نور الظُلماتِ

"بارت1"

نور الظُلماتِ..

لاتنسون التصويت
..............................
بغداد الساعه 7:15 صباحاً

نايمه وفزيت ع دفره بخاصرتي شهگت بقوه وگمت باوعت شفتها مرت خالي لزمت خاصرتي بألم وباوعتلها بكره وگلت

: شبيچ مو مطمورةة حته ع النومه لاحگتني

أمل: وسمم حته سم نايمه ومرتاحه گومي نضفي يلةة

تخصرت وباوعتلها مو مال اعاند مالي خلگ عود بعدين اني اعرف شلون اخُذ حقي گمت واني مزعوجه حته الجُمعه ما أرتاح اوفف رحت غسلت وجهي وفرشت أسناني بدلت ملابسي ونزلت شفتها بس هيَ تفتر ب البيت جنها طنطل كُلها نايمه لأن جُمعه وعطله أمده حضي رحت للمطبخ سويتلي لفة جبن وچاي وگعدت أكُل خلصت غسلت لگلاص ورجعته المكانه ورحت نضفت البيت وهاي فوگ راسي تتأمره واني گوه لازمه الساني خلصت واخيراً ورحت أرتاح اول مگعدت نزلت بنت خالي سماهر

سماهر: هيي انتِ گومي سويلي ريوگ

رفعتلها حاجبي وگمت وگفت لزمتها من أذنها وحجيت بهدوء

: اول شيء عدلي أسلوبچ لمن تحجين وياي وثاني شيء اشوفچ مناقصچ لا أيد ولا رجل فه گومي سوي النفسچ ريوگ تره روحي طالعه ومعندي مانع هسه احطچ ودگ ب النعال عہ راسچ فهمتيي

خنست وهزت راسها بمعنى اي اكثر من مره وراحت تركض هزيت أيدي ورحت فوگ توني لزمت التلفون وسمعت صوت خالي احمد الي رچ البيت رچ نزلت ركض اشوف شكو اول منزلت لزمني وضربني راچدي باوعتله بصدمه ولزمت خدي

احمد:اني جم مرةةة گلت متمدين أيدچ عہ سماهر

: و على هاذي ضربتنيي انت تدري بنتك شلون تحجي وياي عبالك خدامةة عدهاا

احمد: عسى ما تنعل والديچ متحجين فاهمةةة

عفته يصيح ورحت ركض فوگ دخلت للغرفة وسديت الباب نزلت دموعي حاره على خدي هسه اني شنو ذنبي هيچ انضرب يومية مو ولله تعبت مسحت دموعي ورحت نمت وره فتره حسيت بشخص يتلمس بجسمي فزيت ودرت وجهي شفته عمر ابن خالي دفعته بقوة وگع ب الگاع گمت وضربته راچدي وتفلت علي

: لكك كلب نگسس متبطل سوالفكك

عمر: گح** اني اعلمچ تضربيني موو

: واطيح حضك يا قذرر اشرف منك اني

عمر: بسيطه بسيطه

: دنجب عباله اخاف منه ابو الوصخ

هز راسه متحلف وطلع هاي مو أول مره من اني وصغيره هوه يتحرش بيه تعبت وحجيت محد صدگني ب العكس گلبوها عليه بس مخفت منه لمن هدد ادري بي بس حچي يخاف يسوي شيء جبان تنهدت بضيق ونزلت لگيتهم گاعدين يتريگون عفتهم ورحت لغُرفة بيبي فتحت الباب على كيف لگيتها گاعده تسبح ابتسمت ورحت بست راسها