نور الظُلماتِ...
لاتنسون التصويت+ التعليق
.............................
قمر
وجان اشوف بيبي حاضنه رجال وتبوس بي وتهلهل عگدت حاجبي بأستغراب منو هذا؟ تقربت من مرام حتى اسئلها منو هذا
قمر: مرام منو هذا؟
مسحت دموعها وأردفت بفرح
مرام: هذا عمي صگر الي جان مسافر
قمر: اها اوكِ
رجعت اباوعله وهوَ بعده حاضن بيبي ويبوس بيها دار وجها وصارت عينه عليه جمد بمكانه صافن باوعتلهم يردون يشوفون ردة فعله باوعت المرام وهمست
قمر: بسم الله شبي الرجال نخلس
مرام: هههههه ولچ ما يدري انتِ رجعتي
رجعت باوعتله بعده صافن عليه تقرب منه اسد وضربه ع جتفه وأردف
اسد: هاا شمالك صفنت
باوع الأسد ورجع باوعلهم واحد واحد يريد واحد يحچي ماكو كُلهم سَكتو رجع باوعلي وأردف
صگر: نور؟!!
الشيخ: اي بويه هاي نور
فتح عيونه بصدمه وتقدم عليه بسرعه حضني وهوَ يبجي مَمصدگ باوعلي عيونه حمر وأردف
صگر: نور وين جنتي وين تعذبنه بروحتچ ولله تعذبنه
واني بس اباوعله ساكته كُلشي مَحجيت باوعلهم وأردف
صگر: شمالها ساكته؟
اسد: چا شني تريدها تستقبلك ب الأحضان البت ما تعرفك!!
مَهتم الكلام اسد رجع حضني وهوَ يردد
صگر: الحمد لله ياربي الحمد لله
ابتعدت من عنده ورحت يم بابا وهوَ يباوعلي هز راسه وتنهد
صگر: ما يخالف هسه بعدچ ما متعوده عليه بعدين حتى بحضني انومچ
اسد: هااا صگر شنيي سالمين!!!
باوعله بطرف عين وأردف
صگر: وانتَ شعليك!!
اسد: صگر لا تغشم روحك
صگر: اسد تره جانت زعطوطه هسه هيَ من حقها تختار الي تريده!!
اسد: ولله لو انه اخذها لو الموت ياخذها
ذيب: اسد انتَ شني جاي تمسلت
اسد: ولله لو ما تنطونياها انهي عليها
الشيخ: اسدد!!
اسد: جدي انه انتظرت هواي وخلص صبري هسه اريد تحجون وياها هسه
يحچي بعصبيه وعيونه حمر دمارات رگبته برزن باوعله دمار وأردف
دمار: اسد مو گلنه بعدين!!
دفر الطبله وعاط بقهر
اسد: ولكمم كافي حسوو بيه تعبت وانه انتظررر تعبت ليش ما تحسونن ولكم انتظرتها لا سنه ولا سنتين وهسه لمن صارت يمي ما ترضون تحاجونهاااا ليش اختلفتوا عليه ليششش
الشيخ: الك هيَ ولله الك بس البت بعدها صغيره خلي تكبر
ضرب مكان گلبه بقوه وأردف
اسد: وهذا الگو*** شيقنه ها يله گلي شيقنعه؟؟
ابو اسد: أستغفر الله بويه ع كيفك شمالك تخبلت ما تشوف عمك توه جاي وتعبان
توه يريد يحچي وطگ خشمه دم شهگت وحطيت أيدي ع حلگي وأمه ركضت بسرعه حطت كلينس ع خشمه وخلته يدنگ راسه وهيَ تبجي باوعله جدو وأردف
الشيخ: هسه شني ستفاديت من عياطك بس اذيت رويحتك
باوعله اسد وأردف بغصه
اسد: جدي احبها ليش ما جاي تفهمون احبها انه روحي بيها لا تتعبون گلبي وهوَ متعوب
ام اسد: سوده عليه ييمه سوده عليه
انقهرت عليَ لمن حچه بهاذي النبره حيل قهرني بس معقوله دا يقصدني؟ تنهد جدو وأردف
الشيخ: تعالوا بويه للصاله خلي نحچي
زين: بس جدي
الشيخ: زينن انه شني حجيت!!
زين: حاضر جدي سكتت
رحنه كُلنه للصاله وره جدو گعدو واني توني اريد اگعُد وصاحلي جدو حتى اروح يمَ گعدت بصفه وهوَ حاوط كتفي بأيده وأردف
الشيخ: الله ب الخير
الكُل: الله ب الخير والعافيه
الشيخ: احنه من گبل انطينه كلمه وگلنه نور الأسد بس مثل ما تعرفون الصار ونخطفت نور بس اسد ضل مصر كل هاي السنين يريد نور وضل يدور عليها بدون ملل وحبها يكبر بگلبه اكثر واكثر وهاي گدامكم صار عمره 30 سنه وبعده ما متزوج وأمه اكثر من مره رادت تخطبله وهو ما يرضه وهسه انه جاي اطلب أيد قمر الحفيدي اسد
ضليت صافته لا اخُذ ولا انطي يعني معقوله اسد يحبني ومن جنت صغير!! صار هدوء محد حچه باوعلي جدو وأردف
الشيخ: قمر بويه شني رأيچ؟؟
باوعت الكُل يباوعولي مَنتظرين جوابي حمحمت وأردفت بهدوء
قمر: جدو اني مَمفكره ب الزواج ولا اريد اتزوج
الشيخ: ليش بويه ع الاقل فكري وردي خبر
قمر: مَيحتاج افكر اني مَموافقه
باوعلي اسد عيونه حمر وقابض ع أيده بغضب وأردف
اسد: ليش انه بيه شيء مو زين؟
قمر: لا حشاك كُلشي مَبيك كامل مكمل وألف وحده تتمناك بس اني ما اريد اتزوج
اسد: وانه ما اريد الألف اريدچ انتِ وبس وعادي ما نتزوج هسه بس خطوبه ولحد ما انتِ تحبين نتزوج بس اهم شيء تصيرين بأسمي!!
