملامحة باردة ما متفاجأة من الكلام عكسنة احنه
هز راسة وكال
قسور: اي صح .. خابرني الحجي قبل يومين وكلي طالب منك يوسف أمه تعبانة وتريد تشوفة .. وانه لأن ما ردت اردلة كلمة قبلت .. بس يبقى القرار الاخير الك
حجاها وباوع عليه
.. ها شكلت ؟
ضحكت .. مدري من صدمتي لو اضحك على حالي
باوعت للي اسمه ليث
يوسف: شمعنى هسه ؟ وين جانت هاي السنين كلها ؟؟ .. شنو هسه يلا تذكرت عدها ولد
ليث: كتلك مريضة و......
قاطعتة بصياح
يوسف: مرررررييضة موو مشكلللتي .. اني مو لعبة بيدها وكت اللي تريد تشمرني وترجع ورة حفنة سنين تكول اريد اشوف ابني .. يا ابن هذا ؟؟ هي متأكدة عدها ابن اسمه يوسف لو متوهمة
حجه وياي عمي أسر
أسر: اهدئ ابني مو هيج الحجي .. ادري بيك متفاجأ ومو هين عليك هل حجي .. بس لتنسى اللي كاعد تحجي عليها امك واللي كبالك هو اخوك أن كلت اي او لا
.. بس تبقى سالفة تريد تروح تشوفها لو لا يمك انت .. محد اله دخل بيك
كمت وكفت
يوسف: اني ما عندي ام .. عشت بدون ام وربيت بدون ام وراح اكمل حياتي بدون ام هم .. الدنيا ما واكفة على شوفتها .. واسمع انت
صرت كبالة وكتلة
.. وصل الها هل حجاية وكلها يكول .. اللي تكولين عليه ابني ما معترف بيج كأم
عفت الديوان وطلعت من البيت والدنيا ضايكة بعيني
......
أسر: اسمع ابني .. عوفك من الحجي السمعتة هسه .. رد انت لأهلك واحنه هل يومين نرجع خبر للحجي ويوسف خلي عليه انه أقنعة
بعد ما راح الولد بقينة اني وقسور وعمي أسر .. حجه ويانة وكال
YOU ARE READING
ابو رعب
General Fictionاخ وربي احبة واحب ضحكتة واحب اسمع صوتة ، والله مهما ضاكت بية الدنيا صوتة يفرحني من بعد الله عز وجل .. بس المشكلة ؟؟؟ ما يدري أني احبة ...