قمر: بس اني..
الشيخ: بدون بس بابا لا تردين هسه فكري وردي خبر ع راحتچ
تنهدت وهزيت راسي
صگر: هسه شني انه تعبان واريد انام
الشيخه: اي يمه هسه مرام تحضرلك الغرفه
صگر: اريد غرفتي بنفس الطابق الي بي غرفة نور
الشيخه: خوش يمه تدلل، گومي مرام حضري غرفة عمچ
مرام: حاضر
راحت مرات تجهز الغرفه لعمو صگر واني هم ترخصت حتى اروح انام صعدت فوگ دخلت الغرفتي گعدت ع الجربايه واني افكر أوافق لو لا ضليت افكر وافكر وافكر واحس راسي حينفجر من التفكير تنهدت ونزلت جوه احسن شيء اسئل ماما وهيَ تنصحني دگيت الباب أجاني صوت بابا يسمحلي ادخل فتحت الباب شفت بابا مَتمدد وماما ماكو ابتسم بوجهي رديتله الأبتسامه وأردفت
قمر: عادي ادخُل؟
ابو دمار: فوتي بويه فوتي طبعاً عادي
ابتسمت ورحت يمَ باسني براسي واني أردفت
قمر: لعد ماما وين؟
ابو دمار: امچ ب الحمام
قمر: اها لعد انتظرها
ابو دمار: گولي بابا محتاجه شيء؟ بيچ شيء؟
قمر: لا يروحي مَبيه شيء بس اريد احاجيها بموضوع اليوم اريد نصيحتها
تحمحم وأردف
ابو دمار: بابا حبيبتي ولله ما تلگين احسن من اسد رجال صايم مصلي عينه ما تروح ع الحرام وفوگ كل هذا يحبچ ومن زمانن چنه نگول انتِ الأسد لا تكسرين گلبه تره اسد خوش رجال ما يستاهل تكسرين بي
قمر: ولله ما أدري احس نفسي مَمستعده للزواج
ابو دمار: بكيفچ بابا فكري زين
قمر: ان شاءالله
شوي ودخلت ماما بس شافتني ابتسمت بهدوء وأردفت
ام دمار: ها يمه قموره بيچ شيء؟
قمر: لا حبيبتي مَبيه شيء بس اريد نصيحتچ لأن تعبت واني افكر ومدا ألگه جواب ساعه اگول خلي أوافق عليَ يحبني ليش حتى ارفضه؟ وساعه اگول لا ما اريد اتزوج ولله دخت
بابا عافنه وطلع گال اخذو راحتكم اجت ماما گعدت بصفي وأردفت
ام دمار: شوفي يمه انه نصيحتي ألچ وافقي لأن اسد يحبچ وشاريچ وما تلگين احسن منه اسد زلمه ينشد بي الضَهر ولو تشوفي ييمه شگد امه گلتله خل اخطبلك خل ازوجك ولا قبل قافل يگلهه يمه شلون اتزوج وانه روحي بنور وهاي صار عمره 30 سنه وما تزوج بس لأن يحبچ وصدگي لو واحد غيره جان تزوج من زمان وبكيفچ بعد فكري زين ع راحتچ بس لا تكسرين ب اسد تره تعذب بحياته الي مَر بي اسد مو شويه وصعب واحد يتحمله
عگدت حاجبي بأستغراب وأردفت
قمر: ليش شبي؟ وبشنو مَر؟
تنهدت ودنگت راسها وأردفت
ام دمار: بعدين تعرفين يمه خلي هوَ يحجليچ احسن سمعي منه لا تسمعين من غيره
هزيت راسي ساكته وضليت اسولف وياها شوي وهيَ تنصحني أوافق وتمدح ب اسد شوي وصعدت فوگ دخلت الغرفتي واني افكر بكلام ماما وبابا ومَدحهم الأسد بعدين أجه ببالي اصلي صلاة استخاره رحت توضيت وفرشت لمصلايه ولبست الجادر وبديت اصلي ودعيت ربي ينطيني الجواب لميت المصلايه وطفيت الضوء ورحت نمت
................................
مرام
YOU ARE READING
نور الظُلماتِ
Romanceهيَ نورً للظُلماتِ وقمرً مُضيءًُ في اليلِ ملاك بريئ ونسمه جميلة هيَ حسناءًُ رقيقه چذابه مُثيرة وقوية تتعرض للضرب والتحرُش حتَ تتغيرحياتُها في يوم وليله وتظهر عائلتُها ألتي أفتقدتها منذ أن كان عُمرها 5سنوات وتذهب معهم هل ستعيش بسلام وراحه أم سوف تواج...
